ISAI 17:14 - Mara Bible RV (BSI)

¹⁴ Moh tua u, zâlâ ta chichhihpa eikhapi ta vaw y ta, Khihdei hlâta a lei ha tyh. Cha hawhpa cha miah hraotuhpazy tovyuh châ ta, Eima hmo a parutuhpazy hmô awpa cha a châ.

ISAI 17:14 ပူးပေါင်းရင်းမြစ်များ

2 ABEIZY 19:3

Âmo ta Isai hnohta, “Hezekia ta hetana heta a tah: ‘Tanoh he nôpona noh châ ta, rana noh chhao châ ta, nohzaona noh a châ. Sawzy ama pina daihti tlô ha ta, châhrasala papihsa awpa ta thatlôna y khao vei.

2 ABEIZY 19:35

Cha zâ ta Abeipa vâlyuhchâpa cha pua ta, Asuria mo riehmo liata pheisaih 185,000 thie ta. Asuria pheisaihzy cha mydi kari ta ama thyu nahta, riehmo cha athihpa ri ta a biepa hmô ei ta.

ZAWBÂ 20:29

Cha cha chyhsa moleipa châta Khazohpa tawhta a tovyuh châ ta, A ryuto châta Khazohpa raopa a châ,” tah ta.

HLAZY 37:36

Châhrasala thi ta, Moh tua u, y khao vei; Tlua hra aw sah la, Hmô theipa châ khao vei.

BIESOZY 22:23

Abeipa ta ama bie a duakhei tlôh aw ta, Âmo a hraotuhpazy hro a hrao hra aw.

ISAI 10:25

Bohpi leipa liata ei pathiiana pai aw ta, ei hiehâhna cha âmo pahleipadiana lâ â heih bâ aw.

ISAI 21:12

Riahvaituhpa ta, “My vaw châ daihmâ ta, Zâ a vaw châ heih aw. Nama hiahri khoh khiahta cha, Hiahri u la; A vy u la, Hiahri heih teh u,” tah ta.

ISAI 29:2

Zerusale cha a nô papo aw na ta, Mâchhiesana nata chaphôhtuna y aw ta, Ei châta chakoh maisâh hawhta a châ aw.

ISAI 29:5

Châhrasala chihropa na chariahpa hluhpizy cha, Dohlei dipa hawhta châ aw ei ta; Nôchhiepa manôh hluhpizy chhao, Saviah a zawpa hawhta ama châ aw. Movi hlâta, eikhapi ta,

ISAI 29:7

Zerusale a dyuhpa râhzy liata zawpi zydua cha, Ramâ hawhta châ aw ei ta, Zâ ta aluahna hawhta ama châ aw; Zerusale khihpi nata a thokhy a dyuh ta, Zerusale nô a papotuhpa zydua chhao, Ramâ hawhta châ aw ei ta, Zâ ta aluahna hawhta ama châ aw.

ISAI 30:28

A hu cha vahtie a kao a khôpa lyu ta, Rao taihta a khôpa a lyu; Paraona sohhri ta phopizy cha ri ta, Phopizy pakah liata chhâri pabaw ta, Â chhi chhei tyh ei.

ISAI 33:1

Nâ, a pahleipadiatuhpa y, Pahleipadiapa châ mâh vei hra la, Na hu a po na! Nâ, a paphasaituhpa y, A paphasaipa châ mâh vei hra la, Na hu a po na! Chyhsa na pahleipadiapa tawhta nâ chalih tita, Pahleipadiapa châ hra aw chi ta; Nâ paphasaipa na patlô tita, Ama châ paphasai hra aw.

ISAI 33:18

Chichhihpa nâ tyhpa kha, Na palôh ta pachâ sualuah aw ta, “Maluh reihtuhpa kha khataih liata a y haw? Râhpaw pathliahtuhpa kha khataih liata a y haw? Riahvaina o sâhpazy a pakituhpa kha Khataih liata a y haw?” a tah aw.

ISAI 34:17

Âmo châta nuby a dao ha ta, A ku ta chaori thlie ta, Ama tovyuh râh a pie chyu ei; Chhâzaw ta hnei aw ei ta, Chhâ zydua ta cha liata ama pahrâ aw.

ISAI 41:12

Châ teituhpazy tlua aw chi ta, Hmô aw va chi; Châ dyuhtuhpazy chhao, Khâpa hmah châ aw veih ei.

ZEREMIAH 13:25

Kei na my chi ta, Haipa biezy na ngâpa vâta, He he na tovyuh châ ta, Na châta ei raopa tovyuh cha a châ.

ZEREMIAH 2:3

Izarei cha Abeipa châta pathaihpa châ ta, A sâh hria a daih tuachaipazy a châ. A niepa maihta thailei châ ei ta, Chhiena ta a tlô thlu ei,” Abeipa ta a tah.

ZEREMIAH 49:10

Esaw deikua cha thluahruapa ta paysa na ta, Arulâta a yna suzy ei hmô haw; A nyu thei khao vei. A pathlazy pahleipadiapa châ ei ta, A unawhzy nata a vaihzy pahleipadiapa ama châ; Esaw cha y khao vei.

EZEKIA 39:10

Adyuhna chhaichhizy cha, mei tho châta ama hmâh awpa vâta, lyurâhpa tho ama phao awpa byuh khao leipa aw ta, râhmâhpa tho thlu awpa byuh khao hra aw vei. Âmo a hraotuhpazy hraona sôh chhu aw ei ta, âmo hmo a parutuhpazy hmo ama parupa aw, Abeipa Zehôvâh ta a tah.

ZEKARIA 2:12

Abeipa ta Zudâh cha Râh Pathaihpa liata a ryu patosa aw ta, Zerusale cha â tlyh heih aw.”

RYUREITUHPAZY 5:31

“Cha hawhna chata, Hy Abeipa, Na chariahpa zydua leidia khai ei sala, Na viasazy deikua cha, Noh hawhta khaih ei sala, Thatlôpa ta thyu mawh ei sy!” Chatanachata râh cha kô sypalih chhôh thlalôhpa ta y ta.