ISAI 24:1 - Mara Bible RV (BSI)

¹ Pachâ teh u, Abeipa ta alei he parua aw ta, Roryhrapa ta a tao aw; Alei hmia he palie patheih aw ta, Alei chô liata a pahrâpazy a hiepatla khai aw ei.

ISAI 24:1 ပူးပေါင်းရင်းမြစ်များ

2 ABEIZY 21:13

Samâri thliena ri nata Ahabâ chhôhkha padona ri cha Zerusale chô liata parai aw na ta, chyhsa ta beikoh a hnao ta a pakhupa hawhta, Zerusale cha ei hnao aw.

NEHEMIAH 1:8

Châ chakaotuhpa Mawsi hnohta, ‘Ngâ namâ chhih leipa khiahta cha, phopizy hry liata cha hiepatla aw ei na ta,

HLAZY 146:9

Abeipa cha mapaihpazy vaih ta, Nôhmei nata paw hnei leipazy a deichhy tyh; Hmoparaopazy hro deikua cha, Âbôkalie lâta a paysa tyh.

ISAI 13:13

“Chavâta avâzy chalyusa aw na ta, Pheisaihzy Abeipa pathiiana noh liata, A hiehâhna ru ngaitapa vâta Alei he a yna tawhta chatho pathlahpa a châ aw.

ISAI 13:5

Abeipa nata a hiehâhna chariah chhaichhizy châ ei ta, Babylaw râh pôhpalôhpa parao awpa ta, Râh hlapi tawhta a vy ei ta, Avâ chy chhânazy tawhta amâ vy.

ISAI 2:19

Abeipa ta alei chalyu awpa ta a thyu tita, Chyhsazy cha Abeipa chichhihna tawhta a râ aw ei ta, Â beina rônahna tawhta amâ râ aw; Lôpanô lôpuzy liata a ngia aw ei ta, Alei khaohzy liata amâ ngia aw.

ISAI 24:19

Alei cha kai ta, Alei cha zao ta, Alei cha thata â chalyu.

ISAI 24:20

Alei cha a paripa hawhta paochheichhâpa ta y ta, Byureih hawhta â chanei; A paraona ta thata vi ta, Pao ta, thyu heih khao aw vei.

ISAI 27:10

Thokhy khihpi cha roryhrapa ta y ta, Khih hnypa nata puasaipa châ ha ta, Râhchawhpa a lyu bâ. Cha liata viahchaotaw a lao bâ ta, Cha liata a byupa ta, A thochiah hnazy a pahrie tyh.

ISAI 29:16

Hmo dia nama palie patheih khai haw! Beihvituhpa cha beihlei hawhta pachâpa ta, Hmotaopa ta a taotuhpa hnohta, “Ano ta na tao vei,” a tah thei ma? Hmo paysapa chhao ta a paysatuhpa cha, “Novâhna rai hnei vei,” a tah thei ma?

ISAI 29:2

Zerusale cha a nô papo aw na ta, Mâchhiesana nata chaphôhtuna y aw ta, Ei châta chakoh maisâh hawhta a châ aw.

ISAI 30:32

Abeipa ta chôchahrei rao chiehpa hmâpa ta âmo a tuna maih liata, paotlâ nata totâ zy ta patla panô tyh aw ei ta, a chôchahrei hmâpa ta âmo cha â dyuh aw ei.

ISAI 32:12

Lyu pha kawpazy ta Kôvei papua khao leipa ei ta; Kre zôh pathei pha kaw tyhpazy ta Ama pathei khao leipa vâta, Nama chachôhna a chô u la, Chaphôhtu teh u.

ISAI 33:9

Râh cha mâchhiesapa ta panao ta, Lebanaw cha nohzaopa ta a uah lymâ. Saraw bypi cha râhchawhpa lyu ta, Bâsanâ nata Kâmel chhao ama hnazy a zô khai haw.

