ISAI 23:11 - Mara Bible RV (BSI)

¹¹ Abeipa ta tilaipi chô liata a ku pazawhpa ta, Abeinarâhzy chalyu ta; Kâna thokhyzy parao awpa ta, Bie a pie haw.

ISAI 23:11 ပူးပေါင်းရင်းမြစ်များ

ÂTHAONA 9:25

Nôah ta, “Kâna cha chhiesapa ta y sala, A unawhzy châta seizy sei châ mawh sy!” tah ta.

HLAZY 46:6

Phopizy a tyhreihpa ta, Khinarâhzy pao ei ta; A ao papua ta, Leilô he a zao khai haw.

HLAZY 71:3

Khâ ei pangai tyh awpa, Ei chhaina lôpanô na châpa la; Ei lôpanô nata ei thokhy châ chi ta, Na pachha awpa ta biepie mah y.

PUASAINA 14:21

Mawsi ta tilaipi chô liata a ku pazawh ta, Abeipa ta azozâkhihdei ta nochhi thlih ru ngaitapa vaw pathlisa ta, tizy hnoh lâ a sy ei ta, tilaipi cha alei hipa lâta pachâsa ta. Chatanachata tizy cha a pachhaih ta.

ISAI 10:6

Hraona sôh lapa ta, Ama hneipazy chhu ta, Khiliah chiatlao hawhta tlypâ awpa ta, Ano cha Khazohpa a pachâ leipa phopi lâ tuah na ta, Ei hie nâ pahâhpa phopi a dyuh awpa ta bie ei pie.

ISAI 13:13

“Chavâta avâzy chalyusa aw na ta, Pheisaihzy Abeipa pathiiana noh liata, A hiehâhna ru ngaitapa vâta Alei he a yna tawhta chatho pathlahpa a châ aw.

ISAI 14:26

Cha cha leilô zydua châta pachhuahpa châ ta, Phopi zydua chô liata ku pazawhpa cha a châ.

ISAI 19:5

Tilaipi tizy kua aw ta, Chavah chhao kuapa ta a chawhkarai aw.

ISAI 2:19

Abeipa ta alei chalyu awpa ta a thyu tita, Chyhsazy cha Abeipa chichhihna tawhta a râ aw ei ta, Â beina rônahna tawhta amâ râ aw; Lôpanô lôpuzy liata a ngia aw ei ta, Alei khaohzy liata amâ ngia aw.

ISAI 23:10

Hy Tâsi zuah y, Nile chavah kiahzy liata ama taopa hawhta, Na râh liata leipalie bâ mah y; Balyh apahâna hnei khao va chi hih.

ISAI 23:3

Ti lai ngaitapazy chô liata Sihaw sâh vaw sie ta, Nile kôvei cha Tyre sôh hmôna châ ta, Tyre cha râhzy sôhpaliena supipa a châ tyh.

ISAI 25:2

Khihpi cha alô pathluna ta tao chi ta, Thokhy khihpi cha khih rypa ta na tao haw; Chihropazy thokhy khihpi chhao, Khihpi châ khao leipa ta, Khatita hmah paduapathipa châ khao aw vei.

ISAI 5:25

Chavâta Abeipa pathi cha a phopi chô liata ia ta, Ama chô liata a ku hy ta a tu ha ei. Tlâhpizy a chalyu ta, Ama rizy cha hnaihny hawhta Lâlaizy liata amâ thy hôlô. Cha zydua cha a tao hapa chhao ta, A hiehâhna pai to leipa ta, A ku a hy ngâ thlâh ha chy.

ISAI 50:2

Khazia ma ei vy no kha chyhsa a hy hmah y leipa ei ta, Khazia ma ei aw no kha nâ chyh-eipa ama y vei tly? Ei ku he chatlai thei lei awpa ta pachhohsapa ma a châ haw? Pachha awpa ta hmotaotheina a hnei leipa ma ei châ haw? Moh teh u, tilaipi cha rapa ta padua na ta, Chavahzy râh raohpa lâta paliepa ta, Ti y leipa vâta nga thu roh pahnâh ta, Dâhphipa ta ama thi.

ZEREMIAH 47:7

Abeipa ta bie a cha pie ha khiahta cha, Kheihta ma nâ chalih thei aw? Askelaw nata tilaipi kiah râh a dyuh awpa ta, Abeipa ta a cha rao haw.”

EZEKIA 26:10

Arâ a hneipazy a hluh ngaita awpa vâta, ama buchadoh ta a cha khu khai aw. Na thokhy chhikaozy â vaw ngia tita, khihpi thokhy parao hapa liata chyhsazy amâ ngiapa pyu hawhta, arâ pheisaihzy nata talailih tiaki miapalihpazy nata talailihzy pyu ta na thokhyzy amâ chalyu ngâ kaw aw.

EZEKIA 26:4

Tyre thokhyzy parao aw ei ta, a o sâhpazy ama pacho aw. A chhaohlei zydua hao pathlah khai aw na ta, lôpanô chawhkaraipa hawhta ei tao aw.

EZEKIA 31:16

A paona pyu ta phopizy chalyusa na ta, khaohtlô lâ a tla hapazy hnohta Athihkhih liata ei thy pathlah nota phopizy ei chalyusa ei. Idâh tho zydua, Lebanaw tho pha chaipazy, ti ta pasapa tho zydua cha alei ry liata thlah palôhpa ta ama y.

NÂHU 1:14

Abeipa ta nâma kyh liata Hetana heta bie a pie haw: “Na moh y zôzaw khao aw vei; Nothlah khiepa nata nothlah leihpa zy cha, Na khazohzy o tawhta ei chhawh pathlah ha aw. Zakhei nâ chhih tu hapa vâta, Na thlâ ei cha chaopa aw.

HÂKAI 2:7

Phopi zydua ei chalyu aw ei. Râh to liata ryusôhpazy vaw tlô aw ta, he o he rônahna ta ei pabie aw,’ Pheisaihzy Abeipa ta a tah.

ZEKARIA 14:21

Zerusale nata Zudâh liata thua beih zydua cha Pheisaihzy Abeipa châta a pathaihpa ama châ khai aw. Atheihna hlâ awpa ta â vypa zydua ta beihzy cha la aw ei ta, chho nawpa châta ama hmâh aw. Cha noh liata cha Pheisaihzy Abeipa o liata sôhpalietuhpazy y khao aw veih ei.

MÂKA 11:17

Âmo cha pachu ta, ama hnohta, “‘Ei o cha phopi zydua châta thlahchhâna o ama bi aw,’ tahpa ta ropa châ vei ma? Nâmo deikua ta cha, parutuhpazy lôpu ta nama tao ha he zaw,” tah ta.

ZAWHÂNA 2:16

Pivaw zuahtuhpazy hnohta, “Kha hmozy kha puakhei teh u. Ei Paw o he sôdaohna o ta tao khah u,” tah ta.