ISAI 21:8 - Mara Bible RV (BSI)

⁸ Riahvaituhpa cha chakeibarôhneipa hawhta awh ta, “Hy Abeipa, riahvaina o sâhpa liata, Noh y ta a duah na ta; Ei vaina su liata, Zâ khihdei ta ei y.

ISAI 21:8 ပူးပေါင်းရင်းမြစ်များ

2 THÂTIHZYRONA 20:24

Zudâh pheisaihzy ta râhchawhpa saina su sâhpa ama tlô nahta, pheisaih hrizy kei sai ei ta, athihpa ri hluhpi alei liata a zawhpa hmô ei ta, a râpa pakha hmah y veih ei.

HLAZY 127:1

Abeipa ta o a sa vei khiahta la, A satuhpazy ama hriapasa thlâhthli. Abeipa ta khihpi a vaih vei khiahta la, A vaituhpa cha â hra thlâhthli.

HLAZY 63:6

Ei rakhô chô liata châ thei na ta, Zâ vaina daihtizy liata na thâtih ei pachâ tyh.

ISAI 5:29

Amâ rôhpa pyu chakeibarôhneipa a rôhpa pyu lyu ta, Chakeibarôhneipa lochopazy hawhta amâ rôh. Siechahnuapa ta sa tai aw ei ta, Siekhei aw ei ta, a pachha thei awpa y veih ei.

ISAI 56:10

Izarei vaituhpazy ama mo chao ha ta, Pahnona a hnei leipa sai ama châ; I a thlih thlâh hapazy châ ei ta, Nga thai veih ei; A zia ei ta, reihchamaoh ei ta, A mô awpa sai a tlaichhaipazy ama châ.

ISAI 62:6

Hy Zerusale y, Na thokhy chô liata riahvaituhpazy soh ha na ta, Chhô nah zâ ta ama vaih aw; A chalih beih aw veih ei. Nâmo, Abeipa a padotuhpazy saih u, Y molo khuh vy.

ZEREMIAH 25:38

Tlybaituhpa zaozi vâta, Abeipa hiehâhna ru ngaitapa vâta, Ama râh cha roryhrapa ta a y haw; Chakeibarôhneipa ta a lôpu a puasaipa hawhta, Abeipa ta a pahrâna a puasai haw.”

ZEREMIAH 4:7

 nyuna sipopa tawhta chakeibarôhneipa vaw pua ha ta, Râhzy paraotuhpa a vaw pua haw; Na râh roryhrapa ta tao awpa ta, A yna su tawhta a vaw pua haw; Na khihpizy cha khihpi rypa châ aw ei ta, A chhôh liata a pahrâpa y khao aw veih ei.

ZEREMIAH 49:19

“Pachâ teh u, chakeibarôhneipa ta sibiepa su phapa liata mietakuzy Zawdâh râhmâhpa tawhta eikhapi ta a vaw puahnaopa hawhta, Edômâ chhao a râh tawhta eikhapi ta parâsa aw na ta, ei khopa maih a chô liata biehneituhpa ta ei rao aw. Kei hawhpa ahy y tly? Ahy ma a hmiakô liata a luah awpa ta nâ aw thei tly? Kheihawhpa mietaku vaituhpa ma ei hmiakô liata a duah thei aw tly?

ZEREMIAH 50:44

“Pachâ teh u, chakeibarôhneipa ta sibiepa su phapa liata mietakuzy Zawdâh râhmâhpa tawhta eikhapi ta a vaw puahnaopa hawhta, Babylaw chhao a râh tawhta eikhapi ta parâsa aw na ta, ei khopa maih a chô liata biehneituhpa ta ei rao aw. Kei hawhpa he ahy y tly? Ahy ma a hmiakô liata a luah awpa ta nâ aw thei tly? Kheihawhpa mietaku vaituhpa ma ei hmiakô liata a duah thei aw tly?

1 PITY 5:8

Palôh pasohpa ta y u la, a hrohrua teh u. Nama khakhaipa ahripa cha chakeibarôhneipa a rôhpa hawhta a rôh ta, a nie thei awpa tluapa ta â khie tyh.