ISAI 34:10

Chhô nah zâ ta pachhaipa châ leipa aw ta, A meikhuh chhâzaw ta a khu aw. Chhâ zydua ta roryhrapa ta y aw ta, Chhâzaw nata tlyzaw ta ahy hmahta chapia khao aw veih ei.

ISAI 34:2

Abeipa cha râh zydua chô liata a ru thata chhô ta, Ama pheisaih zydua chô liata a hie a hâh ngaita; Chavâta âmo cha, Tlokhuh pahleipadia awpa ta hlâ ha ta, Thie awpa ta a hlâ ha ei.

ISAI 42:15

Tlâhpizy nata tlâhthlôhzy roryhrapa ta tao aw na ta, Ama thoti ramawh zydua ei paraoh khai ha aw. Chavahzy cha liahpahlôzy ta tao aw ei na ta, Tipozy ei pakua ha aw ei.

ISAI 5:6

Sadô rypa ta tao aw na ta, A chiahzy taipa châ khao leipa aw ta, A lyu thlyupa châ khao hra leipa aw ta, Diahsai nata ahlohzy tlao a pyu awh. Sadô chô liata avâ suah lei awpa ta, Meihdozy chhao bie ei pie ha aw ei.

ZEREMIAH 4:7

 nyuna sipopa tawhta chakeibarôhneipa vaw pua ha ta, Râhzy paraotuhpa a vaw pua haw; Na râh roryhrapa ta tao awpa ta, A yna su tawhta a vaw pua haw; Na khihpizy cha khihpi rypa châ aw ei ta, A chhôh liata a pahrâpa y khao aw veih ei.

ZEREMIAH 40:15

Kariah sawchapawpa Zôhanâ ta Kedaliah cha Mizpâ liata arulâta bie chho ta, a hnohta, “Sie aw na ta, Nethaniah sawchapawpa Ismela he ei kei thie ha aw. Ahy hmahta pahno aw veih ei. Khazia na hrona a la aw tly? Cha hawhta châ mawh sala, nâma châ bylyupa Zu chyhsa zydua pai khai aw ei ta, Zudâh laibâhpazy ama leidia khai aw mâh tâh,” tah ta.

ZEREMIAH 50:17

“Izarei cha mietaku pai patlapa châ ta, Chakeibarôhneipa ta â chadai pai hapa a châ. Asuria bei ta ano cha palâ tua ta, Tahmâ Babylaw bei Nebukaneza ta a ruzy a thlie haw.

ZEREMIAH 51:34

Zaio khihsawzy ta, “Babylaw bei Nebukaneza ta na palâ ha ta, Eina chaeih pazao haw; Beih ruapa ta na tao ta, Parihpi hawhta eina palâ haw; Ei niedo pahâhpazy ta a py a pabie ta, Chysia hawhta na saoh ta eina thy haw.

ZEREMIAH 9:16

Âmo nata âmo pathlatuhpazy chhao ta ama pahno beih leipa phopizy hry liata papaipatla aw ei na ta, ei pahleipadia khai hlâlei ei cha zaozi ta âmo ei chadaisa aw ei.”

EZEKIA 12:20

Chyhsa pahrâna khihpizy cha, khih rypa lâta taopa châ aw ei ta, râh cha roryhrapa ta y aw. Chatanachata Abeipa ei châ tahpa nama pahno aw,’ tahpa ta reih mah y,” tah ta.

EZEKIA 24:11

A pathaih leina zao sala, a upa a kâ khai ha nawpa ta, beih cha a ruapa ta meihei iapa chô liata khaih la, sah sala saih khai ha mawh sy.

EZEKIA 35:14

Abeipa Zehôvâh ta hetana heta a tah: Khizaw zydua thaphapa ta a y nota, roryhrapa ta ei cha paysa aw.

EZEKIA 5:14

“Roryhrapa ta cha tao aw na ta, na chheipâh phopi zydua hry liata nata châ chapiapa zydua mohmô liata mohnaochhihpa ta ei cha tao aw.

