ISAI 17:4 - Mara Bible RV (BSI)

⁴ Cha noh liata, Zakaw rônahna cha panawhpa châ aw ta, A pôhpa thawhpa chhao a zaoh aw.

ISAI 17:4 ပူးပေါင်းရင်းမြစ်များ

ÂTHAONA 41:3

Âmo hnôhlâ ta viahchao panô hropa pô sari, a chhiepa nata a zaoh kariepa chavah tawhta kaw pua ei ta, chavah kiah liata viahchao panô hropazy kiapâh liata a vaw duah ei ta.

2 ABEIZY 17:3

Asuria bei Salmanesa ta vaw siehnao ta. Chatanachata Hôsia cha Salmanesa ry liata bei ta y ta, a hnohta râhpaw a pie tyh.

2 ABEIZY 17:6

Hôsia kô chaki â bei kô ta, Asuria bei ta Samâri khihpi cha la ta, Izarei mo cha Asuria râh lâ siekhei ta, Hâlâh khih nata Hâbaw chavah liah liata Kôzani khih nata Mede mo khihpizy liata paysa ta.

ISAI 10:16

Chavâta Pheisaihzy Abeipa Zehôvâh ta, Asuria bei pasaipha thatlôpazy chô liata chaohna hri a patlôsa aw; Â papiparysana ry liata mei patipa châ aw ta, Meipaleih ta a kâ khai aw.

ISAI 10:3

Lâhlapi tawhta chhiena vaw tlôna noh, Hriena noh liata khâpa ma nama tao aw? Baona hia awpa ta ahy lâ namâ râ aw? Khataih liata ma nama sôh nata thih nama siesai aw?

ISAI 10:4

Atâhpazy hry liata a chakuhpazy tah leipa ta cha, Ahy hmahta pahlôhpa châ leipa aw ei ta, Thiepazy hry liata a paopazy tah leipa ta cha, Ahy hmahta pahlôhpa châ aw veih ei. Cha zydua cha a tao hapa chhao ta, A hiehâhna pai to leipa ta, A ku a hy ngâ thlâh ha chy.

ISAI 17:3

Epharai thokhy khihpi leipa ta, Dâmaskâ khinarâh leih aw ta, Aramia laibâhpazy cha Rônahna a pahlei hapa Izarei sawzy hawhta ama châ aw, Pheisaihzy Abeipa ta a tah.

ISAI 24:13

Alei liah liata phopizy hry liata, Hetana heta a vaw tlô aw; Ôli kô a thei chakhyh khaipa hawhta châ aw ei ta, Kre thei lyu khai tawhta kâmo thohpa hawhta ama châ aw.

ISAI 24:16

Kaokih tawhta reithaina hlazy thei pi ta, Mo Siapa palyupalihna hla eima thei. Châhrasala kei ta hetana heta ei tah: “Ei chaoh haw, ei chaoh haw, Ei hu a po na! Ngâchhih leipazy ta ngâchhih leipa ta tao ei ta, Ngâchhih leipazy ta ngâchhihna ama pahlei haw.”

ISAI 9:21

Manase ta Epharai nie aw ta, Epharai ta Manase a nie aw; Ama pano ta Zudâh amâ dyuh khoh aw. Cha zydua cha a tao hapa chhao ta, A hiehâhna pai to leipa ta, A ku a hy ngâ thlâh ha chy.

ISAI 9:8

Abeipa ta Zakaw pachiana bie paphao ha ta, Cha cha Izarei chô liata a tla aw.

EZEKIA 34:20

“Chavâta Abeipa Zehôvâh ta ama hnohta hetana heta a tah: Pachâ teh u, kei, keima tlai ta, mietaku thawhpa nata mietaku zaohpa likah ei pachia aw.

AMÔSÂ 3:12

Abeipa ta hetana heta a tah: “Mietaku vaituhpa ta, Mietaku phei miano tlyma, A nakao chhâ tlyma, Chakeibarôhneipa tawhta a chhu tyhpa hawhta, Samâri liata Izarei sawzy chhao, Rakhô phei nata dyuchhai bâh zy chhaota, Pachhapa ama châ aw.

ZEPHANIA 2:11

Abeipa cha âmo châta chi a chhih ngaita aw ta, Lei khazoh zydua cha, Nodi dâhphipa ta a soh khai aw ei. Phopi to ta ama râh chyu liata A hmiakô liata amâ bôh aw.