ISAI 24:2 - Mara Bible RV (BSI)

² Vâtlâh chô liata hmo a tlôpa hawhta, Theihthaipa chô liata chhao tlô aw ta, Seichapaw chô liata hmo a tlôpa hawhta, A zibeipa chô liata chhao a tlô aw. Seichanô chô liata hmo a tlôpa hawhta, A zibeinô chô liata chhao a tlô aw. A chaleituhpa chô liata hmo a tlôpa hawhta, A zuahtuhpa chô liata chhao a tlô aw. Dyu a pacheisatuhpa chô liata hmo a tlôpa hawhta, Dyu a cheituhpa chô liata chhao a tlô aw. A pôhna a chadaipa ta dyu a pacheisatuhpa chô liata hmo a tlôpa hawhta, A pôhna a pietuhpa chô liata chhao a tlô aw.

ISAI 24:2 ပူးပေါင်းရင်းမြစ်များ

ÂTHAONA 41:50

Chakâhna a vaw tlô hlâta Zawsi ta sawchapaw pano sa ta, âmo cha Ôni theihthaipa Pawtipherâ sawchanô Asenâ ta Zawsi châta a sapazy ama châ.

2 THÂTIHZYRONA 36:20

Zaozi a khôkhâhpazy cha Babylaw lâ a chhi ei ta, Persia khinarâh â duana taihta Bei Nebukaneza nata a sawchapawzy chakaotuhpazy ta ama y lymâ.

ISAI 2:9

Chavâta chyhsapa cha panawhpa châ ta, Chyhsa to pahnaipa ama châ. Âmo cha a ngiahthai kha y!

ISAI 24:3

Alei he tlokhuh parua khaipa châ aw ta, Tlokhuh parao khaipa a châ aw; Cha bie cha Abeipa ta a reih haw.

ISAI 28:7

Theihthaipa nata hrohsopa zy chhao ta, Kresawhti vâta a chavia chavô ei ta, Sahma vâta paochheichhâpa ta ama y. Sahma vâta a chavia chavô ei ta, Kresawhti ta âmo cha palâ ta, Sahma vâta paochheichhâpa ta ama y. Aluahna kyh liata pavia pavô ei ta, Bietluna tao nawpa kyh liata ama paochheichhâ tyh.

ISAI 5:15

Chyhsapa cha panawhpa ta y tyh ta, Chyhsa to pahnaipa ama châ tyh; Ama mo a sâhpazy cha, Pahnaipa ama châ tyh.

ZEREMIAH 41:2

Nethaniah sawchapawpa Ismela cha a chyhsa a chhipa pahrawhzy chhaota thyu ei ta, Sâphâ sawchapawpa Ahikâ sawcha­pawpa, Babylaw bei ta râhvaotuhpa ta a taopa Kedaliah cha zaozi ta thie ha ei ta.

ZEREMIAH 42:18

“Pheisaihzy Abeipa, Izarei Khazohpa ta hetana heta a tah: Zerusale khihsawzy chô liata ei hiehâhna nata ei pathiiana ei lei thlu hapa hawhna ei khata, Izi râh lâ nama sie tita chhao, ei pathiiana nama chô liata ei cha lei thlu hra aw ei. Chatanachata chyhu sa thlupa, pachhiparypa, chhiesapa nata pasipasawhpa châ aw ei chi ta, he su he hmô heih khao veih ei chi.

CHAPHÔHTUNA 4:13

A hrohsopazy moleina vâta châ ta, A theihthaipazy paraona vâta a châ; A chhôh liata thisaih palo ei ta, Chyhsa siapa thisaih a palotuhpazy vâta a châ.

CHAPHÔHTUNA 4:16

Abeipa ano tlai ta âmo cha hiepatla ha ta, Uasa khao aw veih ei; Theihthaipazy ta zana hlao khao leipa ei ta, Machâzy ta khokheina hlao khao veih ei.

CHAPHÔHTUNA 4:6

Ei phopi sawchanô paraona cha, Sawdawmâ moleina hlâta a ru via; Sawdawmâ cha ku ta hria byuh leipa ta, Movi hlâta paraopa a châ hapa kha.

HÔSIA 4:9

Zawpi nata theihthaipa amâ lyu khai; Ama hrozie vâta hrie aw ei na ta, Ama hmotaopazy viari ei thô aw ei.