ISAI 15:5 - Mara Bible RV (BSI)

⁵ Môabâ vâta ei chhôhso â rôh; A chyhsazy Zawâ lâ a râ ei ta, Ekalâselisia lâ amâ râ khai haw. Chana chôta Luhi chakhâ kiah ei ta, Raona kyh awh laihpa ta Hôrônai lâpi lâ ama sie.

ISAI 15:5 ပူးပေါင်းရင်းမြစ်များ

ÂTHAONA 13:10

Lawta cha mohmia pasaih ta, Zawâ tlôna taihta Zawdâh bypi zydua cha Abeipa sadô hawhta nata Izi râh hawhta ti phana by a châpa ta hmô ta. Cha cha Abeipa ta Sawdawmâ nata Kawmawrâ khih a parao hlâ daihti a châ.

ÂTHAONA 14:2

âmo heta Sawdawmâ bei Berâ, Kawmawrâ bei Bisâh, Adamâ bei Sinâbi, Zebô bei Semebe nata Belâ beizy a dyuh awpa ta siehnao ei ta. Belâ cha Zawâ a châ.

ÂTHAONA 19:22

Hao khih lâ hao a chatliepa ta a râ mah y. Na tlô hlâlei khâpa hmah tao thei aw va na,” tah ta. Chavâta cha khih moh cha Zawâ bipa a châ.

2 SAMUELA 15:23

Râh zydua ta aoh tlili ta cha ei ta. Zawpi zydua cha sie ei ta, abei cha Kidaraw chavah chaka ta, zawpi zydua cha râhchawhpa lâ pangaipa ta sie ei ta.

2 SAMUELA 15:30

Dâvi cha Ôli Tlâh lâ khyna lâpi lâta khy ta, chana chôta sie ta, a luh a khu ta, phei ruapa ta sie ta. A hnohta a ypa chyhsa zydua chhao ama luh a khu chyupa ta khy ei ta, cha lymâna chôta sie ei ta.

ISAI 16:14

Tahmâ deikua cha, Abeipa ta hetana heta a tah: “Ahlaopa kô reizie ta reipa ta, kô thôh chhôh ta Môabâ rônahna cha panawhpa a châ aw. Râhsaw maluh hluhpi a hneina chôta, cha hmo cha a chô liata tlô aw ta, laibâhpazy cha a chyhta dei châ aw ei ta, ama chyh hleikhô ta ama dadieh kaw aw.”

ISAI 22:5

Pheisaih Abeipa Zehôvâh noh cha, Aluahna saikao liata vaw tlô aw ta; Cha noh cha tymâna noh châ aw ta, Tlypâna nata nôpona noh a châ aw; Thokhy paraona noh châ aw ta, Tlâhpizy awsaona noh a châ aw.

ISAI 59:7

Ama pheizy cha, Hmo pha leipa tao nawpa lâ a râ ta; Thaileina a hnei leipa thisaih palo awpa ta, Ama phei a chatlie kaw tyh. Ama pachânazy cha, Moleina hmo pachânazy châ ta; Ama lâlaizy liata Roryhrana nata paraona zy a y.

ZEREMIAH 13:17

Nama nathlie vei khiahta deikua cha, Namâ palaina vâta arulâta cha aw na ta; Ei mothlih thata loh aw ta, Ei cha ngâ thlâh ha aw; Abeipa mietaku zaw cha, Seichâna lâ a chhipa ama châpa vâta.

ZEREMIAH 17:16

Na mietaku vaituhpa ei châna a râsai leipa na ta, Chhiena noh a vaw tlô awpa chhao khoh hlei va na. Ei hmao tawhta a puapa pahno chi ta, Cha cha na hmiakô liata a y.

ZEREMIAH 4:19

Ei pasa rimâ cha, ei pasa rimâ cha! Ei taikalô pâ ngâ kaw dia! Aw, ei palôh pasa rimâ cha! Ei châh-ao thata a chalyu ta, Y molo thai khao va na. Chiahmie pyu thei na ta, Adyuhna rahaopa pyu ei thei.

ZEREMIAH 4:20

Raokeina nata raokeina a patho ta, Râh pôhpalôhpa a rao haw. Ei poh ozy eikhapi ta paraopa châ ta, Ei pohraipazy buakha chhôh ta paraopa a châ.

ZEREMIAH 48:3

Hôrônai tawhta awhpa ao vaw pua ta, Hraona nata raona rarôh ypa pyu a vaw pua!

ZEREMIAH 48:5

Chana chôta Luhi chakhâ kiah ei ta, Raona vâta nôpona ao chhaota Hôrônai chhutla ama chô.

ZEREMIAH 50:46

Babylaw pahniena pyu ta alei chalyusa aw ta, a chana ao cha phopizy ta ama thei aw.”

ZEREMIAH 9:10

Tlâhpizy châta chapa ta sâh aw na ta, Râhchawhpa sibiepa suzy châta mâchhie ei sa aw. Ahy hmahta chapia khoh khao lei awpa ta kâ khai ha ta, Viahchao a aohpa pyu chhao theipa châ khao vei. Avâ pavawzy pai ei ta, Râhsazy ama sie haw.

MALUHREINA 21:29

Hy Môabâ, na hu a po kaw dia! Hy Khemô phopi, paraopa na châ haw! A sawchapawzy viavipa ta tao ta, A sawchanôzy Amawri bei Sihaw hnohta sei ta a pie ei.