ISAI 22:11 - Mara Bible RV (BSI)

¹¹ Tipo parohpa liata ti pa-o nawpa ta, thokhy miano likawh liata tipâh nama tao. Châhrasala chazy a taotuhpa lâ moh tlôh leipa ei chi ta, hlâno tawhta a vaw pachhuapanoh hapa pachâ hra veih ei chi.

ISAI 22:11 ပူးပေါင်းရင်းမြစ်များ

2 ABEIZY 20:20

Hezekia hmotaopa hropazy, a thatlôna zydua nata tipo nata ti lana tao ta, khihpi chhôh lâ ti a patlôsapa thâtihzy cha, Zudâh beizy thâtih rona châbu liata ropa a châ.

2 ABEIZY 25:4

Chatanachata khihpi thokhy papyu ei ta, pheisaih zydua cha abei sadô kiapâh thokhy miano likawh liata a ypa chhikao lâ tawhta, a zo ta a râ ei ta. Kaldia mo ta khihpi cha dôh thlâh ha ei ta. Arabâ bypi lâpi lâta sie ei ta.

2 THÂTIHZYRONA 6:6

Tahmâ deikua cha, ei moh y nawpa châta Zerusale a tlyh ha na ta, ei phopi Izarei chhituhpa châta Dâvi ei tlyh haw,’ tahpa ta reih ta.

NEHEMIAH 3:16

Ano pazipa ta Azbu sawchapawpa, Bezu bia khophie ryureituhpa Nehemiah ta taopathi ta. Dâvi thlâ dady liata tipo pa-opa nata pasaiphazy o taihta a taopathi.

ISAI 17:7

Cha noh liata, chyhsa ta ano a Taotuhpa lâ moh aw ta, a mo ta Izarei Mo Pathaihpa cha a hmô aw.

ISAI 22:10

Zerusale ozy reih ei chi ta, thokhy pa-i nawpa ta ozy nama phie.

ISAI 31:1

Baona hia awpa ta Izi râh lâ zu ta, Arâzy liata a pahniehpazy cha, Ama hu a po na! Izarei Mo Pathaihpa lâ moh leipa ei ta, Abeipa a saohiah hra veih ei; Talailih hluhpi hneina liata ama ngâna tlao pahnieh ei ta, Arâ pheisaih thatlôpazy liata tlao amâ pahnieh.

ISAI 37:26

“Cha hmozy cha, Khahlâ tawhta ei vaw rao hapa a châzie Thei beih va chi ma? Thokhy khihpizy cha, Raona apachona khihpizy lâta na tao awpa kyh, Hlâno tawhta ei vaw pachhuah hapa cha, Tahmâ ei vaw patlôsa hih.

ISAI 7:3

Abeipa ta Isai hnohta “Na sawchapawpa Siazasubâ a chhi la, machhua tipo chhâna liata Chysia Pasutuhpa Lyu lâpi liata Ahâza a kaw tyh u la,

ISAI 8:17

Chavâta Zakaw pathlazy tawhta a hmia a nyu hapa Abeipa cha hâ aw na ta, ei mokhâh aw.

ZEREMIAH 39:4

Zudâh bei Zedekia nata pheisaih zydua ta âmo cha ama hmô nahta, a râ ei ta. Thokhy â pathopa mianozy likawh liata a ypa chhikao lâ tawhta a zo ta khihpi cha puasaipa ta, Arabâ lâ pangai ei ta.

MIKÂ 7:7

Kei deikua cha Abeipa lâ ei moh aw; Ei pachhana Khazohpa hâ aw na ta, Ei Khazohpa ta einâ thei aw.