ISAI 17:13 - Mara Bible RV (BSI)

¹³ Râhzy ta tisaih hawhta a aoh hra ei sala, Abeipa ta âmo cha ra aw ta, Lâhlapi lâ a râ aw ei ta, Tlâh liata saviah thlih ta a phaopa hawhta, Chadai paipa châ aw ei ta; Khisô ta dohlei a phaopa hawhta, Chadai paipa ama châ aw.

ISAI 17:13 ပူးပေါင်းရင်းမြစ်များ

ZAWBÂ 21:18

Ziza hmiakô liata sawphao hawh châ ei ta, Chothyu ta saviah a phaopa hawh châ veih ei ma?

ZAWBÂ 38:11

‘He rakha he a vy aw chi ta, Vaw khô aw va chi, Na tichatlaopa rônahpa chhao, he liata a chhâ aw,’ A tahtuhpa kha ahy ma a châ tly?

HLAZY 1:4

Hmoparaopazy deikua, cha hawhta châ leipa ei ta, Sâh sihpa ziza ta a phaopa hawhta ama châ.

HLAZY 35:5

Thlih ta sâh sihpa a phaopa hawhta châ ei sala, Abeipa vâlyuhchâpa ta âmo cha papua mawh sy!

HLAZY 65:7

Tilaipi a aoh ngâpazy chalihsa chi ta, Ama tichatlaopa a aoh ngâpazy chalihsapa ta, Phopizy atlaokalina na chalihsa haw.

HLAZY 65:8

Chatanachata leilô chhânazy liata a pahrâpazy chhao ta, Ngiana hmonoâhpa na taopazy vâta chipa ta ama y. My khih vaw deih ta, My noh chhina nata zâlâ noh tlana râhzy cha, Thaphapa ta na paawhsa tyh ei.

HLAZY 9:5

Phopizy ra chi ta, Hmoparaopazy pahleipadiapa ta, Ama moh chhâzaw nata tlyzaw ta na phie ha ei.

ISAI 14:25

Asuria cha ei râh lia tlai ta parao aw na ta, Ei tlâhzy liata phei ta ei tlypâ aw; A raopaky cha ei phopi tawhta pahluhpa châ aw ta, A phaohri ama ngiatlâh tawhta pachhôpa a châ aw,” Tahpa ta bie a taih ha ta.

ISAI 21:15

Zaozizy tawhta a râpazy châ ei ta, Zaozi phia hapa tawhta a râpazy ama châ khawh. Libaw a kei chiehpa tawhta a râpazy châ ei ta, Adyuhna rupa tawhta a râpazy ama châ khawh.

ISAI 22:18

cha pahieh, cha pahieh aw ta, bawhlô hawhta râh kawhpa liata a cha thy aw. Cha liata thi aw chi ta, cha liata, nâ, na zibeipa ochhôh liata maophyuhna a tlôkheituhpa châta na rônahna talailihzy a y aw.

ISAI 27:1

Cha noh liata, Abeipa ta a zaozi laipa, tiahpa nata thatlôpa hmâpa ta, Leviathâ parihpi a chakhao ngâpa cha a hrie aw. Leviathâ parihpi a pakipa cha hrie aw ta, tilaipi liata parihpi a ypa cha a thie aw.

ISAI 29:5

Châhrasala chihropa na chariahpa hluhpizy cha, Dohlei dipa hawhta châ aw ei ta; Nôchhiepa manôh hluhpizy chhao, Saviah a zawpa hawhta ama châ aw. Movi hlâta, eikhapi ta,

ISAI 30:28

A hu cha vahtie a kao a khôpa lyu ta, Rao taihta a khôpa a lyu; Paraona sohhri ta phopizy cha ri ta, Phopizy pakah liata chhâri pabaw ta, Â chhi chhei tyh ei.

ISAI 34:17

Âmo châta nuby a dao ha ta, A ku ta chaori thlie ta, Ama tovyuh râh a pie chyu ei; Chhâzaw ta hnei aw ei ta, Chhâ zydua ta cha liata ama pahrâ aw.

ISAI 40:15

Pachâ tua u, phopizy cha tibyh liata ti di kha hawh dei châ ei ta, Khopathliahna liata doh chyhta a baipa hawh dei pachâpa ama châ. Pachâ tua u, Abeipa cha liahpahlôzy chhao, Hmo chyhpata hawhta a chalo thlâh hapa a châ.

ISAI 40:24

Lopa nata tupa châ ei ta, Alei liata thari ama thla pathaopa nahta, Âmo cha a hu ta hmô ta, Ama uah ha tyh; Chatanachata sâh sihpa hawhta, Chothyu ta a phaoh pathlah ha tyh ei.

ISAI 41:11

Pachâ teh, na chô liata a hie a hâhpa zydua cha, Nozapa nata maophyuhpa ta soh aw ei na ta, Châ dyuhpa zydua chhao, Khâpa hmah a châ leipa hawhta châ aw ei ta, Ama leidia aw.

ISAI 8:7

pachâ teh u, Abeipa ta Ufrâti Chavah hawhta a laipa nata thatlôpa Asuria bei nata a rônahna zydua ama chô liata a palo thlu aw. A kao zydua bie aw ta, a ngiahkâ zydua taihta a bie khai aw.

DÂNIAH 2:35

Thua zy, beihlei zy, dawh zy, tâkâ zy, ngôh zy cha a tlawh ta zao khai ha ei ta, nopi noh sawhri sâh sihpa hawhta vaw châ ei ta, thlih ta âmo cha phaoh ta, ama hniehnôh chhao hmô awpa y khao vei. Cha nona chata nothlahpa a vituhpa alô cha tlâh lai ngaitapa lâta a vaw lie ta, alei chô zydua a bie haw.

HÔSIA 13:3

Chavâta mydi ameih hawhta châ aw ei ta, My diati thlai ta a paipa hawhta ama châ aw. Sawhri tawhta sâh sihpa zie pathlahpa hawhta châ aw ei ta, Opy tawhta meikhuh a puapa hawhta ama châ aw.

ZEPHANIA 2:2

Noh taihpa vaw tlô hlâta, Cha noh cha sâh sihpa hawhta â zaw hlâta, Abeipa hiehâhna rupa nama chô liata a tlô hlâta, Abeipa ruchhôna noh nama chô liata a vaw tlô hlâta, A hmaohpakhy teh u.