ISAI 19:12 - Mara Bible RV (BSI)

¹² Cha hawhpa khiah, Khataih liata ma na chyhsa sopazy cha ama y haw? Pheisaihzy Abeipa ta Izi chô liata tao â chhuahpa cha, Cha chho ei sala cha pahnosa bao ei sa.

ISAI 19:12 ပူးပေါင်းရင်းမြစ်များ

ISAI 14:24

Pheisaihzy Abeipa ta, “Ei pachhuahpanohpa hawh tlai ta vaw tlô aw ta, Ei chhuahpa hawhta a vaw tlô aw.

ISAI 44:7

Keima hawhpa he ahy ma a y? A y khiah cha a phuah mawh sy. Hlâno chyhsazy kha kei ta ei raopazy châ ei ta, Chavâta keima hawhpa he a y tlai khiahta cha, Ei hmiakô liata a vaw phuah mawh sy. Hmo a vaw y awpazy phuah ei sala, A vaw tlô awpazy phuah mawh ei sy.

ISAI 5:21

Âmo mo liata â pasosa kaw ei ta, Âmo mohmô liata thai â tah kawpazy cha, Ama hu a po na!

ZEREMIAH 2:28

Na khazohzy kha khataih liata ama y haw? Nâ ta nâ taopa khazohzy kha khataih liata ma ama y haw? Na nôpona daihti liata ama cha pachha thei awpa khiahta cha, Thyu bao ei sa; Hy Zudâh, Zudâh khihpi hluhpa zie ta vei ma Na khazohzy ama hluh vei?

ÔBADIA 1:8

“Cha noh liata, chyhsa sopazy Edômâ tawhta pahleipadia aw ei na ta; Novâhna chhao, Esaw Tlâh tawhta ei pahleipadia aw,” Abeipa ta a tah.

RAWMA 9:17

Chavâta Biehrai ta Phiraoh hnohta, “He hmo châta ei cha padua, ei hmotaotheina nâma liata paluahsa ta, khizaw zydua liata ei moh pathâhsapa ta a y thei nawpa ta,” a tahpa a châ.

1 KAWRINI 1:20

Chyhsa sopa cha khataih liata a y? Châthaipa cha khataih liata a y? He khizaw liata bie ei thaipa cha khataih liata a y? Khazohpa ta khizaw sona cha hruna ta tao ha vei ma?

RYUREITUHPAZY 9:38

Zebula ta a hnohta, “Abimele cha ahy ma a châ tly? Khazia ano cha eima chakao aw, na tah vei ma kha? Tahmâ he na pakah khataih lâ a vaw haw? Âmo cha na mohnao kawpa phopi kha châ veih ei ma? Tahmâ pua la, a kei dyuh châh chi,” tah ta.