ISAI 20:4 - Mara Bible RV (BSI)

⁴ Asuria bei ta Izi nata Kusi cha sei ta â chhi aw ei. Hawti machâ ta thluahruapa nata pheiky a ky leipa ta, chaotô palâ khai hapa ta siekheipa châ aw ta, Izi cha noza ngaitapa ta paysapa a châ aw.

ISAI 20:4 ပူးပေါင်းရင်းမြစ်များ

2 SAMUELA 10:4

Hânu ta Dâvi chakaotuhpazy cha patu ta, ama kâhhmi hiakha lâ ngyu ta, ama viahkaozy â khophie liata, ama chaosa dady ta tai ta, âmo cha pakuasa ha ta.

1 THÂTIHZYRONA 19:4

Hânu ta Dâvi chakaotuhpazy cha patu ta, ama kâhhmizy ngyu ta, ama viahkaozy â khophie liata, ama chaosa dady ta tai ta, âmo cha pakuasa ha ta.

ISAI 19:4

Izi mo cha zibeipa nôchhiepa ku liata pie aw na ta, Bei a hrâhpa ta ama chô liata ryu a reih aw, Pheisaihzy Abeipa Zehôvâh ta a tah.

ISAI 3:17

Zaio sawchanôzy cha, Abeipa ta ama luh hmah paysa aw ta, Zehôvâh ta luh pôlôpa ta a tao aw ei.”

ISAI 31:2

Châhrasala Khazohpa cha asopa châ ta, Chhiena patlôsa ta, A biezy a pathleih leipa a châ. Moleina hmo a taotuhpazy cha, Ama pathlazy taihta thyuhnao aw ta; Hmoparaotuhpazy a baotuhpazy chhao, A thyuhnao aw ei.

ISAI 31:3

Izi mo cha Khazohpa châ veih ei, Chyhsapa dei ama châ; Ama arâzy chhao thlahpa châ veih ei, Sapa dei ama châ. Abeipa ta a ku a pazawh tita la, Baotuhpa a chapia aw ta, A baopa chhao pao aw ta, Ama zydua ta hmaohkha ta ama leidia aw.

ISAI 47:2

Sâh chariehna lôzy lapa ta sâh charieh la, Na hmiakhu soh la, Na poh typa ta na phei palâ la, Chavahzy chaka teh.

ISAI 47:3

Na thluahruana palâpa châ aw ta, Na nozana hmôpa a châ aw. Phuh la aw na ta, Ahy hmahta pahlôh aw va na.

ZEREMIAH 13:22

Na palôh liata, ‘Khâpa vâta ma, He hmozy he ei chô liata a vaw tlô tly?’ Na tah khiahta cha, Na moleina rarôh ypa vâta, Na hnorâh typa châ chi ta, Taochhiepa ta na ypa a châ.

ZEREMIAH 13:26

Keima tlai ta na hnorâh ty aw na ta, Na hmia khuna taihta ei ty aw; Chatanachata maophyuhpa ta na y aw.

ZEREMIAH 46:19

Hy Izi râhsawzy saih u, Seichâna lâ sie awpa ta nama hmozy a pachhuah teh u! Mephi khihpi cha roryhrapa ta y aw ta, Chyhsa pahrâ leina khih rypa a châ aw.”

ZEREMIAH 46:26

Ama hrona la a chhuahpa, Babylaw bei Nebukaneza nata a beimachâzy ku liata ei hlâ aw ei.

EZEKIA 30:18

Tehâphanehe liata Izi raopaky thlie aw na ta, Â palaikhei kaw tyhpa a thatlôna ei pachhâsa tita, Tehâphanehe liata noh a zoh aw; Khihpi cha meihdo ta khu aw ta, A sawchanôzy seichâna lâ ama sie aw.

AMÔSÂ 9:7

“Hy Izarei sawzy saih u, Ei châta cha Kusi mo hawh dei châ hra veih ei chi ma?” Abeipa ta a tah. “Izi râh tawhta Izarei a kaw chhipa ta, Kâftaw tawhta Philistinâ a chhi na ta, Kiri tawhta Aramia a chhipa kha, Kei châ va na ma?

MIKÂ 1:11

Hy Saphi mo saih u, Thluahruapa ta sie u la, Nozapa ta sie syulyu ha teh u. Zanâ mo cha vaw pua veih ei; Betheze liata chaphôhtuna y ta, Chavâta cha bao thei khao aw vei.

NÂHU 3:10

Chatanachôta Thebe cha papaipa châ ta, Seichâna lâ a siepa kha; Khiliah su to liata A hawsaihzy taichheihpa châ ei ta, A chyhsa zachhihpazy cha, Nuby a daopa ta amâ rai; A chyhsa rônahpazy chhao, Bâliazy ta ama chahry.

ZEPHANIA 2:12

“Nâmo, Kusi mo chhao, Ei zaozi ta thiepa nama châ aw.”

BIEPHUAH 3:18

Na hneirôh thei nawpa ta mei liata pathaisapa ngôh zy, na thluahrua maophyuh chhiepa â lâ lei nawpa ta poh diehpa a bu awpa zy, na hmô thei nawpa ta na mo liata hnia awpa mo pasana thohna zy kei tawhta chalei awpa ta ei cha chhosie.