ISAI 17:10 - Mara Bible RV (BSI)

¹⁰ Na pachhana Khazohpa my ha chi ta, Nâ chhaina Lôpanô nâ thei khao leipa vâta, Tho pha chaipazy bôpa ta, Râh hro lâ tawhta kre chiah loh chi ta,

ISAI 17:10 ပူးပေါင်းရင်းမြစ်များ

1 THÂTIHZYRONA 16:35

“Hy eima pachhana Khazohpa y, Miah pachha la, Râh to tawhta miah pakhy la, Miah chatlai mah y; Chatanachata na moh pathaihpa lâ alyna bie reih aw pi ta, Na rônahna eima reithai aw.

HLAZY 106:13

Châhrasala a hmotaopazy cha thlai my ei ta, A ryhraona hâ khao veih ei.

HLAZY 106:21

Âmo pachhatuhpa Khazohpa my ei ta, Izi râh liata hmo rônahpazy a taotuhpa kha ama my haw.

HLAZY 18:2

Abeipa cha ei lôpanô, ei thokhy nata nâ pachhatuhpa châ ta, Ano cha ei Khazohpa, ei chhaipa lôpanô châ ta, Ei vyhphao, ei pachhana ki nata ei diahsua a châ.

HLAZY 31:2

Kei lâta na nah pachôh la, Thlai na pachha mah y! Ei chhaipa lôpanô na châpa la, Ei pachhana thokhy thatlôpa na châpa mah y!

HLAZY 65:5

Hy eima pachhana Khazohpa y, Hmo rônahpa taopa ta siana ta miah a chhy chi ta; Nâ cha khizaw kaokih hnabeiseihna châ chi ta, Tilaipi a hla chaipazy hnabeiseihna chhao na châ.

HLAZY 79:9

Hy eima pachhana Khazohpa y, Na moh rônahna châta miah bao mah y; Na moh vâta miah pachha la, Eima moleinazy miah chatlaipa mah y!

HLAZY 85:4

Hy eima pachhana Khazohpa, Miah paduapathi heih la, Eima chô liata na ruchhôna papai mah y!

HLAZY 9:17

Moleipa cha Athihkhih lâ kua aw ta, Khazohpa a mypa phopi zydua chhao Athihkhih lâ ama kua hra aw.

ISAI 12:2

Moh teh u, Khazohpa cha ei pachhana châ ta, Ano cha ngâ aw na ta, chi aw va na. Abeipa, Abeipa tlai cha ei tha­tlôna nata ei hla châ ta, Ano cha ei pachhana a châ.”

ISAI 17:9

Cha noh liata, ama khihpi a ipazy cha, Izarei sawzy vâta tho thih nata tlâh laki zy liata su amâ râsaipa hawhta châ aw ei ta, cha suzy cha roryhrapa ta a y aw.

ISAI 18:5

Kre zôh a paw pawh ta, A paw tawhta a thei a pabyuhpa hmoh pathao ta, Châhrasala kre thei lyu daihti a tlôh hlâta, Abeipa ta tâkô ta kre chhyhzy chhawh pathlah aw ta, A chiah a zawhpazy thlâ aw ta a pathla khai ha aw.

ISAI 25:4

Sipasapa châta thokhy châ chi ta, Dyhchhiepa nôpo daihti liata a thokhy na châ; Thlihpipa tawhta abohna châ chi ta, Noh lopa châta nohdi na châ. Nôchhiepa hu deikua cha, Thlihpipa ta pâhchhô a vawhpa hawhta châ ta;

ISAI 26:4

“Abeipa cha chhâzaw ta ngâ teh u, Abeipa, Abeipa tlai he, Chhâzaw lôpanô cha a châ hih.

ISAI 30:29

Zâ kyhchhi pathaihpa hnei no hawhta hla sa aw ei chi ta, ramo tôna chôta Abeipa tlâh lâ khy ei ta, Izarei Lôpanô lâ ama khy no hawhta palôh thaphapa ta nama y aw.

