ISAI 20:2 - Mara Bible RV (BSI)

² Abeipa ta Amôza sawchapawpa Isai hnohta, “Sie la, na chai liata latho poh nâ saipa kha pathlâ la, na phei liata pheikyzy kha pahluh teh,” tah ta. Cha hawhna chata tao ta, Isai cha thluahruapa nata pheiky a ky leipa ta a hlaihlâ ta.

ISAI 20:2 ပူးပေါင်းရင်းမြစ်များ

2 SAMUELA 15:30

Dâvi cha Ôli Tlâh lâ khyna lâpi lâta khy ta, chana chôta sie ta, a luh a khu ta, phei ruapa ta sie ta. A hnohta a ypa chyhsa zydua chhao ama luh a khu chyupa ta khy ei ta, cha lymâna chôta sie ei ta.

2 SAMUELA 6:20

Dâvi cha a chhôhkhazy châta byhnâ aw awpa ta o lâ a vaw di ta. Sawla sawchanô Mikâli cha Dâvi dy awpa ta vaw pua ta, a hnohta, “Tanoh la Izarei bei kha a rônah kaw na! Chyhsa leilôpa, nozana chhao a pahno leipa ta thluahruapa ta a ypa hawhta, Izarei bei cha ano chakaotuhpazy a chakao pachhuahpa chanôzy mohmô liata thluahruapa ta a y thlâh ha kha zaw!” vaw tah ta.

2 ABEIZY 1:8

Âmo ta a chhy ei ta, “Sahmi chysia a tobi ta, a chai liata savo chaisaihna â saih,” tah ei ta. Abei ta, “Tisabi chyhsa Elaizâh a châ chuh,” tah ta.

HLAZY 30:11

Ei mâchhiesana cha lâna lâta pachâsapa ta, Ei latho poh na pahluhpa chi ta, Thaphana ta ei chai eina saih ha chi.

PUASAINA 3:5

Khazohpa ta, “A vaw hnia kha, na pheikyzy kha pahluh teh, nâ duana alei kha su pathaihpa a châ,” tah ta.

ISAI 1:1

He aluahna he Zudâh bei Uzia, Zôthâ, Ahâza nata Hezekia zy amâ bei nota, Amôza sawchapawpa Isai ta Zudâh nata Zerusale kyh liata a hmôpazy a châ.

ISAI 13:1

He bie he Amôza sawchapawpa Isai ta Babylaw kyh liata aluahna a hmôpa a châ.

ISAI 37:2

Hezekia ta abei o hyutuhpa Eliakima nata chârohtuhpa Sebanâ nata theihthaipa uhthei viapazy cha latho poh pabusapa ta Amôza sawchapawpa hrohsopa Isai lâ tuah ta.

ZEREMIAH 48:37

Luh to papôlôpa châ ta, Kâhhmi to ngyupa a châ. Ku zydua âpa châ ta, Chai liata latho poh a saipa a châ.

EZEKIA 24:17

Arulâta a hrô la, athipa châta mâchhie sa khah y. Na khutho a khu la, na pheikyzy a ky la, pohluh a khu leipa la, rihâ pati chhao nie khah y,” tah ta.

EZEKIA 24:23

Nama khuthozy a khu aw ei chi ta, nama pheikyzy namâ ky aw. Mâchhie sa leipa aw ei chi ta, cha hra aw veih ei chi. Nama paraonazy liata leilô aw ei chi ta, namâ chakhei raihrie aw.

EZEKIA 4:1

“Hy chyhsa sawchapawpa y, leiraopa la la, na hmiakô liata soh la, a chô liata Zerusale khihpi nothlahpa khie la,

EZEKIA 4:5

Ama moleina kô zie ta nâ zia nawpa nohzy cha raopa na ta, noh 390 chhôh Izarei pathlazy moleina na phaoh aw. Cha tlu pasipa ta, Izarei pathlazy moleina cha na phao awpa a châ.

MIKÂ 1:11

Hy Saphi mo saih u, Thluahruapa ta sie u la, Nozapa ta sie syulyu ha teh u. Zanâ mo cha vaw pua veih ei; Betheze liata chaphôhtuna y ta, Chavâta cha bao thei khao aw vei.

MIKÂ 1:8

Cha vâna chata chapa ta ei rôh aw; Chysia pahluh aw na ta, Thluahruapa ta ei y aw; Changie hawhta chaphôhtu aw na ta, Pavawpi hawhta mâchhie ei sa aw.

ZEKARIA 13:4

Cha noh liata cha, hrohsopa ta ano aluahna hmôpa nata ano cheingei ta chhochhieliena bie a reipazy cha zakhei aw ta, hrohsopa sahmi viahkao pasipa chhao, chyhsa dôvei nawpa ta a ky khao aw vei.

MATHAI 16:24

Zisu ta a pachupazy hnohta, “Ahy rai eina zi khoh khiahta cha, anosasyh a paky sala, a kraws a piapa ta na zi mawh sy.

MATHAI 3:4

Zawhâna cha râraoseihpa hmi chysia ta a tobi ta, savo chaisaihna ta a chai a saih ta, a pati cha khawsu nata kheihti a châ.

ZAWHÂNA 21:7

Zisu ta kyh a pachâpa pachupa khata Pity hnohta, “Abeipa a châ huh!” tah ta. Saimaw Pity cha rai hria awpa ta a chysia pahluh ha ta, Abeipa a châ tahpa a theipa nahta, a chysia thlai a ky ta, tipo lâ a zaw ta.

HMOTAOPAZY 19:16

Thlahpa chhiepa a hneipa chata âmo cha a vaw zawhnao ta, ama zydua ta taochhie ta, pahnie ha ta, cha o tawhtapa cha thluahruapa nata hmah phaohpa ta a râ ha ei ta.

HMOTAOPAZY 21:11

Keimo lâ a vy ta, Pawla chaisaihna la ta, a ku nata a pheizy anosasyh ta a chahry ta, “Thlahpa Pathaihpa ta, ‘He chaisaihna a hneituhpa he Zerusale liata Zuzy ta he hawhta chahry aw ei ta, Zenitaizy ku liata ama hlâ aw,’ a tah,” tah ta.

ZAWSUA 5:15

Abeipa pheisaihzy hyutuhpa ta Zawsua hnohta, “Na pheiky kha pahluh teh. Nâ duana su kha su pathaihpa a châ,” tah ta. Cha hawhna chata Zawsua ta a pheiky cha pahluh ta.

BIEPHUAH 11:3

Chatawhcha bie nâ pahnokheituhpa pano hnohta biepie aw na ta, latho poh a bupa ta, noh 1,260 chhôh bie ama chhochhielie aw,” tah ta.

1 SAMUELA 19:24

Ano chhao a chysiazy pahluhpa ta, Samuela hmiakô liata hrohsona bie phuah lymâ hra ta. Cha noh cha noh y nata zâkhihdei ta thluahruapa ta a zia ta. Cha vâna chata, “Sawla chhao hrohsopazy hry liata a hlao ha hra khiah?” tahpa ta rei tyhpa a châ.