ISAI 25:11 - Mara Bible RV (BSI)

¹¹ Tithaipa ta ti a zaw awpa ta a ku a pazawhpa hawhta, Môabâ cha a râh liata a ku pazawh aw ta, Châhrasala Abeipa ta â palaina cha panawh aw ta, A kuzôthaina a panawh aw.

ISAI 25:11 ပူးပေါင်းရင်းမြစ်များ

ZAWBÂ 40:11

Na hiehâhna khô pathlapa kha leihtha la, Chyhsa apalaipa cha tawpâ la panawh mah y.

HLAZY 2:5

A pathi iapa ta ama hnohta bie reih aw ta, A hiehâhpa ta âmo pachisapa ta,

ISAI 10:33

Moh teh u, Pheisaihzy Abeipa Zehôvâh ta, Hmotaotheina rarôh y ngaitapa ta a chiahzy chhawh pathlah aw ta, Â sâh ngaitapazy cha thlupa châ aw ta, A seih patluapazy chhao pahnaipa a châ aw.

ISAI 13:11

“Khizaw he a moleina vâta hrie aw na ta, Moleipazy cha ama paraona vâta ei hrie aw ei. Akhotlâhpazy apapiparysana pachhâsa aw na ta, Nôchhiepazy apalaina ei panawhsa aw.

ISAI 14:26

Cha cha leilô zydua châta pachhuahpa châ ta, Phopi zydua chô liata ku pazawhpa cha a châ.

ISAI 16:14

Tahmâ deikua cha, Abeipa ta hetana heta a tah: “Ahlaopa kô reizie ta reipa ta, kô thôh chhôh ta Môabâ rônahna cha panawhpa a châ aw. Râhsaw maluh hluhpi a hneina chôta, cha hmo cha a chô liata tlô aw ta, laibâhpazy cha a chyhta dei châ aw ei ta, ama chyh hleikhô ta ama dadieh kaw aw.”

ISAI 16:6

Môabâ apalaina thâtih thei pi ta, Â khotlâhna, â palaina, a sâlâna, Âh, â vaw palai kaw tlai na! Châhrasala â reithainazy cha aruapa a châ.

ISAI 2:10

Abeipa chichhihna nata â beina rônahna tawhta a râ u la, Lôpanô liata a ngia u la, Dohlei liata a nyu teh u.

ISAI 2:11

Chyhsa mo apasâhsana cha pahnaipa châ aw ta, Chyhsa apalaina chhao panawhpa châ aw ta, Cha noh liata cha Abeipa deita cheihchalopa a châ aw.

ISAI 2:15

O sâhpa nata thokhy to chô liata zy,

ISAI 25:5

Râh raohpa liata noh lopa hawhta a châ. Chihropazy palopasahna pyu padia chi ta, Meihdo nohpahli ta noh lopa a padiapa hawhta, Nôchhiepa hla cha chalihsapa a châ.

ISAI 5:25

Chavâta Abeipa pathi cha a phopi chô liata ia ta, Ama chô liata a ku hy ta a tu ha ei. Tlâhpizy a chalyu ta, Ama rizy cha hnaihny hawhta Lâlaizy liata amâ thy hôlô. Cha zydua cha a tao hapa chhao ta, A hiehâhna pai to leipa ta, A ku a hy ngâ thlâh ha chy.

ISAI 53:12

Thina taihta a hrona leihtha ta, Moleipazy hry liata rei pâpa ta a ypa chhao ta, Chyhsa hluhpi moleina phaoh ta, Hmoparaopazy châta thlah a chhâpa vâta, Ano cha chyhsa rônahpazy hry liata tovyuh rai aw na ta, Thatlôpazy hry liata hraona sôh a hmô hra aw.

ISAI 65:2

Âmo pachânazy zi ei ta, Lâpi pha leipa a chhihpa chhorupazy lâta Noh y ta ei ku ei pazawh tyh.

ZEREMIAH 48:29

Môabâ apalaina thâtih eima thei, Â vaw khotlâh chaimâh. Â pasâhsazie nata â palaizie thei pi ta, Â khotlâhzie nata a palôh laizie eima thei.

ZEREMIAH 48:42

Môabâ cha Abeipa â palai thlupa vâta, Pahleipadiapa châ aw ta, Phopi tloh khao aw vei.

ZEREMIAH 48:47

“Châhrasala noh hnôhlâzy liata, Môabâ cha vânoh ei patosa heih aw,” Abeipa ta a tah. Kha rakha kha Môabâ pachiana kyh cha a châ.

ZEREMIAH 51:44

Babylaw liata Bel cha hrie aw na ta, A palâ hapa chhao, A pakah tawhta ei thaoh aw. Babylaw thokhy cha a cho haw, Phopizy ta ano cha by khao aw veih ei.

DÂNIAH 4:37

Chavâta tahmâ, kei, Nebukaneza ta avâ Beipa cha reithai na ta, palyupalihpa ta, ei parônahsa. Avâ Beipa cha a hmotaopa zydua a do ta, a lâpizy sia ta, a palaipazy a panawh theipa a châ.

KAOLAOSÂ 2:15

Krista ta ryureituhpazy nata biehneituhpazy cha ama châna pahluh ta, kraws liata âmo cha pahniepa ta, â lâhâhpa ta maophyuhpa ta a tao ha ei.

ZÂMIE 4:6

Châhrasala ngiachhiena hluh via ta tlao a vaohei tyh. Chavâta Biehrai ta, “Khazohpa ta apalaipazy a dyuh ta, areisipazy deikua a ngiachhie tyh,” a tahpa a châ.