ISAI 16:12 - Mara Bible RV (BSI)

¹² Chatawhcha hetana heta vaw châ aw ta, Môabâ cha su sâhpazy lâ â luah tita, anosasyh ta a tha a pachhâ ta, thlahchhâ awpa ta a achhyna o lâ a pangaipa chhao ta, phahnai aw vei.

ISAI 16:12 ပူးပေါင်းရင်းမြစ်များ

1 ABEIZY 11:7

Sawlawmaw ta Môabâ mo khazoh pasichhihpa Khemô châta nata Amawna mo khazoh pasichhihpa Môleka châta Zerusale nochhi lâ tlâh liata su sâhpa tao ta.

1 ABEIZY 18:29

Nohchhô locho daihti khô ta, zâlâ atheihna daihti taihta ama hrohsona biezy cha reih ei ta. Châhrasala ao pyury rai y leipa ta, a chhytuhpa rai y leipa ei ta, a pachâtuhpa rai y veih ei.

2 ABEIZY 19:12

Nâ pathlatuhpazy ta ama pahleipadia hapa phopizy, Kôzani, Harânâ, Reze nata Telasâ liata a ypa Idâh mo zy kha ama phopi khazohzy ta ama pachha thei ma?

2 ABEIZY 3:27

A sawchapaw uhtheipa, ano su liata bei a châ awpa a chhi ta, raopa hlâna ta thokhy chô liata hlâ ta. Cha chata Izarei chô liata pathiiana lai ngaitapa vaw patlôsa ta, chatanachata Môabâ bei cha a sysai ei ta, ama râh lâ amâ lie haw.

BIESOZY 1:28

Cha tina chata na pado aw ei ta, Châhrasala a chhy aw veih ei na; Thata na tlua awh ei ta, Châhrasala na hmô aw veih ei.

ISAI 15:2

Dibô cha achhyna o lâ pangaipa ta, Cha awpa ta a su sâhpazy lâ khy ta; Môabâ ta Nebô nata Medebâ khihpizy a chakhei ei. Luh zydua pôlô khai ha ta, Kâhhmi zydua a tlyh khai haw.

ISAI 16:13

Khazy kha Abeipa ta Môabâ kyh liata kha hlâta a vaw reipazy a châ.

ISAI 26:16

Hy Abeipa, ama nôpo nota cha pado ei ta, Na chhoreina ama chô liata a tla tita, Arulâta thlah ama chhâ tyh.

ISAI 37:38

Noh kha cha a khazoh Nisrô o liata khazoh â chhy hai nota, a sawchapawpa Adarâmele nata Sareze ta zaozi ta chhawhsao ei ta, Ararâ lâ ama râ hapa vâta, a sawchapaw hropa Esâhadô ta ano su liata â bei haw.

ISAI 47:13

Ryhraona tao awpa na hnei hluhpa vâta, Na rie a thei kaw khawh; Avâ liata hmozy a pahrua thaipazy cha a vaw duah ei sala, Awhsi a moh thaipazy a vaw duah hra ei sala, Thlâpâ diehpa moh ta, Na chô liata hmo a tlô awpa châ chho tyhpazy chhao, A vaw duah ei sala, Cha pachha mawh ei sy.

ZEREMIAH 10:5

Ama khazohzy cha athei lyu liata Pavaw pachisana nothlahpa hawh dei châ ei ta, Reih pathlie thei veih ei; Âmo kho ta ama sie thei leipa vâta, A sy awpa a byuh tyh. Chavâta âmo cha chi khuh vy; Hmo chhiepa tao thei leipa ei ta, Hmo phapa tao theina âmo liata y hra vei.”

ZEREMIAH 48:13

Chatanachata Izarei pathlazy ta ama ngâpa Bethel ama zakheipa hawhta, Môabâ chhao ta Khemô cha a zakhei aw.

ZEREMIAH 48:35

Su sâhpazy liata atheihna hlâ ta, A khazoh lâta ropahâhpa a raopa chhao, Môabâ râh liata ei pachhâsa ha aw,” Abeipa ta a tah.

ZEREMIAH 48:46

Hy Môabâ, na hu a po kaw dia! Khemô phopi ama lei haw; Na sawchapawzy cha sei ta a chhipa châ ei ta, Na sawchanôzy seichâna lâ a chhipa ama châ.

ZEREMIAH 48:7

“Na hmotaopazy nata na ryusôhpazy na ngâpa vâta, Nâ chhao lapa châ aw chi ta, Khemô cha seichâna lâ a sie aw, A theihthaipazy nata a beimachâzy chhaota.

MALUHREINA 21:28

Hesbaw tawhta mei pua ta, Sihaw khihpi tawhta meipaleih a pua; Môabâ râh Ari khih kâ khai ta, Anaw su sâhpazy a palâ khai haw.

MALUHREINA 22:39

Chatanachata Bâlâma cha Bâlâka hnohta sie ta, Kiria-huzô khihpi tlô ei ta.

MALUHREINA 22:41

A mylâ my ta Bâlâka ta Bâlâma cha a chhi ta, Bâlâ su sâhpazy lâ khykhei ta. Cha su tawhta Izarei zawpi yna su thokha cha hmô theipa châ ta.

MALUHREINA 23:14

Zôphi lyu liata Piskâ tlâh laki lâ a chhi ta, maisâh miasari tao ta, maisâh to liata viahchao tôhpa pô kha nata mietaku tôhpa pô kha lymâ hlâ ta.

MALUHREINA 23:28

Chatanachata Bâlâka ta Bâlâma cha râhchawhpa lâ a heihpa Peô tlâh laki lâ a chhi ta.

MALUHREINA 24:17

Ano cha hmô na ta, Châhrasala tahmâ châ vei; Moh na ta, Châhrasala a hnia vei; Zakaw tawhta awhsi vaw pua aw ta, Izarei tawhta bei a vaw pua aw. Môabâ râh zydua pahnie aw ta, Sethâ saw zydua a pahleipadia khai aw.