ISAI 16:6 - Mara Bible RV (BSI)

⁶ Môabâ apalaina thâtih thei pi ta, Â khotlâhna, â palaina, a sâlâna, Âh, â vaw palai kaw tlai na! Châhrasala â reithainazy cha aruapa a châ.

ISAI 16:6 ပူးပေါင်းရင်းမြစ်များ

BIESOZY 21:24

Akhotlâhpa nata apatahsapa moh cha “Mohnaotuh” châ ta, Apalaina nata atahtheina ta hmo a tao tyhpa a châ.

ISAI 15:1

He he Môabâ kyh chhochhieliena bie a châ: Môabâ râh Ari khihpi cha, Zâ kha ta parao khaipa a châpa vâta, Môabâ cha lei ha ta; Môabâ râh Kiri khihpi chhao, Zâ kha ta parao khaipa a châpa vâta, Môabâ cha a lei haw.

ISAI 2:11

Chyhsa mo apasâhsana cha pahnaipa châ aw ta, Chyhsa apalaina chhao panawhpa châ aw ta, Cha noh liata cha Abeipa deita cheihchalopa a châ aw.

ISAI 25:10

He tlâhpi liata Abeipa ku a pahâ aw ta, Viahchao ie liata sawphao tlypâpa hawhta, Môabâ cha ano su liata tlypâpa a châ aw.

ISAI 25:11

Tithaipa ta ti a zaw awpa ta a ku a pazawhpa hawhta, Môabâ cha a râh liata a ku pazawh aw ta, Châhrasala Abeipa ta â palaina cha panawh aw ta, A kuzôthaina a panawh aw.

ISAI 28:15

“Thina nata bie hraih ha pi ta, Athihkhih nata bie eimâ taih hawh; Eima boh nawpa ta haipa bie reih pi ta, Bie doleipa liata eimâ chhai hapa vâta, Tisaih a tlô tita chhao miah pha aw vei,” Nama tahpa vâta,

ISAI 28:18

Thina nata biehrai nama taopa phiepa châ aw ta, Athihkhih nata bie namâ taihpa chhao a duah aw vei. Tisaih rarôh ypa a tlô tita, A cha la ha aw.

ISAI 44:25

Hrohso pakheipazy maoh paphyuhpa ta, Ama chhochhieliena biezy â do leizie a palâsatuhpa châ na ta, Peihthaipazy ahrupa ta a taotuhpa ei châ. Asopazy hnôh lâ paheihsa na ta, Ama pahnona hruna lâta a paliesatuhpa ei châ.

ZEREMIAH 48:14

“Kheihta ma, ‘Riahphapa châ pi ta, Adyuhna pasaiphazy eima châ,’ Nama tah thei tly?

ZEREMIAH 48:26

“Môabâ ta Abeipa â palai thlu; Chavâta parisa u la, A pali liata a hlao sala, Pahneisaopa ta y mawh sy.

ZEREMIAH 48:42

Môabâ cha Abeipa â palai thlupa vâta, Pahleipadiapa châ aw ta, Phopi tloh khao aw vei.

ZEREMIAH 50:36

“Zaozi ta hrohso pakheipazy a dyuh aw ta, Âmo cha ahrupazy ama vaw châ aw. Zaozi ta a pasaiphazy a dyuh aw ta, Pahleipadiapa ama châ aw.

AMÔSÂ 2:1

Abeipa ta heta na heta a tah: “Môabâ moleina miathôh vâta, Âh, miapalih vâ chhao rai ta, Hriena chalihsa aw va na; Edômâ bei rupazy rao ta, Meipaoh lâta a palie hapa vâta.

1 PITY 5:5

Cha hawhna chata nâmo, hawti viapazy saih u, uhthei viapazy liata a ngiarih teh u. Nama zydua ta areisina chysia ta a tobi u la, a chakao raihrie teh u. “Khazohpa ta apalaipazy a dyuh ta, areisipazy deikua cha a ngiachhie tyh.”