ISAI 22:15 - Mara Bible RV (BSI)

¹⁵ Pheisaihzy Abeipa Zehôvâh ta hetana heta a tah: “Sie la, ochhôh a vaotuhpa, sôh mohôhtuhpa Sebanâ lâ vawh la, a hnohta hetana heta kei chho teh:

ISAI 22:15 ပူးပေါင်းရင်းမြစ်များ

1 ABEIZY 4:6

Ahisâ cha abei o liata hyutuhpa châ ta, Abadâ sawchapawpa Adônirâ cha raihriapazy hyutuhpa a châ.

2 ABEIZY 10:5

Abei o avaotuhpa nata khihpi avaotuhpa ta, machâzy nata hawti mohôhtuhpazy chhaota a paraohpa ta, Zehu lâ chyhsa tuah ei ta, a hnohta, “Châ chakaotuhpazy eima châ. Tao awpa miah na tahpa maih eima tao aw. Ahy hmah abei ta tao aw ma pi. Pha na tahpa hawhta tao mah y,” tah ei ta.

2 ABEIZY 18:18

Abei cha pado ei ta, Hikia sawchapawpa abei o hyutuhpa Eliakima, chârôhtuhpa Sebanâ nata Asâpha sawchapawpa thâtih rohtuhpa Zôah zy âmo lâ kei pua ei ta.

2 ABEIZY 18:26

Hikia sawchapawpa Eliakima nata Sebanâ nata Zôah zy ta Râbâsake hnohta, “Ngiachhiepa ta châ chakaotuhpazy he Aramia reih ta bie miah chho teh, eima thei thlâh haw. Thokhy chô liata chyhsazy nah theina liata Zudâh reih ta rie miah chho khah y,” tah ei ta.

2 ABEIZY 18:37

Chatawhcha Hikia sawchapawpa abei o hyutuhpa Eliakima, chârohtuhpa Sebanâ nata Asâpha sawchapawpa thâtih rohtuhpa Zôah zy cha ama chysiazy hriepa ta Hezekia lâ vawh ei ta, Râbâsake bie reipazy cha kei chho ei ta.

2 ABEIZY 19:2

Hezekia ta abei o hyutuhpa Eliakima nata chârohtuhpa Sebanâ nata theihthaipa uhthei viapazy cha latho poh pabusapa ta Amôza sawchapawpa hrohsopa Isai lâ tuah ta.

1 THÂTIHZYRONA 27:25

Abei sôh mohôhtuhpa cha Adie sawchapawpa Azamâve châ ta, lyuzy, khihpizy, khitawzy nata o sâhpazy liata abei sôh mohôhtuhpa cha Uzia sawchapawpa Zawnathâ a châ.

ISAI 36:11

Eliakima, Sebanâ nata Zôah zy ta Râbâsake hnohta, “Ngiachhiepa ta châ chakaotuhpazy he Aramia reih ta bie miah chho teh. Aramia reih eima thei thlâh haw. Thokhy chô liata chyhsazy nah theina liata Zudâh reih ta rie miah chho khah y,” tah ei ta.

ISAI 36:22

Chatawhcha Hikia sawchapawpa abei o hyutuhpa Eliakima, chârohtuhpa Sebanâ nata Asâpha sawchapawpa thâtih rohtuhpa Zôah zy cha ama chysiazy hriepa ta Hezekia lâ vawh ei ta, Râbâsake bie reipazy cha kei chho ei ta.

ISAI 36:3

Abei o hyutuhpa Eliakima, Hikia sawchapawpa nata chârohtuhpa Sebanâ nata thâtih rohtuhpa Zôah, Asâpha sawchapawpa zy ano lâ a zu ei ta.

ISAI 37:2

Hezekia ta abei o hyutuhpa Eliakima nata chârohtuhpa Sebanâ nata theihthaipa uhthei viapazy cha latho poh pabusapa ta Amôza sawchapawpa hrohsopa Isai lâ tuah ta.

HMOTAOPAZY 8:27

Phili cha thyu ta, sie ta. Ethiôpia chyhsa pakha y ta. Ano cha Ethiôpia beinô Kandaki ry liata molaipa, hrilyupa châ ta, abeinô sôh mohôhtuhpa a châ. Khazohpa a chhy awpa ta Zerusale lâ khy ta.