ISAI 17:7 - Mara Bible RV (BSI)

⁷ Cha noh liata, chyhsa ta ano a Taotuhpa lâ moh aw ta, a mo ta Izarei Mo Pathaihpa cha a hmô aw.

ISAI 17:7 ပူးပေါင်းရင်းမြစ်များ

2 SAMUELA 22:42

Mohmia pasaih ei ta, A pachha awpa y veih ei; Abeipa aw ei ta, Châhrasala âmo a chhy vei.

2 THÂTIHZYRONA 31:1

Cha zydua cha ama tao khai nahta, cha liata a ypa Izarei saw zydua ta Zudâh khihpizy lâ sie ei ta, lôbôzy nata Aseri tôhzy pakeichheih khai ei ta. Zudâh, Benzami, Epharai nata Manase râhzy liata su sâhpa zydua nata maisâh zydua pacho khai ei ta. Cha khai tawhta, Izarei saw zydua cha ama khihpi nata ama olyu chyu lâta a di ha ei ta.

HLAZY 95:6

A vy u la, a chhypa ta a bôh sih la, Abeipa miah Taotuhpa hmiakô liata pakhu paneih ei suh u!

ISAI 19:22

Abeipa ta Izi cha tu aw ta, tupa ta patlâh aw ta, Abeipa lâ kua aw ei ta, zawngiah awpa ta amâ hawpazy cha Abeipa ta nathlie aw ta, a patlâh aw ei.

ISAI 22:11

Tipo parohpa liata ti pa-o nawpa ta, thokhy miano likawh liata tipâh nama tao. Châhrasala chazy a taotuhpa lâ moh tlôh leipa ei chi ta, hlâno tawhta a vaw pachhuapanoh hapa pachâ hra veih ei chi.

ISAI 29:24

Thlahpa kyh liata a paviapazy ta Vaw pahno thai aw ei ta; Reipasipasua thaipazy chhao ta, Pachuna amâ pyh ha aw.”

HÔSIA 3:5

Cha khai tawhta, Izarei sawzy cha kua heih aw ei ta, Abeipa ama Khazohpa ama pado aw; ama bei Dâvi chhao ama pado hra aw. Noh hnôhlâzy liata cha china chôta Abeipa nata a phana lâ ama ngai aw.

HÔSIA 6:1

“A vy teh u, Abeipa lâ kua heih suh u; Miah hriechheih khai ha hra sala, Miah a patlâh heih aw; Miah tuchheih ha hra sala, Miah a chahrypa heih aw.

AMÔSÂ 3:12

Abeipa ta hetana heta a tah: “Mietaku vaituhpa ta, Mietaku phei miano tlyma, A nakao chhâ tlyma, Chakeibarôhneipa tawhta a chhu tyhpa hawhta, Samâri liata Izarei sawzy chhao, Rakhô phei nata dyuchhai bâh zy chhaota, Pachhapa ama châ aw.

MIKÂ 7:7

Kei deikua cha Abeipa lâ ei moh aw; Ei pachhana Khazohpa hâ aw na ta, Ei Khazohpa ta einâ thei aw.