ISAI 19:21 - Mara Bible RV (BSI)

²¹ Cha noh liata, Abeipa ta Izi mo cha a pahnosa aw ta, Izi mo ta Abeipa cha ama pahno aw. Atheihna nata hmohlâpa ta Abeipa cha a chhypa ta, Abeipa liata bie a taih aw ei ta, ama bietaizy ama patlô aw.

ISAI 19:21 ပူးပေါင်းရင်းမြစ်များ

1 ABEIZY 8:43

na pahrâna su vârâh liata vaw nathlie la, chihropa ta a cha hiapa cha taopa mah y. Chatanachata khizaw phopi zydua ta na moh pahno aw ei ta, Izarei sawzy ta eima cha chipa hawhta, âmo chhao ta cha chi aw ei ta, o ei sapa he na moh a phaohpa a châ tahpa ama pahno aw.

HLAZY 61:8

Chatanachata na moh reithaina hla sa aw na ta, Ei bietaizy noh chareih ei patlô aw.

HLAZY 67:2

Chatanachata na lâpi cha alei chô liata pahnopa ta y aw ta, Na pachhana cha râh to liata pahnopa a châ aw.

HLAZY 68:31

Izi râh tawhta lyuhchâpazy a khy aw ei ta, Kusi ta Khazohpa lâ a ku thlai a pazawh aw.

HLAZY 68:32

Hy khizaw râhzy saih u, Abeipa lâ reithaina hla sa u la, Selah

BIECHHOTUHPA 5:4

Khazohpa lâ hmo pie awpa bie nâ taih khiahta cha, na bietai patlô awpa ta pahawhpasâh khah y. Khazohpa cha ahrupazy chô liata a ly vei. Bie nâ taihpa cha patlô mah y.

ISAI 11:11

Cha noh liata, Abeipa ta a ei nona ta a ku pazawh heih aw ta, a phopi laibâhpazy cha Asuria, Izi, Pâtharô, Kusi, Elâmi, Sinâ nata Hâmathi râhzy tawhta nata tilaipi kiah râhzy tawhta â vaw chhipakhy heih aw ei.

ISAI 11:9

Ei tlâh pathaihpa liata cha, Apasasana rai y khao leipa aw ta, Aparaona chhao y khao aw vei. Tilaipi cha tizy ta a biepa hawhta, Leilô he Abeipa pahnona ta a bie khai aw.

ISAI 27:13

Cha noh liata, chiahmie lai ngaitapa tôpa châ aw ta, Asuria râh liata a leipazy nata Izi râh lâta papuapazy a vy aw ei ta, Zerusale liata tlâh pathaihpa liata Abeipa amâ chhy aw.

ISAI 37:20

Chavâta Hy Abeipa eima Khazohpa y, nâma deita he Abeipa cha na châ tahpa alei chô liata khinarâh zydua ta ama pahno thei nawpa ta, ngiachhiepa ta Senâkeri ku tawhtapa he miah pachha tlai mah y,” tah ta.

ISAI 44:5

Chyhsa pakha ta, ‘Abeipa eih ei châ,’ tah aw ta, Chyhsa hropa ta Zakaw moh a bi aw ta, Mohropa ta a ku liata ‘Abeipa eih,’ tahpa ropa ta, Anosasyh ta Izarei moh â bi aw.”

ISAI 45:14

Abeipa ta hetana heta a tah: “Izi hneirôna nata Kusi sôdaohna zy nâ lâ a vy aw ei ta, Sâbia doh seihpazy nâ lâ amâ vy aw; Na eih châ aw ei ta, Nâ ama cha pazi aw. Bâlia chhaota nâ lâ a vy aw ei ta, Na hmiakô liata amâ bôh aw. ‘Khazohpa cha na hnohta y tlai ta, Khazoh hropa y veih ei, Nâ leipa ta Khazohpa hropa rai y veih ei,’ Tah aw ei ta, Ngiachhiena ama châ haw aw.”

