ISAI 15:9 - Mara Bible RV (BSI)

⁹ Dibô tizy cha thisaih ta bie ta, Dibô chô liata hmo rarôh y viapa ei patlôsa aw. Môabâ tawhta a râpaipazy lâ chakeibarôhneipa tuah aw na ta, Râh liata a nguapazy hnohta chhao chakeibarôhneipa ei tua thlu aw ei.

ISAI 15:9 ပူးပေါင်းရင်းမြစ်များ

2 ABEIZY 17:25

Cha liata ama y tua nota, Abeipa chi leipa ei ta, chavâta Abeipa ta ama hry liata chakeibarôhneipazy vaw tuah ta, chyhsa thokha a siesao haw.

ISAI 15:8

Môabâ râhrizy liata awhsâhpa pyu pathâh ta, A chapa pyu cha Ekalai taih tlô ta, A chaphôhtupa pyu Bereli taihta a daih.

ZEREMIAH 15:3

“Paraotuhpa chi palih ama chô liata ei vaw tuah aw, Abeipa ta a tah: A thie awpa zaozi, a hriechheih awpa izy nata a palâ awpa nata a pahleipadia awpa avâ pavawzy nata lei sazy ei vaw tuah aw.

ZEREMIAH 50:17

“Izarei cha mietaku pai patlapa châ ta, Chakeibarôhneipa ta â chadai pai hapa a châ. Asuria bei ta ano cha palâ tua ta, Tahmâ Babylaw bei Nebukaneza ta a ruzy a thlie haw.

THEIHTHAINA 26:18

Chatanachôta ei bie nama nathlie vei khiahta cha, nama moleinazy vâta ei sari ei cha hrie via aw ei.

THEIHTHAINA 26:24

kei chhao nâmo kho leizie ta y aw na ta, keima tlai ta nama moleinazy vâta a lie sari ta ei cha hrie aw ei.

THEIHTHAINA 26:28

kei chhao hiehâhpa ta nama kho leizie ta y aw na ta, nama moleinazy vâta a lie sari ta ei cha hrie aw ei.

AMÔSÂ 5:19

Chyhsa ta chakeibarôhneipa tawhta a râ ta, Chavyh ta tlao â tyhpa hawhta châ aw ta, O liata a ngiapa ta pâhchhô liata a ku pahnieh ta, Parih ta a pachu pylypa hawhta a châ aw.

MALUHREINA 21:30

Chavâta âmo cha tlokhuh parao pi ta, Hesbaw nata Dibô zy leidia ei ta; Nôpha tawhta Medebâ taihta roryhrapa ta eima tao haw,” tahpa ta hla ama phi.