ISAI 24:3 - Mara Bible RV (BSI)

³ Alei he tlokhuh parua khaipa châ aw ta, Tlokhuh parao khaipa a châ aw; Cha bie cha Abeipa ta a reih haw.

ISAI 24:3 ပူးပေါင်းရင်းမြစ်များ

2 THÂTIHZYRONA 36:21

Cha hmo cha râh ta Pahânohzy a hmâh thei nawpa ta, râh cha kô sysari chhôh roryhrapa ta a y awpa kyh, Zeremiah pakah ta a reipa Abeipa bie a vaw tlôpaki nawpa a châ.

ISAI 21:17

Kedâ pathlazy hry liata likathaipa pasaipha laibâhpazy cha a chyhta ama châ aw. Abeipa, Izarei Khazohpa ta, cha cha a reih haw.”

ISAI 22:25

“Pheisaihzy Abeipa ta hetana heta a tah: Cha noh liata, su a ipa liata â ipa ta khaipa siahkhai cha pahnie khao leipa aw ta, chhawh pathlahpa a châ aw. Za tla aw ta, a chô liata phaohri a ypa cha pahleipadiapa a châ aw. Abeipa ta cha bie cha a reih haw.”

ISAI 24:1

Pachâ teh u, Abeipa ta alei he parua aw ta, Roryhrapa ta a tao aw; Alei hmia he palie patheih aw ta, Alei chô liata a pahrâpazy a hiepatla khai aw ei.

ISAI 24:2

Vâtlâh chô liata hmo a tlôpa hawhta, Theihthaipa chô liata chhao tlô aw ta, Seichapaw chô liata hmo a tlôpa hawhta, A zibeipa chô liata chhao a tlô aw. Seichanô chô liata hmo a tlôpa hawhta, A zibeinô chô liata chhao a tlô aw. A chaleituhpa chô liata hmo a tlôpa hawhta, A zuahtuhpa chô liata chhao a tlô aw. Dyu a pacheisatuhpa chô liata hmo a tlôpa hawhta, Dyu a cheituhpa chô liata chhao a tlô aw. A pôhna a chadaipa ta dyu a pacheisatuhpa chô liata hmo a tlôpa hawhta, A pôhna a pietuhpa chô liata chhao a tlô aw.

ISAI 24:4

Alei he mâchhiesapa ta uah ta, Khizaw he thazeipa ta a uah; Lei chyhsa chônôchaipazy chhao ama uah.

ISAI 42:22

He phopi deikua he cha, Hrao hapa phopi châ ei ta; Ama hmo ama la hapa phopi ama châ. Ama zydua ta khaohtlô liata pathla ei ta, Patâhna o liata ama nyu. Pachhatuh a hnei leipa hraona sôh lâta a lie ei ta, “Pie pakhua ha teh u,” a tah awpa a hnei leipa Parupa sôh lâta amâ lie haw.

ISAI 5:6

Sadô rypa ta tao aw na ta, A chiahzy taipa châ khao leipa aw ta, A lyu thlyupa châ khao hra leipa aw ta, Diahsai nata ahlohzy tlao a pyu awh. Sadô chô liata avâ suah lei awpa ta, Meihdozy chhao bie ei pie ha aw ei.

ISAI 6:11

Chatawhcha kei ta, “Hy ei Zibeipa, khati taih ma a châ aw?” tah na ta. Abeipa ta hetana heta einâ chhy: “Khihpizy rao khaipa ta, Khihsawzy y khao leipa ta a y hlâlei; Ozy rua khaipa ta, Râh roryhrapa ta a y hlâlei;

ZEREMIAH 13:15

Nathlie u la, nah pachôh teh u; A palai khuh vy, Abeipa ta a rei ha hih.

EZEKIA 36:4

Hy Izarei tlâhpizy saih u, Abeipa Zehôvâh bie he thei teh u: Abeipa Zehôvâh ta tlâhpizy nata tlâhthlôhzy, chavahzy nata saikaozy, su rypazy nata khihpi roryhrapazy hnohta hetana heta a tah: Ama chheipâh phopizy ta ama hrao awpa nata pahneisao awpa ama vaw châ haw.

MIKÂ 2:4

Cha noh liata cha, Cha reipachhie aw ei ta, He chaphôhtuna hla heta ama cha pasipasawh aw: “Tlokhuh paraopa eima châ haw; Ei phopi tovyuh panano ta, Kei tawhta a pasie haw? Ngiapâna paosaituhpazy hnohta, Eima lyuzy a pie ha ei.”

MIKÂ 4:4

Chyhsa to ama kre zôh ry liata a tyuh aw ei ta, Ama theiku kô ry chyu liata amâ tyuh aw; Ahy ta hmah pachisa khao aw veih ei, Pheisaihzy Abeipa pakah ta a reih haw.

RYHPACHANEINA 29:23

A râh pôhpalôhpa cha, kaih nata alôh nata kârypa, khâpa chi hmah cheih leina, khâpa hmah pyu leina, sibiepazy chhao thao leina, Abeipa ta hiehâhpa nata pathi iapa ta a paraopa Sawdawmâ nata Kawmawrâ nata Adamâ nata Zebaw râhzy hawhta paraopa a châ aw.

RYHPACHANEINA 29:28

hiehâhna ru ngaitapa nata pathiiana sah ngaitapa ta ama râh tawhta phia pathlah ta, tanoh ta ama yzie hawhna heta, râh hro lâta a papaipatla ha ei,’ ama tah aw.