ISAI 49:7

Mohnao ngaitapa nata Babylaw râh ta a pasi kawpa, Ryureituhpazy chakaotuhpa Izarei phopi hnohta, Abeipa, Izarei Chatlaituhpa ta hetana heta tah ta, Izarei Mo Pathaihpa ta hetana heta a tah: “Abeipa ngâchhihpa vâta, Châ tlyhtuhpa Izarei Mo Pathaihpa vâta, Beizy ta a cha hmô ti ei ta a duah aw ei ta, Beimachâzy na hmiakô liata amâ bôh aw.”

ISAI 55:5

Abeipa na Khazohpa ta cha parônahsa ta, Izarei Mo Pathaihpa ta a cha parônahsapa vâta, Na pahno beih leipa phopi aw aw chi ta, Châ pahno beih leipa phopi ta nâ lâ â vaw râ aw.

ISAI 56:7

Ei tlâh pathaihpa lâ a chhi aw ei na ta, Ei thlahchhâna o liata thaphapa ta ei paysa aw ei; Ama raopa hlânazy nata amâ theihnazy cha, Ei maisâh liata ei pyh aw. Ei o cha phopi zydua châta Thlahchhana o tahpa a châ aw.”

ISAI 60:7

Kedâ mietaku zawzy nâ lâ a vaw hmaoh aw ei ta, Nebaiô mietaku tôhpazy ­ta ama cha chakao aw. Ei maisâh liata hlâ awpa châta a pyh tlâhpa châ aw ei ta, Ei o rônahpa cha ei parônahsa via rili aw.

ISAI 66:23

“Ei hmiakô liata nâ chhy awpa ta, Thla thiehpa maihta chyhsa zydua a vy aw ei ta, Pahânoh maihta amâ vy aw,” Abeipa ta a tah.

ZAWNA 1:16

Balyh puhpazy ta Abeipa cha chi ngaita ei ta, Abeipa lâ atheihna hlâpa ta, biezy a taih ei ta.

HABAKU 2:14

Tilaipi cha tizy ta a biepa hawhta, Leilô he Abeipa rônahna pahnona ta a bie aw.

ZEPHANIA 3:10

Kusi chavahzy khô lâ râhzy tawhta, Kei nâ chhytuhpa ei phopi paipatlapa sawchanôzy ta Kei lâta hmohlâpa ama vaw cheih aw.

MALAKHAI 1:11

“Noh chhina tawhta noh tlana taihta phopizy hry liata ei moh palyupalihpa ta y aw ta, su to liata ropahâhpa nata hmohlâpa pathaihpazy ei moh ta ama hlâ tyh aw. Phopizy hry liata ei moh palyupalihpa ta a y aw,” Pheisaihzy Abeipa ta a tah.

ZAWHÂNA 17:3

He he chhâzaw hrona a châ: Nâ, Khazoh hmeiseihpa deita nata na tuapa Zisu Krista pahnopa hih.

1 PITY 2:5

Zisu Krista zawhzi ta Khazohpa a pyh tlâhpa thlahpa atheihna hlâtuhpa theihthai pathaihpazy châ awpa ta, alô hrohpa hawhta paduapa thlahpa o nama châ.

1 PITY 2:9

Nâmo deikua la, zohna tawhta puapa ta khaihna noâhpa liata a ngia awpa ta châ awtuhpa ei phana cha nama phuah thei nawpa ta, phopi atlyhpa, abei chi theihthaipa, phopi pathaihpa, Khazohpa ryuto phopi nama châ.

1 SAMUELA 17:46

Tanoh he Abeipa ta nâma kha ei ku liata eina pie aw. Cha thie aw na ta, na luh cha tai aw na ta, Philistinâ pheisaih rizy cha tanoh he vâ pavawzy nata râhsazy ei pie aw ei. Chatanachata khizaw zydua ta Izarei liata Khazohpa a y tahpa ama pahno aw.