Asuria bei ta a bie reipa cha a vaw pyh ta. Chatanachata Asuria bei ta Dâmaskâ khihpi cha siehnao ta, la ta, a chyhsazy cha Kiri lâ sei ta a chhi ta, Rezi cha a thie haw.
Cha noh liata, Abeipa ta a ei nona ta a ku pazawh heih aw ta, a phopi laibâhpazy cha Asuria, Izi, Pâtharô, Kusi, Elâmi, Sinâ nata Hâmathi râhzy tawhta nata tilaipi kiah râhzy tawhta â vaw chhipakhy heih aw ei.
He he Môabâ kyh chhochhieliena bie a châ: Môabâ râh Ari khihpi cha, Zâ kha ta parao khaipa a châpa vâta, Môabâ cha lei ha ta; Môabâ râh Kiri khihpi chhao, Zâ kha ta parao khaipa a châpa vâta, Môabâ cha a lei haw.
Aluahna rarôh ypa ei hnohta phuahpa a châ; Paphasaituhpa ta a paphasai ta, Paraotuhpa ta a parao. Hy Elâmi, khy la, Hy Media, dôh teh. Chyhsa a pahrôsa tyhpa zydua kha Ei pachhâsa haw.
Dâmaskâ thokhy chhikao hrainazy thlie aw na ta, Ave Saikao liata a pahrâpazy ei chhawh pathlah khai aw ei. Be-Idâh ryureina chôchahrei a chabapazy Chhawh pathlah aw ei na ta, Aramia zawpizy cha Kiri lâ sei ta ama sie aw,” Abeipa ta a tah.
“Hy Izarei sawzy saih u, Ei châta cha Kusi mo hawh dei châ hra veih ei chi ma?” Abeipa ta a tah. “Izi râh tawhta Izarei a kaw chhipa ta, Kâftaw tawhta Philistinâ a chhi na ta, Kiri tawhta Aramia a chhipa kha, Kei châ va na ma?