ISAI 22:12 - Mara Bible RV (BSI)

¹² Cha noh liata, Pheisaihzy Abeipa Zehôvâh ta, Cha awpa nata mâchhiesa awpa ta aw ta, Luh a papôlô awpa nata latho poh a bu awpa ta a aw.

ISAI 22:12 ပူးပေါင်းရင်းမြစ်များ

2 THÂTIHZYRONA 35:25

Zeremiah chhao ta Zôsia chaphôhtuna hla sa ta, hlasathaipa chanô nata chapaw zydua ta, Zôsia pasai leina chaphôhtuna hlabiezy tanoh taihta ama reih ngâ thlâh ha chy. Zôsia pasai leina chaphôhtuna hla sapa cha, Izarei râh liata tao tyh awpa ryhpa ta a pyh ei ta, chaphôhtuna hlazy liata pahlaopa a châ.

EZRÂ 9:3

Cha thâtih cha ei theipa nahta, ei viahkao nata ei poh hrie nata, ei sâ nata ei kâhhmi phia na ta, a pachâna pahno leipa ta a tyuh na ta.

NEHEMIAH 9:9

“Miah pathlatuhpazy Izi râh liata ama rietheizie hmô chi ta, Tilaipi Saihpa liata ama chana ao na thei.

ZAWBÂ 1:20

Chatawhcha Zawbâ cha thyu ta, a viahkao pasipa cha hrie ta, a luh a ngyu ta, alei liata pao ta, Khazohpa cha hetana heta â chhy:

BIECHHOTUHPA 3:11

Ato ama daihti chyu liata â ngia ngaitapa ta taopa ta, chyhsapa palôh liata tlyzaw soh ta, châhrasala Khazohpa hmotaopa cha âthaona tawhta achhâna taihta pahno thei hlei vei.

BIECHHOTUHPA 3:4

Cha daihti y ta, pahnei daihti a y; Mâchhiesa daihti y ta, lâ daihti a y;

ISAI 15:2

Dibô cha achhyna o lâ pangaipa ta, Cha awpa ta a su sâhpazy lâ khy ta; Môabâ ta Nebô nata Medebâ khihpizy a chakhei ei. Luh zydua pôlô khai ha ta, Kâhhmi zydua a tlyh khai haw.

ISAI 26:10

Moleipa cha khokheipa a châ khiahta cha, Siana a chu beih aw vei; Adona râh liata avyuhna tao pyly aw ta, Abeipa rônahna hmô hlei aw vei.

ISAI 29:1

Hy Zerusale, Zerusale, Dâvi pahrâna khihpi, Na hu a po na! Kô chareih ta baichha lymâ la, Na kyhchhizy a zao a hmia thlâh mawh sy.

ISAI 3:24

Ropahâhpa vyuhpa ta hmo thupa vaw y aw ta, Chaisaihna vyuhpa ta chaori a y aw. Sâ mihpa vyuhpa ta luh pôlôna y aw ta, Poh ngiapa vyuhpa ta latho hnorâh y aw ta, Chhithaina vyuhpa ta nozana a y aw.

ISAI 32:11

Nâmo, pachâ pha kawpa ta a ypa chanôzy saih u, A chalyu u la; Nâmo, chhôhmoh kawpa ta a ypazy saih u, Nôpopa ta y teh u. Nama chysia pahluhpa ta thluahruapa ta y u la, Nama chai liata latho poh a saih teh u.

ISAI 37:1

Bei Hezekia ta cha bie cha a thei nahta, a chysiazy hrie ta, latho poh a bupa ta Abeipa o chhôh lâ a ngia ta.

ISAI 37:2

Hezekia ta abei o hyutuhpa Eliakima nata chârohtuhpa Sebanâ nata theihthaipa uhthei viapazy cha latho poh pabusapa ta Amôza sawchapawpa hrohsopa Isai lâ tuah ta.

ISAI 58:3

‘Kâhvileipa ta y pi ta, Khazia na hmô khoh vei? Keimosasyh ta a panawh pi ta, Khazia na pahno khoh vei?’ ama tah. Pachâ teh u, kâhvileipa ta y tlai ei chi ta, Châhrasala nâmo pha nawpa ta nama tao; Nama rai hriatuhpazy nama tlybai pyly.

