ISAI 19:14 - Mara Bible RV (BSI)

¹⁴ Abeipa ta Izi mo hry liata tymâna thlahpa pahlaosa ta, Sahma paripa ta a palipa a paochheichhâ thlupa hawhta, Beimachâzy ta Izi mo cha ama hmotaopa to liata Paochheichhâpa ta ama paysa haw.

ISAI 19:14 ပူးပေါင်းရင်းမြစ်များ

2 THÂTIHZYRONA 18:22

Chavâta tahmâ he pachâ tua, Abeipa ta na hrohsopazy pakah liata thlahpa haih thaipa soh ta. Abeipa ta na rao nawpa kyh a phuah haw,” tah ta.

ZAWBÂ 12:16

Ano liata thatlôna nata sona y ta, Dôveipa nata dôveituhpa chhao ano eih ama châ.

ZAWBÂ 12:25

Khaihpa hnei leipa ta zohna liata pathâ ei ta, Sâhti paripazy hawhta paochheichhâpa ta a paysa ei.”

BIESOZY 12:8

Pahnona phapa a hneipa chyhsa cha reithaina hlao ta, Palôh chhiepa chyhsa deikua cha mohnaona a hlao tyh.

ISAI 19:2

Izi mo a dyuh awpa ta Izi mo lilaw pathyu aw ei na ta, Âmo nata âmo amâ dyuh aw; Pakha nata pakha a dyuh aw ei ta, Opa nata opa amâ dyuh aw; Khihpi nata khihpi a dyuh aw ei ta, Khinarâh nata khinarâh amâ dyuh aw.

ISAI 24:20

Alei cha a paripa hawhta paochheichhâpa ta y ta, Byureih hawhta â chanei; A paraona ta thata vi ta, Pao ta, thyu heih khao aw vei.

ISAI 29:14

Chavâta moh teh u, He phopi hry liata hmonoâhpa tao heih aw na ta, Hmonoâhpazy ei tao patho aw. Ama chyhsa sopazy sona lei aw ta, Hmo pahno thaipazy pahno thaina chhao, Nyupa a châ aw.”

ISAI 3:12

Hawsaihzy ta ei phopi chhihtha ei ta, Chanôzy ta ama chô liata ryu ama reih. Hy ei phopi, châ chhituhpazy ta cha chhihtha chhei ei ta, Nama sie nawpa kyh liata noraihpa ta ama cha tao haw.

ISAI 9:16

He phopi a chhituhpazy ta Phopi cha a chhi chhei ei ta; Ama chhihthapazy noraihpa ta ama paysa.

ZEREMIAH 25:27

“Chatawcha ama hnohta hetana heta na tah aw: ‘Pheisaihzy Abeipa, Izarei Khazohpa ta hetana heta a tah: Nama hry liata zaozi ei vaw tuah awpa vâta, doh u la, pari u la, pali u la, pao u la, thyu khao khah u.’”

ZEREMIAH 48:26

“Môabâ ta Abeipa â palai thlu; Chavâta parisa u la, A pali liata a hlao sala, Pahneisaopa ta y mawh sy.

MATHAI 17:17

Zisu ta a chhy ta, ama hnohta, “Hy ngiapâleipa nata chhorupa chhâ saih u, khachâ ma nama hnohta ei y aw? Khachâ ma ei cha pachâ thai aw ei? Kei lâ a vaw chhi teh u,” tah ta.

2 THYSALAWNIKA 2:11

Haipa bie ama zo thei nawpa ta, Khazohpa ta dôveina thatlô ngaitapa ama hnohta a vaw patlôsa.

RYUREITUHPAZY 9:23

Khazohpa ta Abimele nata Sekhe khih nôpawzy likah liata thlahpa chhiepa vaw tuah ta. Sekhe khih nôpawzy ta Abimele chô liata piehpie ngaitapa ta hmo tao ei ta.