ISAI 18:3 - Mara Bible RV (BSI)

³ Khizaw chyhsa zydua saih u, Alei chô liata a pahrâpa zydua saih u, Tlâhpizy liata ngiana poh ama chaluah tita moh u la, Chiahmie ama tô tita nathlie muh vy!

ISAI 18:3 ပူးပေါင်းရင်းမြစ်များ

HLAZY 50:1

Abeipa, Khazohpa Atotaotheipa ta bie reih ta, Noh chhina tawhta noh tlana taihta, Leilô zydua a awpakhy.

ISAI 1:2

Hy avâzy saih u, nathlie u la, Hy leilô, na nah pachô teh; Abeipa ta hetana heta a tah: “Sawzy a kuhkheipa ta palaiseihsa ei na ta, Châhrasala einâ chariah ha ei.

ISAI 11:12

Râhzy lâta ngiana poh chaluahpa ta, Ama râh tawhta papuapa Izarei sawzy pahmaoh aw ta, Zudâh paipatlapazy cha, Alei ki palih tawhta a pakhy aw.

ISAI 13:2

“Tlâh padâ tawhta ngiana poh chaluahpa ta, A paropa ta Babylaw mo cha awsao u la, Beimachâ chhikaozy liata a ngia awpa ta, Nama ku thliethlâpa teh u.

ISAI 13:4

“Tlâhpizy liata zawpi atymâna pyu cha nathlie u la, Zasâh manôh hluh ngaitapa pyu a lyupa cha nathlie tua u! Khinarâhzy palopasahpa pyu cha nathlie u la, Râhzy ahmaohpakhypa pyu cha nathlie tua u! Pheisaihzy Abeipa ta adyuhna châta Pheisaihzy a pahmaohpa pyu a châ chuh.

ISAI 26:11

Hy Abeipa, na ku hy chi ta, Châhrasala hmô veih ei. Na phopi tha na pasana he hmô ei sala, Nozapa ta y mawh ei sy. Na chariahpazy châta mei nâ sopa ta Âmo cha kâ patlô khai mawh ei sy.

ISAI 31:9

Asuria lôpanô cha chichhihna vâta zao aw ta, A beimachâzy chhao chipa ta ama pao aw,” Abeipa, Zaio liata mei patih ta, Zerusale liata patina meihô a patihpa ta a tah.

ISAI 49:22

Abeipa Zehôvâh ta hetana heta a tah: “Pachâ teh u, râhzy lâta ei ku pazawh aw na ta, Phopizy lâta keima ngiana poh ei chaluah aw. Na sawchapawzy ama kalachhôh liata a pyhpa ta, Nâ lâ a vaw chhi aw ei ta; Na sawchanôzy chhao ama ngiatlâh liata vaw khaihpa ta, Nâ lâ amâ vaw chhi aw.

ISAI 5:26

Râh hlapazy lâta ngiana poh chaluahpa ta, Khizaw kaokih zydua a pahipa ta aw aw ta; Moh teh u, a para aw ei ta, A chatliepa ta amâ vy aw.

ISAI 7:18

Cha noh liata, Abeipa ta Izi chavahzy chhâna lâta mathyupa a ypa nata Asuria râh liata kheih a ypa zy cha a pahipa ta a aw aw ei.

ZEREMIAH 22:29

Hy râh, râh, râh y, Abeipa bie he thei teh!

ZEREMIAH 51:27

“Râh liata ngiana poh chaluah u la, Phopizy hry liata chiahmie tô teh u; Ano a dyuh awpa ta khinarâhzy aw u la, Ararâ, Mini nata Askenâ râhzy aw teh u; Ano a dyuh awpa ta pheisaih hyutuhpa rao u la, Khawsu pôpi hawhta hluhpa ta arâzy a chhi teh u.

MIKÂ 1:2

Hy phopizy saih u, thei u la, Nama zydua ta thei teh u; Hy leilô y, nathlie la, A chhôh lia a ypa zydua chhao nathlie teh u. Abeipa Zehôvâh ta cha leih ei ta, Abeipa ta Achhyna o pathaihpa tawhta a cha leih ei.

MIKÂ 6:2

Nâmo, tlâhpizy saih u, Nâmo, leilô abôna hlôpazy saih u, Abeipa ta a phopi a leihna bie he nathlie tua u; Abeipa ta ano phopi leih nawpa hnei ta, Izarei cha â dyuh aw.

MIKÂ 6:9

Abeipa ao ta khihpi awsao ta, Na moh chi awpa ta sona ao a châ: “Sôsi bie nathlie u la, Ano a raotuhpa bie nathlie teh u.

ZEKARIA 9:14

Abeipa ama chô liata a vaw luah aw ta, A châtai dôhla hawhta a pathli aw; Abeipa Zehôvâh ta chiahmie tô aw ta, Chho khisôzy chhaota hrâ a sie aw.

MATHAI 13:16

“Nâmo deikua cha nama nohlao kaw dia! Nama mozy ta hmô ta, nama nahzy ta a thei.

MATHAI 13:9

Nakhaoh a hneipa ta thei mawh sy,” tah ta.