ISAI 17:8 - Mara Bible RV (BSI)

⁸ A ku ta a taopa maisâh lâ moh khao leipa aw ta, a kuparozy ta a taopa Aseri tôh tlyma ropahâhpa raona maisâhzy tlyma moh khao aw vei.

ISAI 17:8 ပူးပေါင်းရင်းမြစ်များ

2 SAMUELA 22:42

Mohmia pasaih ei ta, A pachha awpa y veih ei; Abeipa aw ei ta, Châhrasala âmo a chhy vei.

2 THÂTIHZYRONA 14:5

Zudâh khihpi zydua liata su sâhpazy nata ropahâhpa raona maisâhzy pahlei khai ta. Ano â bei chhôh cha khinarâh chhao kô hrawh chhôh tlai thlalôhpa ta a y.

2 THÂTIHZYRONA 31:1

Cha zydua cha ama tao khai nahta, cha liata a ypa Izarei saw zydua ta Zudâh khihpizy lâ sie ei ta, lôbôzy nata Aseri tôhzy pakeichheih khai ei ta. Zudâh, Benzami, Epharai nata Manase râhzy liata su sâhpa zydua nata maisâh zydua pacho khai ei ta. Cha khai tawhta, Izarei saw zydua cha ama khihpi nata ama olyu chyu lâta a di ha ei ta.

2 THÂTIHZYRONA 34:4

Bâlâ maisâhzy a mohmô liata chhawh pachhô ei ta, chazy hlâta a sâh viapa ta taopa ropahâhpa raona maisâhzy chhao a chhawh pathlah khai haw. Aseri tôhzy, khazoh nothlahpa khiepa nata leihpazy phy pazao khai ta, âmo lâta atheihna a hlâtuhpazy thlâ chô liata a paohpa a hiezâh.

PUASAINA 34:13

Ama maisâhzy pacho aw ei chi ta, ama lôbôzy pakei khaipa ta, ama Aseri tôhzy nama chhawh pachhô khai awpa a châ.

ISAI 1:29

Nama mopakiapa ôkâ thozy zakhei aw ei chi ta, Sadô namâ tlyhpazy vâta nohzaopa ta nama y aw.

ISAI 10:20

Cha noh liata, Izarei laibâhpazy nata Zakaw pathla a hrohpazy cha, âmo a thietuhpa liata a pahnieh khao leipa aw ei ta, Abeipa Izarei Mo Pathaihpa liata tlao a pahnieh aw ei ta, biehmeiseihpa liata amâ pahnie bâ aw.

ISAI 17:9

Cha noh liata, ama khihpi a ipazy cha, Izarei sawzy vâta tho thih nata tlâh laki zy liata su amâ râsaipa hawhta châ aw ei ta, cha suzy cha roryhrapa ta a y aw.

ISAI 2:8

Ama râh cha khazoh nothlahpazy ta bie ta, Ama ku ta ama taopazy hmia liata a bôh ei ta, Âmo kuparo ta a taopazy hmia liata amâ bôh tyh.

ISAI 27:9

Chavâta he hmo he hmâpa ta, Zakaw thaileichâna cha chatlaipa châ aw ta, He he a moleina pasiena thei cha a châ aw: Chinaih lôzy pakeichheihpa hawhta, Nothlahpa khazoh maisâhzy liata alô zydua cha, Izarei ta a pakeichheih khai tita, Aseri tôhzy a duah khao leipa aw ta, Ropahâhpa maisâhzy a duah khao aw vei.

ISAI 30:22

Chatawhcha tho khazoh nothlahpa nama khiepa, tâkâ ta nama pahupa nata thua khazoh nothlahpa nama leihpa, ngôh ta nama pahupa zy cha nama papuapalei aw. Hmo pathaih leipazy thy aw ei chi ta, ama hnohta, “Sie syulyu ha teh u!” nama tah aw.

ISAI 37:19

ama khazohzy chhao mei liata ama thy ha tlai. Chazy cha Khazohpa châ leipa ei ta, chyhsapa ku ta taopa tho nata lô dei ama châpa vâta pahleipadiapa ama châ.

ISAI 41:29

Moh tua u, apakheipa sai châ ei ta, Ama raihria chhao hraoleipa sai a châ; Ama nothlahpa leihpazy chhao, Ziza ruapa dei a châ.

ISAI 44:15

Chatanachata cha thozy cha, Chyhsa châta meithu a vaw châ tyh. Zôthaipa ta tho cha patlaw ta, Thokha mei liata tipa ta a aih ta; Thokha cha viahchhâ tao nawpa ta Mei patina châta a hmâh tyh. Cha tho tawh pyly ta, Khazoh taopa ta a chhy ta; Khazoh nothlahpa tao ta, A hmiakô liata â bôh tyh.

ZEREMIAH 17:2

Tlâhthlôh tho laipa ry to liata ama maisâhzy nata Aseri tôhzy cha, ama sawzy chhao ta ama khazoh achhyna a châzie ama pahno.

EZEKIA 36:25

Ti pathaihpa cha thia aw ei na ta, nama pathaih leina zydua tawhta vaw pathaih aw ei chi ta, nama khazoh nothlahpa zydua tawhta chhao ei cha pathai aw ei.

HÔSIA 14:8

“Hy Epharai, Nothlahpazy cha khâpa ma ei taona aw? Kei he châ chyh-eituhpa cha châ na ta, Châ mohôhtuhpa ei châ. Meisah tho hrohpa hawhta châ na ta, Keima tawhta na theizy na hmô.

HÔSIA 14:9

“Chyhsa sopa ta He hmozy he a novâh sala, Chyhsa novâhpa ta Pahno thai mawh sy! Abeipa lâpizy cha a do ta, Mosiapazy ta amâ chhih thei; Moleipazy deikua cha, Amâ chapia aw.”

ZEPHANIA 1:3

“Chyhsa nata sazy pahleipadia aw na ta, Avâ pavawzy nata tilaipi ngazy ei pahleipadia khai aw. Moleipazy papao aw na ta, Alei chô tawhta chyhsa ei pamua ha aw,” Abeipa ta a tah.

ZEKARIA 13:2

“Pheisaihzy Abeipa ta hetana heta a tah: Cha noh liata khazoh nothlahpa mohzy cha râh tawhta phie aw na ta, a thei thlâh khao aw veih ei. Hrohsopazy nata thlahpa puapazy chhao râh tawhta ei papua khai ha aw ei.

RYHPACHANEINA 7:5

Hetana heta ama chô liata nama tao aw: Ama maisâhzy pacho aw ei chi ta, ama lôbôzy nama pakei aw. Ama Aseri tôhzy thlu aw ei chi ta, ama khazoh nothlahpazy mei ta nama rao khai aw.