ISAI 2:8 - Mara Bible RV (BSI)

⁸ Ama râh cha khazoh nothlahpazy ta bie ta, Ama ku ta ama taopazy hmia liata a bôh ei ta, Âmo kuparo ta a taopazy hmia liata amâ bôh tyh.

ISAI 2:8 ပူးပေါင်းရင်းမြစ်များ

1 ABEIZY 16:7

Bâsâ cha Abeipa mohmô ta moleina hmozy tao ta, a hmotaopazy chata Abeipa pathi pa-ia ta, Zerôbaw chhôhkha lyupa ta, Zerôbaw chhôhkha cheingei chhao cha a pahleipadiapa vâ ei ta, Bâsâ nata a pathlazy kyh liata, Hânani sawchapawpa hrohsopa Zehu hmâpa ta Abeipa bie kha a vaw tlôpa a châ.

2 ABEIZY 17:10

Tlâh sâhpa to liata nata tho hrohpa to ry liata lôbôzy bôpa ta Aseri tôhzy padua ei ta.

2 ABEIZY 17:16

Abeipa ama Khazohpa biepiepa zydua tleisai ei ta, viahchaotaw nothlahpa leihpa miano a tao ei ta. Aseri tôh padua ei ta, avâ liata a ypa zydua a chhy ei ta, Bâlâ ama chakao tyh.

2 THÂTIHZYRONA 27:2

A paw Uzia hmotaopa zydua tao hrapa ta, Abeipa mohmô ta hmo dopa tao ta, Abeipa Achhyna o lâ deikua a ngia vei. Zudâh phopi deikua cha avyuhna moleinazy ama tao ngâ thlâh ha chy.

ISAI 17:8

A ku ta a taopa maisâh lâ moh khao leipa aw ta, a kuparozy ta a taopa Aseri tôh tlyma ropahâhpa raona maisâhzy tlyma moh khao aw vei.

ISAI 26:13

Hy Abeipa eima Khazohpa, Nâ deita eima chô liata ryureih leipa chi ta, Bei hropazy chhao ta ryu ama reih tyh; Châhrasala nâma moh deita eimâ thei tyh.

ISAI 37:19

ama khazohzy chhao mei liata ama thy ha tlai. Chazy cha Khazohpa châ leipa ei ta, chyhsapa ku ta taopa tho nata lô dei ama châpa vâta pahleipadiapa ama châ.

ISAI 40:19

Khazoh nothlahpa nata ma nama pakho aw? Thua daihtuhpa ta khazoh nothlahpa daih ta, Ngôh daihtuhpa ta ngôh ta pahu ta, Tâkâ bâliazy ta a tobipa nata ma nama pakho aw?

ISAI 41:29

Moh tua u, apakheipa sai châ ei ta, Ama raihria chhao hraoleipa sai a châ; Ama nothlahpa leihpazy chhao, Ziza ruapa dei a châ.

ISAI 57:5

Ôkâ thozy hry liata a patla ei chi ta, Tho hrohpa to ry liata Aohraohna ta a kâ tyhpazy châ veih ei chi ma? Saikaozy nata lôpanô keipazy chhôh liata nama sawzy thie ei chi ta, Atheihna ta a hlâ tyhpazy kha châ veih ei chi ma?

ZEREMIAH 1:16

Chatawhcha na siesai ei ta, khazoh hropazy lâta ropahâhpa raopa ta, âmo ku ta taopa amâ chhyna moleina zydua vâta, âmo kyh liata ei pachiana zydua ei phuah aw.

ZEREMIAH 11:13

Hy Zudâh y, na khazohzy cha na khihpi zie tlai châ ei ta, Bâlâ lâta atheihna hlâ nawpa ta maisâh na taopa, maophyuh nawpa ta maisâh na paduapazy cha, Zerusale khih chhôh lâpi zie tlai ta a hluh.

ZEREMIAH 2:28

Na khazohzy kha khataih liata ama y haw? Nâ ta nâ taopa khazohzy kha khataih liata ma ama y haw? Na nôpona daihti liata ama cha pachha thei awpa khiahta cha, Thyu bao ei sa; Hy Zudâh, Zudâh khihpi hluhpa zie ta vei ma Na khazohzy ama hluh vei?

HÔSIA 12:11

Kilia liata moleina a y khiahta cha, Hraoleipa lâta ama pua tlai aw: Kilkal liata viahchao tôhpazy ta atheihna hlâ ei ta, Ama maisâhzy cha, Leipalie tlâh liata Alô pahmaohpa hawh dei a châ.

HÔSIA 13:2

Tahmâ chhao molei via rili ei ta, Ama tâkâ ta leihpa nothlahpazy amâ tao; Cha zydua cha âmo pachâpalipa ta Zôthaipazy taopa sai a châ. Chavâta âmo kyh liata, “Atheihna a hlâpazy ta Viahchaotaw amâ pahnâ,” Ama tah tyh.

HÔSIA 14:3

Asuria ta miah pachha leipa aw ta, Arâzy kiah khao aw ma pi. Keimo ku ta taopa hmozy lâta, ‘Eima khazohzy nama châ,’ Tah khao hra aw ma pi. Hârapa ta nâ liata Zawngiahna a hmô tyh.

HÔSIA 8:6

Viahchaotaw cha Izarei ta a taopa châ ta, Syudaihpazy ta ama daipa a châ; Khazohpa châ vei. Samâri viahchaotaw cha, Pakeichheih khaipa a châ aw.

MIKÂ 5:12

Dyuthaipazy na ku tawhta chhawh pathlah aw na ta, Kulâ moh thaipazy hnei khao aw va chi.

HMOTAOPAZY 17:16

Pawla cha Atheni liata Sila nata Timawthy a hâ chhôhta, khihpi cha khazoh nothlahpa ta a bie thlâh hapa hmô ta, a palôh pasa ngaita ta.

RYHPACHANEINA 4:28

Cha liata chyhsapa ku ta taopa tho nata lô khazoh, a hmô thei leipa, a thei thei leipa, a nie thei leipa, roh theina chhao a hnei leipa nama chakao aw.

BIEPHUAH 9:20

Khizaw chyhsa hropa, cha potlanazy ta a thie leipazy ta ama ku ta taopazy amâ chhypa tawhta ro khoh to veih ei. A hmô thei leipa, a thei thei leipa nata a sie thei leipa ngôh nothlahpa, tâkâ nothlahpa, dawh nothlahpa, alô nothlahpa nata tho nothlahpa achhyna nata ahripazy achhyna bâsai hlei veih ei.