ISAI 2:4 - Mara Bible RV (BSI)

⁴ Abeipa ta râhzy likah pachia aw ta, Phopizy likah aeinazy a pathlâ aw; Ama zaozizy cha leipaliena chhaichhi lâta palie aw ei ta, Ama aseizy chhao thochiah taina chaihrai lâta ama palie aw; Phopi nata phopi ta zaozi a hy thlu khao leipa aw ei ta, A dyuhzie chhao a chu khao aw veih ei.

ISAI 2:4 ပူးပေါင်းရင်းမြစ်များ

HLAZY 110:6

Phopizy pachiapa ta, Athihpa rizy ta pabie aw ta; Alei kawh ngaitapa liata râh luhpazy A chhawh pathlah khai aw ei.

HLAZY 46:10

“A chalih u la, Khazohpa ei châ tahpa pahno teh u. Phopizy hry liata cheihchalopa ta y aw na ta, Alei chô liana heta cheihchalopa ta ei y aw.”

HLAZY 46:9

Adyuhnazy khizaw kaokih taihta chalihsa ta, Libaw thliepa ta asei taipachhô ta; Talailihzy mei ta a rao khai ha tyh!

HLAZY 82:8

Râh zydua he na ryuto châ ta, Chavâta Hy Khazohpa, thyu la, Khizaw liata ryureih mah y!

HLAZY 96:13

Abeipa hmiakô liata hla sa mawh ei sy. Abeipa cha a vy ta, Khizaw pachia awpa ta â vy. Siana ta khizaw pachia aw ta, A ngâchhihna ta phopizy a pachia aw.

ISAI 32:17

Siana ta thlalôhna sa aw ta, Siana theilâpa cha, Chhâzaw sidiana nata hnangâhna a châ aw.

ISAI 32:18

Ei phopi cha, Thlalôhna râh liata pahrâ aw ei ta; Abohna su liata pahrâpa ta, Apahâna sidiapa zy liata ama pahrâ aw.

ISAI 33:22

Abeipa cha miah pachiatuhpa châ ta, Abeipa cha ryhpa miah pietuhpa a châ. Abeipa cha eima bei châ ta, Ano ta miah a pachha aw.

ISAI 42:1

Nâ chakaotuhpa nata ei duakheipa he moh u la, Ei tlyhpa nata ei hro ta â ly ngaitapa he moh teh u. A chô liata ei Thlahpa soh na ta, Râhzy liata adona a tlôkhei aw.

ISAI 42:3

Lohthi tlie pa-ipa thlie pathlah leipa aw ta, Meiôh thi daihmâpa chhao pachhai leipa aw ta, Ngâchhih ngaitapa ta adona a tlôkhei aw.

ISAI 9:5

Tlypâna pheiky nata thisaih a hlaopa chysia zydua cha, Mei liata phôh ta pakâ khaipa a châ aw.

ISAI 9:7

Dâvi beidyuchhai nata a khinarâh chô liata A ryureina laiseih lymâpa cha chhâna hnei leipa aw ta, Adyhna a tao awpa ta chhâna hnei aw vei. A ryureina nata adyhna cha, Adona nata siana ta paduapa ta pa-i aw ta, Tahmâ tawhta tlyzaw taihta a y thlâh ha aw. Pheisaihzy Abeipa phahnai ngiahna ta Chazy cha a tao aw.

HÔSIA 2:18

Cha noh liata, Râhsazy chô liata biehrai tao aw na ta, Vâ pavawzy chô liata biehrai ei tao aw; Alei liata âlyhpasazy chô liata chhao, Biehrai ei tao aw. Libaw nata zaozi nata adyuhna zy Râh tawhta pahlei khai aw na ta, Â bohpa ta ei paziasa aw ei.

HÔSIA 2:20

Ngâchhihna ta châ pahawh aw na ta, Abeipa cha na pahno aw.

ZÔELA 3:10

Nama leipaliena thua pazaopazy cha, Zaozi lâta daih u la; Theilâ kô nama taina tâkôzy cha, Asei lâta daih teh u. Chyhsa chiehleipa chhao ta, “Thatlôpa ei châ,” tah mawh sy.

ZÔELA 3:12

“Phopizy cha thyu ei sala, Zehôsaphâ Saikao lâ a khy mawh ei sy. Cha liata a tyuh aw na ta, Izarei chheipâh phopi zydua ei pachia aw ei.

MIKÂ 4:3

Khazohpa ta phopizy likah liata bie pachia aw ta, Lâhlapi liata phopi thatlôpazy châta biepathluna a tao aw; Ama zaozizy cha, Leipaliena thua pazaopa lâta daih aw ei ta; Ama aseizy cha, Theilâ kô taina tâkô lâta ama daih aw. Râh kha nata râh kha zaozi a hy thlu khao leipa aw ei ta, Adyuhna kyh a chu khao aw veih ei.

ZEKARIA 9:10

Epharai tawhta talailih chhawh pathlah aw na ta, Zerusale tawhta adyuhna arâ ei chhawh pathlah aw; Adyuhna libaw thlie pachhôpa châ aw ta, Phopizy hnohta adyhna bie a phuah aw; A ryureina cha tilaipi tawhta tilaipi taihta châ aw ta, Chavah tawhta khizaw kaokih chhâna taihta a châ aw.

HMOTAOPAZY 17:31

Ano ta â tlyhpa hmâpa ta, siana ta khizaw a pachia nawpa noh a rao haw. Â tlyhpa chyhsa cha athihpa hry tawhta a pathyuna liata, pachiana a y tlai awpa a châzie chyhsa zydua hnohta a pa-i haw,” tah ta.

BIEPHUAH 19:11

Chatawhcha vârâh a vaw pahy ta, arâ râhpa hmô na ta. A chô liata a kiahpa cha Ngâchhihpa nata Hmeiseihpa moh bipa châ ta, siana ta ryureih ta, chariah a dyuhpa a châ.

1 SAMUELA 2:10

Abeipa chariahpazy cha a tlawh ta keichheih aw ei ta, Âmo a dyuhpa ta avâ tawhta tôkalôhpa hawhta â thua thlu aw ei. Abeipa ta khizaw kaokih zydua pachia aw ta, Bei a paduapa hnohta thatlôna pie aw ta, A sathawthupa ki cha a cheihchalo aw.”