ISAI 16:3 - Mara Bible RV (BSI)

³ Môabâ ta Izarei hnohta hetana heta a tah: “Ryh miah raopa la, Ryu miah reipa teh; Nohchhô locho no chhao ta zâ hawhta na nohdi paysa la, Râh tawhta papuapazy cha nyu la, A râpazy patusa khah y.

ISAI 16:3 ပူးပေါင်းရင်းမြစ်များ

1 ABEIZY 18:4

Zezebel ta Abeipa hrohsopazy a thie no ei khata, Ôbadia he hrohsopa za kha a chhi ta, lôpu liata sypangawh sypangawh ta nyu ta, viahchhâ nata ti ta a pasatuhpa kha a châ.

ISAI 1:17

Hmo pha tao a chu teh u; Adona tlua u la, Tlybaina a dyuh teh u; Paw hnei leipazy chô liata adona patlôsa u la, Nôhmeizy reikhei teh u.

ISAI 25:4

Sipasapa châta thokhy châ chi ta, Dyhchhiepa nôpo daihti liata a thokhy na châ; Thlihpipa tawhta abohna châ chi ta, Noh lopa châta nohdi na châ. Nôchhiepa hu deikua cha, Thlihpipa ta pâhchhô a vawhpa hawhta châ ta;

ISAI 32:2

Thlih tawhta anyuna su châ chyu aw ei ta, Chothyu tawhta anyuna su ama châ aw. Su chawhpa liata vahtie tizy hawhta châ aw ei ta, Râh rietheipa liata lôpanô nohpahli hawhta ama châ aw.

ISAI 56:8

Izarei paipatlapazy a pahmaohpakhytuhpa Abeipa Zehôvâh ta hetana heta a tah: “Ei pahmaohpakhy hapazy thota, Mohropazy chhao ei pahmaohpakhy lymâ aw ei.”

ISAI 58:7

Nodipazy na viahchhâ piena noh ta hmâ awpa châ ta, O hnei leipazy na o lâ achhina noh ta hmâ awpa a châ. Thluahruapazy chysia piena noh ta hmâ awpa châ ta, Na heinawh a nyusai leina noh ta hmâ awpa a châ.

ISAI 9:6

Eima châta hawti vaw pih ta, Sawchapaw piepa eima châ haw. A ngiatlâh liata ryureina pahniehpa châ aw ta, A moh cha Ryhraotuh Noâhchhihpa, Kha­zoh Thatlôpa, Chhâzaw Paw, Dyhna Beipa bipa a châ aw.

ZEREMIAH 21:12

Hy Dâvi pathlazy saih u! Abeipa ta hetana heta a tah: “‘My ta pachiana dopa ta pachia u la, Ama hmo ama hrao hapazy cha, Tlybaituhpazy ku tawhta pachha teh u. Chataleipatala hmo chhiepa nama taopazy vâta, Ei pathiiana mei hawhta pua aw ta, Ahy hmahta pachhai thei lei awpa ta a kâ pathlei aw na.’”

ZEREMIAH 22:3

Abeipa ta hetana heta a tah: Adona nata siana tao u la, ama hmo ama hrao hapazy cha, tlybaituhpazy ku tawhta pachha teh u. Chihropa mapaihpazy, paw hnei leipazy nata nôhmeizy chô liata â doleipa ta hmo tao leipa u la, thachahra hmâ thlu hra leipa u la, he su liana heta thaileina a hnei leipa thisaih palo khuh vy.

DÂNIAH 4:27

Chavâta Hy abei y, pachâna ei cha piepa he a py tlâhpa ta rao mah y: na moleinazy siesaipa ta siana hrokhei la, na paraonazy siesaipa ta sipasapazy chô liata zawngiahna palâsa mah y. Cha hawhta na tao khiahta cha byhnâ na to heih aw,” tah ta.

ZEKARIA 7:9

“Pheisaihzy Abeipa ta hetana heta a tah: Ryureina dopa ta ryureih u la, unawhzy chô liata hmo pha tao u la, zawh a ngiah raihrie teh u.

MATHAI 25:35

Ei nodi ta, nie awpa na pie ei chi ta; ei dâhphi ta, do awpa na pie ei chi ta; khichhaipa châ na ta, na patlôsa ei chi ta;

HEBRAI 13:2

Khichhai chô liata phana papua awpa my khuh vy. Cha hawhta taopa ta, thokhazy ta pahno leipa ta vâlyuhchâpazy ama o liata ama patlôsa tyh.

RYUREITUHPAZY 9:15

Ahloh buh ta thozy hnohta, ‘Palôh hmeiseihpa ta nama bei châta sathaw eina thu tlai khiah ei chi ta cha, a vy u la, ei nohdi liata a vaw pahâ teh u. Cha hawhta a châ vei khiahta deikua cha, ahloh buh tawhta mei vaw pua sala, Lebanaw sidy thozy cha kâ khai mawh sy,’ tah ta.