ISAI 24:17 - Mara Bible RV (BSI)

¹⁷ Hy lei chyhsa y, Chichhihna ta cha y khâh ta, Khaohtlô nata khoheih zy ta ama cha y khâh hih!

ISAI 24:17 ပူးပေါင်းရင်းမြစ်များ

1 ABEIZY 19:17

Hâze zaozi tawhta a râpa maih cha Zehu ta thie aw ta, Zehu zaozi tawhta a râpa maih cha Elaisâh ta a thie aw.

ZAWBÂ 18:8

Ano phei tlai ta sao lâ a chhi aw ta, Khoheih khaoh chô liata a sie aw.

ISAI 8:14

Ano cha supathaihpa châ aw ta, Izarei phopi mianopazy châta deikua cha, Moleina lô châ aw ta, Achapiana lôpanô a châ aw. Zerusale khihsawzy châta chhao, Aphyh nata khoheih a châ aw.

ZEREMIAH 11:11

Chavâta Abeipa ta hetana heta a tah, moh teh u, chhiena ama chô liata vaw patlôsa na ta, khôkhâh thei aw veih ei. Na aw hra ei sala, a chhy aw veih ei na.

ZEREMIAH 8:3

“Ei papaipatla hapa phopi moleipa laibâhpazy cha, ama pahrâna su lia maihta, hro awpa hlâta thi awpa tlao amâ tlyh via aw,” Pheisaihzy Abeipa ta a tah.

CHAPHÔHTUNA 2:22

Kyhchhi noh hawhta awpakhy chi ta, Chichhihpazy su tawhta eina vaw tlô thlu ei; Abeipa hiehâhna noh liata la, Arâpa nata ahrohpa rai y veih ei; Ei sawzy nata ei mohôhpazy cha, Ei chariahpa ta a pahleipadia khai ha ei.

CHAPHÔHTUNA 3:47

Apahlawna nata khaohtlô ta miah tlô thlu ta, Chhiena nata raona ta miah a tlô thlu.

EZEKIA 11:8

Zaozi chi kaw ei chi ta, zaozi cha nama chô liata ei vaw patlôsa aw, Abeipa Zehôvâh ta a tah.

EZEKIA 12:13

Ei sao ta khu aw na ta, ei khoheih liata paaopa a châ aw. Kaldia mo râh Babylaw lâ a chhi aw na ta, châhrasala râh cha hmô aw vei. Cha liata a thi aw.

EZEKIA 14:21

“Abeipa Zehôvâh ta hetana heta a tah: Ei pachiana pasa ngaitapa miapalih, zaozi, chakâhna, sahrâhpa nata potlana zy Zerusale chô liata patlôsapa ta, khihpi tawhta chyhsapa nata sa ei chhawh pathlah khai tita cha, a rarôh y ngaita kaw aw dia!

AMÔSÂ 5:19

Chyhsa ta chakeibarôhneipa tawhta a râ ta, Chavyh ta tlao â tyhpa hawhta châ aw ta, O liata a ngiapa ta pâhchhô liata a ku pahnieh ta, Parih ta a pachu pylypa hawhta a châ aw.