ISAI 33:2

Hy Abeipa, eima cha hâ thlâh haw, Miah ngiachhie mah y. My tato ta eima bâh châ la, Nôpona daihti liata eima pachhana châ mah y.

ISAI 44:8

Chi leipa u la, a chalyu hra khuh vy. Hlâno tawhta nama hnohta phuah na ta, Vaw reih chhielie ha va na ma? Nâ pahnokheituhpazy mah nama châ tâh! Keima leipa ta Khazoh hropa rai a y ma? Y vei, Lôpanô rai y vei; Pakha hmah a ypa pahno va na.”

ISAI 51:13

Abeipa, nâma châ Taotuhpa cha my chi ta, Avâ paraipa ta alei abôna lôbôzy a bôtuhpa mypa ta, Parao châ chhuahpa tlybaituhpa hiehâna vâta Noh y ta chipa ta a y thlâh hapa chi cha, Ahy ma na châ tly? Tlybaituhpa hiehâhna cha khataih liata ma a y?

ISAI 61:10

Myuhneituhpa ta theihthaipa hawhta a luh a tobi ta, Myuh ta lôsôhpazy ta â tobipa hawhta; Abeipa ta pachhana chysiazy ta na tobi ta, Siana poh eina pabu; Chavâta Abeipa liata thapha ngaitapa ta y aw na ta, Ei Khazohpa liata ei hro â ly ngaita aw.

ISAI 62:11

Pachâ teh u, Abeipa ta phuah ha ta, Khizaw kaokih taihta a phuah haw. “Zaio sawchanô hnohta hetana heta tah teh u: ‘Moh teh, na pachhana cha a vaw tlô haw, Lymâ a pie awpa ano liata y ta, Pahleipa a thô nawpa a hmiakô liata a y.

ZEREMIAH 12:13

Sâh tu ei ta, Ahloh ama hria; Ama rie thata a pathei ei ta, Athôhna y hlei vei. Abeipa hiehâhna ru ngaitapa vâta, Ama kôvei pha leipa cha ama no a za kaw aw.”

ZEREMIAH 17:13

Hy Abeipa, Izarei hnabeiseihpa y, Châ siesaipa zydua cha maophyuh aw ei ta, Châ tleisaipazy chhao, Abeipa, hrona tihnawh ama siesaipa vâta, Dohlei liata moh ropa hawhta ama leidia aw.

ZEREMIAH 2:32

Laihsa kôpa ta a sôh nata thih atobinazy a my aw ma? Myuh ta a myuh chysia a my thei aw ma? Ei phopi deikua cha na my ha ei ta, Noh rei tiah lei eina my ha ei.

ZEREMIAH 3:21

Izarei sawzy cha ama lâpi pavia ei ta, Abeipa ama Khazohpa ama my hapa vâta, Awphy tlâh lakizy liata ao theipa châ ta, Izarei sawzy chana nata ahawna aozy theipa a châ.

EZEKIA 22:12

Thisaih palo nawpa ta, panaopapana khihpi chhôh liata la ei ta, a pôhna nata â thôhna la chi ta, na vaihzy tlybaipa ta athôhna hmô chi ta, kei deikua cha eina my ha chi,” Abeipa Zehôvâh ta a tah.

EZEKIA 23:35

“Chavâta Abeipa Zehôvâh ta hetana heta a tah: Na my ha chi ta, hnôh eina chhy hapa vâ chi ta, na aohraohna nata nâ zuana maoh cha nâma ta na phaoh awpa a châ.”

HÔSIA 4:6

Pahno leina vâta Ei phopi cha paraopa a châ; Pahnona na dythapa vâta, Ei theihthaipa na châna tawhta Ei cha dytha ha hra. Na Khazohpa ryhpa na mypa vâta, Kei chhao ta na sawzy ei my hra aw.