EZEKIA 5:2

Su kha cha khihpi dôhna nohzy a chhâ tita, khihpi liah liata mei ta na rao aw. Su kha hropa cha, la aw chi ta, khihpi chheipâh zydua liata zaozi ta na chhawh aw. Su kha hropa heih cha, ziza liata hiepatla aw chi ta, ei zaozi phia aw na ta, ei chadaisa aw ei.

EZEKIA 6:14

Ama chô liata ei ku pazawh aw na ta, ama pahrâna su zydua, râhchawhpa tawhta Riblâ taihta, râh cha roryhrapa nata arypa ta ei tao aw. Chatanachata kei he Abeipa ei châ tahpa ama pahno aw.”

EZEKIA 6:6

Nama pahrâna su zydua liata, khihpizy rao khai aw ta, su sâhpazy roryhrapa ta a y aw. Chatanachata nama maisâhzy cha paraopa châ aw ta, roryhrapa ta a y aw. Nama khazoh nothlahpazy pakeipa châ aw ta, pahleipadiapa a châ aw. Nama ropahâhpa raona maisâhzy chhawh pachhôpa châ aw ta, nama hmotaopazy pahleipadia khaipa a châ aw.

EZEKIA 7:12

Daihti vaw tlô ha ta, noh â hnia haw. Ama zawpi zydua chô liata Khazohpa hiehâhna a vaw tlô awpa vâta, a chaleituhpa ta aly leipa sala, a zuahtuhpa chhao mâchhiesa khah sy.

EZEKIA 7:14

“Chiahmie tô ei ta, ato a mâ chiehpa ta a y. Châhrasala ei hiehâhna cha ama zawpi zydua chô liata a ypa vâta, ahy hmahta adyuhna lâ sie veih ei.

NÂHU 1:5

Ano hmiakô liata la, Tlâhpizy a sih ei ta, Tlâhthlôhzy ama zao khai; Ano mohmô liata la, Alei chhao he a chalyu ta, Khizaw nata a chhôh liata a ypa zydua amâ chalyu.

NÂHU 2:10

Roryhrapa ta y ta, Roryhrana nata raona ta a bie; Palôhzy zao ta, Pakhuzy â chakhyh; Chai zydua pasa ta, Hmia zydua a hlâh khai haw.

LUKA 21:24

Zaozi ta thi aw ei ta, phopi zydua sei ta a chhipa ama châ aw. Zenitaizy noh â ki hlâlei cha, Zerusale cha Zenitaizy tlypâpa ta a y aw.

HMOTAOPAZY 17:6

Châhrasala lyuhchâpazy cha hmô leipa ei ta, Zasaw nata unawh hropa thokhazy cha khihpi biehneituhpazy lâ a daophi ei ta, “He sahlao, khizaw a palie patheih khai hapazy heta, he lâ chhao vaw tlô ei ta.

RYHPACHANEINA 28:64

“Abeipa ta kaokih liata, alei chhâna miakha lâ tawhta miakha lâ chhâna taihta a ypa phopizy hry liata cha papai aw ei ta, cha liata nâmo nata châ pathlatuhpazy ta nama pahno beih leipa tho nata lô khazohzy nama chakao aw.

RYHPACHANEINA 32:26

A tlawh ta pachhaih aw ei na ta, Khizaw ta â thei khao lei awpa ta ei pamua aw ei,’ Vaw tah ha aw sah la a pha awpa tlai.

RYHPACHANEINA 4:27

Abeipa ta phopizy hry liata cha papai aw ei ta, Abeipa ta a cha papaina phopizy hry liata a chyhta dei pahlôhpa nama châ aw.

ZÂMIE 1:1

Khazohpa nata Abeipa Zisu Krista chakaotuhpa Zâmie ta chi hrawh hleino paipatlapazy ei châ naoh ei.