ISAI 20:1 - Mara Bible RV (BSI)

¹ Asuria bei Sâkô tuapa pheisaih hyutuh chaipa Asadô khihpi lâ a vy ta, a dyuh ta, khihpi cha a la kô ta,

ISAI 20:1 ပူးပေါင်းရင်းမြစ်များ

2 ABEIZY 18:17

Asuria bei ta pheisaih hyutuhpa Tartâ nata Râbâsari nata Râbâsake zy cha pheisaih hluhpi chhaota Lakhi tawhta Zerusale liata Bei Hezekia lâ tuah ta. Zerusale lâ khy ei ta, ama tlô nahta, machhua tipo ti lâpi kiapâh liata a ypa Chysia Pasuna su lâ siena lâlai liata a duah ei ta.

2 THÂTIHZYRONA 26:6

Philistinâ mo a dyuh awpa ta pua ta, Kâthâ thokhy, Zabane thokhy nata Asadô thokhy zy pacho ta. Asadô râh nata Philistinâ mo hry liata khihpizy padua ta.

ISAI 14:31

Hy thokhy chhikao y, thata cha la, Hy khihpi y, awh teh; Hy Philistinâ râh zydua saih u, Nama zydua ta chipa ta zao khai teh u! Maw lâ tawhta meikhuh za pua ta, A pheisaih hry liata hnôh a khawpa rai y veih ei.

ZEREMIAH 25:20

nata ama hry liata chipho a pahlaopa pathla zydua; Uzi râh bei zydua nata Philistinâ râh bei, Askelaw, Kâza, Ekaraw nata Asadô liata laibâhpa bei zydua;

AMÔSÂ 1:8

Asadô râhsawzy chhawh pathlah aw ei na ta, Askelaw ryureituhpazy ei chhawh pathlah aw ei; Ekaraw chô lia ei ku hy aw na ta, Philistinâ laibâhpazy ama leidia aw,” Abeipa Zehôvâh ta a tah.

ZAWSUA 11:22

Izarei sawzy râh liata Anâki mo pakha hmah y khao veih ei. Kâza khih, Kâthâ khih nata Asadô khihzy lia deita ta a chyhta ama y.

1 SAMUELA 5:1

Philistinâ mo ta Khazohpa Byh cha patu ei ta, Ebeneza tawhta Asadô khihpi lâ siekhei ei ta.

1 SAMUELA 6:17

Hezy he thaileichâna atheihna hlâna châta Philistinâ mo ta Abeipa lâta ngôh kheihluh nothlahpa ama hlâ paliepazy a châ: Asadô vyuhpa ta miakha, Kâza vyuhpa ta miakha, Askelaw vyuhpa ta miakha, Kâthâ vyuhpa ta miakha, Ekaraw vyuhpa ta miakha.