ISAI 24:18 - Mara Bible RV (BSI)

¹⁸ Chichhihna pyu tawhta a râpa cha, Khaohtlô liata tla aw ta; Khaohtlô tawhta a puapa cha, Khoheih liata â ao aw. Avâ opyzy pahypa châ ta, Alei abônazy â chalyu.

ISAI 24:18 ပူးပေါင်းရင်းမြစ်များ

ÂTHAONA 19:24

Abeipa ta Sawdawmâ nata Kawmawrâ chô liata vârâh tawhta mei nata kaih pasuasa ta. Vârâh liata a ypa Abeipa tawh tlai ta a zâ suahpa a châ.

ÂTHAONA 7:11

Nôah hrona kô 600 a tloh kô, thla nona, noh hrawh hleisari noh, cha noh ta, Ti a thu ngaitapa hnawh zydua kaw pali ta, Avâ opy zydua â pahy khai haw.

2 ABEIZY 7:2

Pheisaih hyutuhpa, abei ta a ku liata â pahniehpa ta Khazohpa chyhsa hnohta, “Abeipa ta avâ opyzy a pahypa chhao ta, cha hawhpa hmo cha a y thei aw ma?” tah ta. Khazohpa chyhsa ta, “Na mo tlai ta na hmô aw, châhrasala nie aw va chi,” tah ta.

ZAWBÂ 20:24

Thua chaihrai â râsaipa chhao ta, Dawh libaw ta a ka pahlie aw.

HLAZY 18:15

Hy Abeipa, na rana vâta, Na hnapasu tawhta hu a puapa ta, Tilaipi chaozy hmô theipa châ ta, Khizaw abônazy â lâ khai.

HLAZY 18:7

Alei he a chathopa ta a chalyu ta, A hie a hâhpa vâta, Tlâhpizy abôna chhao a chachhao ta â sih.

HLAZY 18:8

A hnapasu tawhta meikhuh puapa ta, A pakah tawhta meipaleih pua ta, Ano tawhta meiia a vaw pua.

BIECHHOTUHPA 9:12

Châhrasala chyhsapa ta ano daihti awpa pahno vei. Sao chichhihpa liata ngazy amâ aopa hawhta nata khoheih liata pavawzy amâ aopa hawhta, daihti chhiepa eikhapi ta a vaw tlô thlu ti ei ta, chyhsa sawzy cha, cha liata amâ ao tyh.

ISAI 13:13

“Chavâta avâzy chalyusa aw na ta, Pheisaihzy Abeipa pathiiana noh liata, A hiehâhna ru ngaitapa vâta Alei he a yna tawhta chatho pathlahpa a châ aw.

ISAI 2:19

Abeipa ta alei chalyu awpa ta a thyu tita, Chyhsazy cha Abeipa chichhihna tawhta a râ aw ei ta, Â beina rônahna tawhta amâ râ aw; Lôpanô lôpuzy liata a ngia aw ei ta, Alei khaohzy liata amâ ngia aw.

ISAI 2:21

Abeipa ta alei chalyu awpa ta a thyu tita, Chyhsazy cha Abeipa chichhihna tawhta a râ aw ei ta, Â beina rônahna tawhta amâ râ aw; Lôpanô lôpuzy liata a ngia aw ei ta, Alei khaohzy liata amâ ngia aw.

ISAI 42:22

He phopi deikua he cha, Hrao hapa phopi châ ei ta; Ama hmo ama la hapa phopi ama châ. Ama zydua ta khaohtlô liata pathla ei ta, Patâhna o liata ama nyu. Pachhatuh a hnei leipa hraona sôh lâta a lie ei ta, “Pie pakhua ha teh u,” a tah awpa a hnei leipa Parupa sôh lâta amâ lie haw.

ISAI 8:14

Ano cha supathaihpa châ aw ta, Izarei phopi mianopazy châta deikua cha, Moleina lô châ aw ta, Achapiana lôpanô a châ aw. Zerusale khihsawzy châta chhao, Aphyh nata khoheih a châ aw.

ZEREMIAH 48:43

Hy Môabâ chyhsa y, Na hmiakô liata chichhihna y ta, Khaohtlô nata khoheih a y,” Abeipa ta a tah.

ZEREMIAH 48:44

“Chichhihna tawhta a râpa cha, Khaohtlô liata tla aw ta; Khaohtlô tawhta a puapa cha, Khoheih liata â ao aw. Môabâ mo hriena kô vaw patlôsa aw na ta, Cha hmozy cha ama chô liata a tlô aw,” Abeipa ta a tah.

CHAPHÔHTUNA 3:47

Apahlawna nata khaohtlô ta miah tlô thlu ta, Chhiena nata raona ta miah a tlô thlu.

EZEKIA 11:8

Zaozi chi kaw ei chi ta, zaozi cha nama chô liata ei vaw patlôsa aw, Abeipa Zehôvâh ta a tah.

EZEKIA 12:13

Ei sao ta khu aw na ta, ei khoheih liata paaopa a châ aw. Kaldia mo râh Babylaw lâ a chhi aw na ta, châhrasala râh cha hmô aw vei. Cha liata a thi aw.

EZEKIA 15:7

Ei heihnao aw ei. Mei tawhta pua hra ei sala, mei ta kâ khai pyly aw ei ta, ei heihnao ti ei ta, Abeipa ei châ tahpa nama pahno aw.

AMÔSÂ 5:18

Nâmo, Abeipa noh a vâpazy saih u, Nama hu a po na! Khâpa châta ma Abeipa noh cha nama vâ tly? Cha noh cha khaihna châ leipa ta, Zohna mah tlao a châ tâh.

AMÔSÂ 5:19

Chyhsa ta chakeibarôhneipa tawhta a râ ta, Chavyh ta tlao â tyhpa hawhta châ aw ta, O liata a ngiapa ta pâhchhô liata a ku pahnieh ta, Parih ta a pachu pylypa hawhta a châ aw.