ISAI 23:13 - Mara Bible RV (BSI)

¹³ Moh tua u, Kaldia mo râh hih! Phopi a lei hapa râh châ ta, Asuria ta râhsazy pahrâ nawpa ta a tao haw. Khihpi dôhna o sâhpazy padua thlupa ta, thokhyzy parao ei ta, khih rypa ta ama tao haw.

ISAI 23:13 ပူးပေါင်းရင်းမြစ်များ

ÂTHAONA 11:28

Harânâ cha a pina Kaldia râh Ur khihpi liata a paw Terâ hro chhôh ta thi ha ta.

ÂTHAONA 11:31

Terâ cha a sawchapawpa Abarâ, a samohpa Lawta, Harânâ sawchapawpa nata a myuhnô Sârai nata a sawchapawpa Abarâ lapinô zy a chhi ta, Kaldia râh Ur khihpi tawhta Kâna râh lâ sie awpa ta hmaohkha ta ama pua. Châhrasala Harânâ khihpi ama tlô nahta, cha liata pahrâ ei ta.

ÂTHAONA 11:9

Abeipa ta cha liata khizaw zydua reih a panano khai hapa vâta, cha khihpi moh cha Babylaw bipa a châ. Chatanachata Abeipa ta âmo cha, cha su tawhta alei chô zydua liata a papai khai ha ei.

ÂTHAONA 2:14

Chavah miathôhna cha Tikari châ ta, Asuria râh nochhi lâta a lohpa a châ. Chavah miapalihna cha Ufrâti a châ.

2 ABEIZY 17:24

Asuria bei ta Babylaw, Kuthâ, Avâ, Hâmathi nata Sephavai khihzy tawhta chyhsazy a zâ chhi ta, Izarei sawzy vyuhpa ta Samâri khihpizy liata a pahrâsa ei. Chatanachata Samâri cha la ei ta, a khihpizy liata ama pahrâ haw.

2 ABEIZY 20:12

Cha daihti liata, Bâladâ sawchapawpa Babylaw bei Merôdâ Bâladâ ta Hezekia tlâhleipa thâtih vaw thei ta. Hezekia lâta vyuhtuapazy tuah ta, châ nata kuhria zy paphao ta.

2 THÂTIHZYRONA 33:11

Chavâta Abeipa ta Asuria pheisaih hyutuhpazy vaw tuah ta, Manase cha patu ei ta, a hnari daohpa ta dawh bâlia ta buh ei ta, Babylaw lâ ama siekhei haw.

ZAWBÂ 1:17

Bie a rei hai nota, chyhsa hropa vaw tlô heih ta, Zawbâ hnohta, “Kaldia mo ta py thôh lâta a pachhaih ei ta, râraoseihpazy patupa ta siekhei ei ta, chakaotuhpazy cha zaozi ta ama thie haw. Kei deita he thâtih cha chho awpa ta a vaw râpa ei châ,” tah ta.

HLAZY 72:9

Râhchawhpa chiphozy a hmiakô liata a bôh ei sala, A chariahpazy cha dohlei palie mawh ei sy!

ISAI 10:5

Asuria cha a hu a po na! Ano cha ei pathiiana sômasi châ ta, A ku liata ei hiehâhna chôchahrei a y.

ISAI 10:7

Châhrasala Asuria ta, Cha hawhta tao a chhuah leipa ta; A palôh ta pachâ hra vei. Pahleipadia khai awpa palôh tlao hnei ta, Phopi chyhta dei châ leipa ta, Phopi hluhpi pahleipadia awpa palôh a hnei.

ISAI 13:19

“Khazohpa ta a parao ti ei ta cha, Khinarâhzy lôsôhpa Babylaw cha, Sawdawmâ nata Kawmawrâ hawh ta châ aw ta; Kaldia mo rônahna nata apalaina chhao, Sawdawmâ nata Kawmawrâ hawhta a châ aw.

ISAI 13:21

Râhsazy ta cha liata tlao a byu aw ei ta, Ama ozy cha vakuzy ta a bie aw. Cha liata pavawpizy pahrâ aw ei ta, Sathawhzy châki ama zoh aw.

ISAI 18:6

Kre zôh zydua cha tlâh pavaw rikawhpazy châta siesaipa châ aw ei ta, Lei sahrâhpazy châta siesaipa ama châ aw. Cha liana cha pahmôhzy ta nopi daihti hmâh tyh aw ei ta, Lei sahrâhpa zydua ta chasipaw daihti ama hmâh tyh aw.

ISAI 43:14

Abeipa, nâmo châ Chatlaituhpa ta hetana heta tah ta, Izarei Mo Pathaihpa ta hetana heta a tah: “Nâmo vâta Babylaw lâ pheisaih tuah aw na ta, Arâpazy hawhta ei zâ chhi khai aw ei; Amâ ly kaw tyhpa balyhzy cheingei hmâpa ta, Kaldia mo chhao ei za siekhei aw ei.

EZEKIA 23:23

Babylaw mo nata Kaldia mo zydua, Pekô nata Sôâ nata Kôâ mozy nata ama hnohta a ypa Asuria mo zydua, satlia khochhih ngaitapazy, râhvaotuhpazy nata pheisaih hyutuhpa zydua, beimachâzy nata chyhsa moh pathâhpazy, ama zydua ta arâ a kiahpazy châ ei ta, chazy chata ama cha vaw siehnao aw.

EZEKIA 29:18

“Chyhsa sawchapawpa y, Babylaw bei Nebukaneza ta a pheisaihzy Tyre chô liata rai thata pahriasa ta, chyhsa to luh tlyh khai ha ta, ama ngiatlâh â hlia khai haw. Chatanachôta ano nata a pheisaihzy ta ama hriapasana vâta Tyre tawhta athôhna khâpa hmah hmô hlei veih ei.

DÂNIAH 4:30

abei cha patuapalua ta, hetana heta tah ta, “He Babylaw rônahpa he keima hmotaotheina nata thatlôna tlai ta abei pahrâna o châta nata ei beina rônahna châta ei paduapa châ vei mâ?” tah ta.

HABAKU 1:6

Moh teh u, Kaldia mo ei padua hai ei hih; Âmo cha phopi nôchhiepa châ ei ta, Phopi chahraochatôhpa ama châ; Alei doh nata hâ chahryh ei ta, Chyhsa râhzy a chhu laihpa phopi ama châ.

HMOTAOPAZY 7:4

Chatanachata Kaldia râh tawhta pua ta, Harânâ khih liata pahrâ ta. A paw a thi tawhta, Khazohpa ta cha khih tawhta a chhi ta, tahmâ ta nama pahrâna râh lâ he pasiesa ta.