ISAI 22:25 - Mara Bible RV (BSI)

²⁵ “Pheisaihzy Abeipa ta hetana heta a tah: Cha noh liata, su a ipa liata â ipa ta khaipa siahkhai cha pahnie khao leipa aw ta, chhawh pathlahpa a châ aw. Za tla aw ta, a chô liata phaohri a ypa cha pahleipadiapa a châ aw. Abeipa ta cha bie cha a reih haw.”

ISAI 22:25 ပူးပေါင်းရင်းမြစ်များ

HLAZY 146:3

Abeizy a ngâchhâ leipa la, Chyhsa sawzy chhao a ngâchhâ khah y, Ano liata pachhana y vei.

HLAZY 52:5

Khazohpa ta tlyzaw ta cha parao aw ta, Na poh o tawhta châ daophipa ta cha hriechheih aw ta, Ahrohpa râh tawhta a cha phia pathlah aw. Selah

ISAI 22:23

Su a ipa liata khaipa siahkhai hawhta, ano cha pa-i aw na ta, a phopi châta beidyuchhai zachhihpa a châ aw.

ISAI 22:24

A phopi zachhihna zydua ano liata a baih aw ta, a chipathlazy nata a hrihruahzy, hmobaoh chyhpa to, biebuh tawhta beihrai taihta ano liata amâ baih khai aw.

ISAI 46:11

Nochhi lâta sahei a niepa pavaw aw aw na ta, Râh hlapi liata ei chyhsa ryhraotuhpa ei aw aw. Reih ha na ta, Ei vaw patlôsa aw; A chhuah ha na ta, Ei tao aw.

ISAI 48:15

Kei, keima tlai ta bie reih na ta, Ano cha ei awpa a châ; Kei ta ei chhipa a châpa vâta, A lâpi patlâ aw ta, A hlaotloh lymâ aw.

ZEREMIAH 4:28

Cha vâna chata alei cha, Mâchhiesapa ta y aw ta, Chô lâ avâzy a zoh aw. Bie reih ha na ta, Ei chhuah haw; A ngiapachhi leipa na ta, Pathleih hra aw va na.”

EZEKIA 5:13

“Cha hawhna chata ei hiehâhna cha papaipa ta, ei pathiiana ama chô liata lei thlu aw na ta, ei palôh a dia ha aw. Chatanachata Abeipa ei châ tahpa pahno aw ei ta, ama chô liata ei ruchhôna a pai tita cha, ei hiatliapa vâ ei ta ei reipa a châzie ama pahno aw.

EZEKIA 5:15

Hiehâhpa nata ruchhôpa ta thata cha chhoreipa ta, ei cha hrie tita, na chheipâh liata phopizy ta ama mohnaopa nata pasipasawhpa châ aw chi ta, âmo châta zikyurâna nata pachhiparyna na châ aw. Kei, Abeipa ta ei reih haw.

EZEKIA 5:17

Nama chô liata chakâhna nata sahrâhpazy vaw tuah aw na ta, nama sawzy mâchhiesapa ta ama cha tao aw. Potlana nata thisaih ta cha siepahlie aw ei ta, nama chô liata zaozi ei vaw patlôsa aw. Kei, Abeipa ta ei reih haw,” tah ta.

MIKÂ 4:4

Chyhsa to ama kre zôh ry liata a tyuh aw ei ta, Ama theiku kô ry chyu liata amâ tyuh aw; Ahy ta hmah pachisa khao aw veih ei, Pheisaihzy Abeipa pakah ta a reih haw.