ISAI 17:3 - Mara Bible RV (BSI)

³ Epharai thokhy khihpi leipa ta, Dâmaskâ khinarâh leih aw ta, Aramia laibâhpazy cha Rônahna a pahlei hapa Izarei sawzy hawhta ama châ aw, Pheisaihzy Abeipa ta a tah.

ISAI 17:3 ပူးပေါင်းရင်းမြစ်များ

2 ABEIZY 16:9

Asuria bei ta a bie reipa cha a vaw pyh ta. Chatanachata Asuria bei ta Dâmaskâ khihpi cha siehnao ta, la ta, a chyhsazy cha Kiri lâ sei ta a chhi ta, Rezi cha a thie haw.

2 ABEIZY 17:6

Hôsia kô chaki â bei kô ta, Asuria bei ta Samâri khihpi cha la ta, Izarei mo cha Asuria râh lâ siekhei ta, Hâlâh khih nata Hâbaw chavah liah liata Kôzani khih nata Mede mo khihpizy liata paysa ta.

ISAI 10:9

Kânô khihpi kha Kâkhemi khihpi hawhta châ vei ma? Hâmathi khihpi kha Apâ khihpi hawhta châ vei ma? Samâri khihpi chhao kha Dâmaskâ khihpi hawhta châ vei ma?

ISAI 16:14

Tahmâ deikua cha, Abeipa ta hetana heta a tah: “Ahlaopa kô reizie ta reipa ta, kô thôh chhôh ta Môabâ rônahna cha panawhpa a châ aw. Râhsaw maluh hluhpi a hneina chôta, cha hmo cha a chô liata tlô aw ta, laibâhpazy cha a chyhta dei châ aw ei ta, ama chyh hleikhô ta ama dadieh kaw aw.”

ISAI 17:4

Cha noh liata, Zakaw rônahna cha panawhpa châ aw ta, A pôhpa thawhpa chhao a zaoh aw.

ISAI 25:2

Khihpi cha alô pathluna ta tao chi ta, Thokhy khihpi cha khih rypa ta na tao haw; Chihropazy thokhy khihpi chhao, Khihpi châ khao leipa ta, Khatita hmah paduapathipa châ khao aw vei.

ISAI 7:16

Hawtipa ta hmo chhiepa dythapa ta hmo phapa atlyhna châh a pahno hlâ chhao ta, na chi kawpa bei panozy râh cha siesaipa a châ aw.

ISAI 7:8

Aramia luh cha Dâmaskâ châ ta, Dâmaskâ luh cha Rezi a châ. Kô sycharu nata kô pangawh chhôh ta, Epharai cha phopi a châna parao khaipa a châ aw.

ISAI 8:4

Hawti ta, ‘Ei pâ,’ ‘Ei nâ,’ a tah thai hlâta, Dâmaskâ hneirôna nata Samâri hraona hmozy cha Asuria bei hmiakô liata siekheipa a châ aw,” tah ta.

HÔSIA 1:4

Abeipa ta Hôsia hnohta, “A moh ta Zezari bi teh, Zezari liata thisaih ama palona vâta Zehu chhôhkha cha thlai hrie aw ei na ta, Izarei râh liata abei ryureina cha ei pachhâsa ha awpa vâta.

HÔSIA 1:6

Cha khai tawhta Kôme cha saw phaoh heih ta, sawchanô sa ta, Abeipa ta Hôsia hnohta, “A moh ta Lôruhâmâ bi teh, Izarei chhôhkha hnohta ei kyhpachâna palâsa khao leipa aw na ta, ei ngiahthai beih khao lei awpa vâta.

HÔSIA 10:14

Chavâta na chyhsazy hry liata tymâna vaw pua aw ta, Na thokhy zydua parao khaipa a châ aw. Adyuhna noh liata, Salmâ ta Bethabe a paraopa hawhna khata, Nôzy cha ama sawzy chhaota Taichheihpa ama châ aw.

HÔSIA 3:4

He he Izarei sawzy ta noh hluhpi bei tlyma, beisaw tlyma hnei leipa ta ama y awpa nata atheihna tlyma, panana tôh tlyma, ephaw nata terâfi zy hnei leipa ta ama y awpa pamosana a châ aw.

HÔSIA 8:8

Izarei cha ama palâ khai haw; Phopizy hry liata y ta, Hmobaoh hmâ tlâh leipa a châ bâ.

HÔSIA 9:11

Epharai rônahna cha, Pavaw hawhta â zaw syulyu ha aw; Saw sapa nata saw phaopa y khao leipa aw ta, Nawh â chohpa y khao aw vei.

AMÔSÂ 8:14

Samâri thaileichâna reipa ta, ‘Hy Dânâ, na khazoh hrona reipa ta ei reih,’ Tahpa ta bie â taihpazy pao aw ei ta; ‘Besebâ Lâpi hrona reipa ta ei reih,’ Tahpa ta bie â taihpazy ama pao aw; Thyu heih khao aw veih ei,” Abeipa Zehôvâh ta a tah.