ISAI 2:7 - Mara Bible RV (BSI)

⁷ Ama râh cha tâkâ nata ngôh ta bie ta, Ama sôh nata thihzy chhâ tiah vei; Ama râh cha arâzy ta bie ta, Ama talailihzy chhâ tiah vei.

ISAI 2:7 ပူးပေါင်းရင်းမြစ်များ

1 ABEIZY 4:26

Sawlawmaw cha a talailih a daophipa arâzy pasyna o 40,000 hnei ta, arâ pheisaih 12,000 a hnei .

ZAWBÂ 3:15

Ngôh a hneipa beisawzy, Ama o tâkâ ta a pabiepazy, Hezy hnohna heta a vaw môpa ta ei pahâ ha awpa tlai!

HLAZY 20:7

Thokha ta talailihzy ngâ ei ta, Ahropazy ta arâzy ama ngâ; Keimo deikua cha Abeipa eima Khazohpa moh eima ngâ.

ISAI 30:16

“Châ vei! Arâ kiah aw pi ta, Eimâ râ ha aw,” tah ei chi ta, Chavâta namâ râ tlai aw; “Arâ chahrapa eima kiah aw,” tah ei chi ta, Chavâta châ chadaituhpazy chhao, Chahra ngaitapa ama châ aw.

ISAI 31:1

Baona hia awpa ta Izi râh lâ zu ta, Arâzy liata a pahniehpazy cha, Ama hu a po na! Izarei Mo Pathaihpa lâ moh leipa ei ta, Abeipa a saohiah hra veih ei; Talailih hluhpi hneina liata ama ngâna tlao pahnieh ei ta, Arâ pheisaih thatlôpazy liata tlao amâ pahnieh.

ISAI 57:17

 do leipa ta athôhna a hmôpa vâta, Hiehâhpa ta tu na ta; Hiehâhpa ta ei hmia ei nyusai ha aw. Chatanachôta ano palôh khopa lâ sie ta, Chhorupa ta a y lymâ.

HÔSIA 14:3

Asuria ta miah pachha leipa aw ta, Arâzy kiah khao aw ma pi. Keimo ku ta taopa hmozy lâta, ‘Eima khazohzy nama châ,’ Tah khao hra aw ma pi. Hârapa ta nâ liata Zawngiahna a hmô tyh.

MIKÂ 5:10

Abeipa ta hetana heta a tah: “Cha noh liata, Na arâzy nâ tawhta chhawh pathlah aw na ta, Na talailihzy ei parao aw.

BIEPHUAH 18:3

A sihryhna kresawhti doh ei ta, Phopi zydua ama pari khai haw; Lei beizy ta sihryhkhei ei ta, Lei liata sôhpalietuhpazy ta hneirôhkhei ei ta, A phasana hro ama hneirôhkhei,” tahpa ta awh ta.