HÔSIA 8:14

Izarei cha ano a taotuhpa my ta, Abei ozy tlao a sa; Zudâh ta thokhy ta dôhpa khihpizy A padua via lymâ. Châhrasala a khihpizy chô liata mei tuah aw na ta, Ama thokhyzy a kâ khai aw.

ZÔELA 1:17

Chizy cha alei ry liata thu ei ta, Sawvâzy a rua; Sâh thiehpa a y leipa vâta, Apâhzy phiepa a châ.

THEIHTHAINA 26:16

kei chhao ta nama chô liata he hmozy he ei tao aw: Nama chô liata hmo chichhihpa patlôsa aw na ta, nama mo pazohsa ta, nama hrona a pahlei theipa chaohpa hri nata chasipazy ei chareisa aw. Hraoleipa ta chi cheih aw ei chi ta, nama chariahpazy nie awpa a châ aw.

THEIHTHAINA 26:20

Nama tha pahryuh thlâhthli aw ei chi ta, nama râh ta kôvei papua leipa aw ta, râh liata thozy ta thei pathei aw veih ei.

AMÔSÂ 5:11

Dyhchhiepazy tlybai ei chi ta, Sâh chhiezy nama kheipa vâta, Alô khaipa ta ozy sa hra u la, A chhôh lia pahrâ aw veih ei chi; Kre sadô khochhih kawpazy tao hra u la, A kresawhti doh aw veih ei chi.

HABAKU 3:18

Abeipa liata a ly aw na ta, Ei pachhana Khazohpa liata khâ ei ly aw.

ZEPHANIA 1:13

Ama hmozy hraopa châ aw ta, Ama ozy a rua aw. Ozy sa hra ei sala, Cha liata pahrâ aw veih ei; Kre sadôzy tao hra ei sala, A kresawhti doh aw veih ei,” Abeipa ta a tah.

RYHPACHANEINA 28:30

“Lapinô a pahawh aw ei chi ta, chyhsa hropa ta â ziakhei aw. O sa aw ei chi ta, tlôh aw veih ei chi. Kre sadô tao aw ei chi ta, a thei nie aw veih ei chi.

RYHPACHANEINA 32:15

“Zesuruh cha vaw thawh ta â chapie. Vaw thawhpa ta, Vaw pahly chi ta, Na mithawh kaw. Châhrasala ano taotuhpa Khazohpa a heihsai ta, A pachhana lôpanô khâpasaw ta reih khao vei.

RYHPACHANEINA 32:18

Châ satuhpa Lôpanô pachâ khao leipa ei chi ta, Châ taotuhpa Khazohpa nama my haw.

RYHPACHANEINA 32:31

Âmo lôpanô cha keimo Lôpanô hawhpa châ vei; Cha cha eima chariahpazy chhao ta ama pahno.

RYHPACHANEINA 32:4

“Lôpanô cha a hmotaopazy siapaki ta, A lâpi zydua â do. Ano cha Khazohpa ngâchhihpa châ ta, Paraona hnei leipa ta, Asiapa nata adopa a châ.

RYHPACHANEINA 6:12

a chado kaw muh vy. Chataleipatala Izi râh, seichâna o tawhta châ chhi papuatuhpa Abeipa nama my pathlei aw na.

RYHPACHANEINA 8:11

“Abeipa nama Khazohpa biepiepazy, pachianazy nata bieraopazy tanoh ta ei cha piepa ei he nama zyh leipa khiahta cha, Abeipa nama Khazohpa my pathlei aw ei chi ta, chavâta a vaih muh vy.

RYHPACHANEINA 8:14

nama palôh lai aw ta, Izi râh seichâna o tawhta châ chhi papuatuhpa Abeipa nama Khazohpa nama my pathlei aw.

RYHPACHANEINA 8:19

Chavâta Abeipa nama Khazohpa mypa ta, khazoh hropazy zipa ta, chazy cha chakaopa ta namâ chhy khiahta cha, nama leidia tlai aw tahpa tanoh zikyu ei châ râ ei.