ZEREMIAH 16:6

Molaipa chhao mochyhpa chhao, he râh liata ama thi aw. Pabupa châ leipa aw ei ta, ahy hmahta âmo châta mâchhiesa leipa aw ei ta, a sapa â âpa tlyma, a luh â papôlôpa tlyma y aw veih ei.

ZEREMIAH 16:8

“Kyhchhina o liata a ngiapa ta, ama hnohta a tyuhpa ta, na nie na doh awpa châ vei.

ZEREMIAH 4:8

Abeipa hiehâhna ru ngaitapa cha, Keimo tawhta pakuasapa a châ leipa vâta, Latho poh a bu u la, Mâchhiesapa ta cha muh vy.”

ZEREMIAH 7:29

“Hy Zerusale y, na sâ a ngyupa ta thy la, Awphy tlâh lakizy liata chaphôhtu teh; Abeipa hie a pahâhtuhpa chhâ moleipa he, Abeipa ta dytha ta a siesai haw.”

EZEKIA 27:31

Nâma vâta ama luh papôlô aw ei ta, Ama chai liata latho poh amâ sai aw; Palôh pasapa ta cha chakhei aw ei ta, Pachârôhpa ta mâchhie ama cha sapa aw.

DÂNIAH 5:1

Bei Belsâza ta a beimachâ sâh khazy châta kyhchhi rônahpa tao ta, chyhsa sâh kha hmiakô liana cha kresawhti doh ta.

HÔSIA 9:1

Hy Izarei, a ly leipa la, Phopi hropazy hawhta na thapha khah sy. Sihryhpa ta na Khazohpa a pheisai chi ta, Sawhrihmo to liata Âzuahnô ty na tlaichhai tyh.

ZÔELA 1:13

Nâmo, theihthaipazy saih u, Latho poh a bupa ta chaphôh tu u la, Nâmo, maisâh chakaotuhpazy saih u, A hrô teh u. Hy ei Khazohpa chakaotuhpazy saih u, A vy u la, latho poh a bupa ta Azozâkhihdei a zia teh u! Niepa hlâna nata dopa hlânazy Nama Khazohpa o liata pachhâsapa a châ ha hih.

ZÔELA 1:8

Laihsa kôpa ta a locho no vahpa châta Chaphôh a tupa hawhta, Latho poh a bu u la, Chaphôh tu teh u.

ZÔELA 2:12

“Chatahrasala tahmâ tlai chhao he, Nama palôh tlokhuh ta kei lâ vaw kua teh u, Kâhvileipa ta y u la, Chana nata mâchhiesana chôta vaw kua teh u,” Abeipa ta a tah.

ZÔELA 2:17

Abeipa chakaotuhpa theihthaipazy cha, Aikah nata maisâh likawh liata cha ei sala, Hetana heta cha mawh ei sy: “Hy Abeipa, na phopi he pahlôh la, Na ryutozy he pahneiparâsao awpa pasaih leipa la, Phopizy châta pakhona bie châ awpa pasaih khah y. Khazia phopizy hry liata, ‘Ama Khazohpa cha, Khataih liata a y haw?’ Ama tah aw?”

AMÔSÂ 8:10

Nama kyhchhizy cha, Mâchhiesana lâta pachâsa aw na ta; Nama hlazy chhao, Chaphôhtuna lâta ei pachâsa aw; Chai zydua latho poh pasaisa aw ei na ta, Luh zydua ei papôlô khai aw; Sawchapaw matlupa mâchhiesapa hawhta tao aw na ta, A chhâna cha nôpona noh hawhta ei tao aw,” Abeipa Zehôvâh ta a tah.

ZAWNA 3:6

Cha biezy cha Ninivâ bei kô a tlô nahta, a beidyuchhai tawhta thyu ta, a bei poh hlai ta, latho poh a bupa ta buchâh liata a tyuh ta.

MIKÂ 1:16

Na sâ a ngyupa ta na luh a papôlô teh; Na saw mopakiapazy cha, Seichâna lâ ama cha siesai awpa vâta, Vâkhieh hawhta na luh a papôlô teh.

ZÂMIE 5:1

Nâmo, hneirôhpa saih u, a vy u la, nama chô liata rietheina vaw tlô haipazy vâta cha u la, thata sâh teh u.