ISAI 14:6 - Mara Bible RV (BSI)

⁶ Pathi iapa ta a chalih beih leipa ta phopizy tu ta, Taolana chhâ thai khao leipa ta ryureih ta, Râhzy chô liata hiehâhpa ta ryu a reihpa Chôchahrei cha a thlie haw.

ISAI 14:6 ပူးပေါင်းရင်းမြစ်များ

2 THÂTIHZYRONA 36:17

Chavâta âmo a dyuh awpa ta, Abeipa ta Kaldia bei pathyusa ta, ano ta ama satliazy ama supathaihpa o liata zaozi ta thie ta, satlia nata laihsa, machâpa nata pawpi nôpipazy chhao ngiachhiena rai hnei leipa ta thie lymâ ta. Abeipa ta Zerusale khihsawzy cha Kaldia bei ku liata a hlâ khai ha ei.

ZAWBÂ 9:13

Khazohpa cha a hiehâhna a sy leipa châ ta, Rahâbi baotuhpazy chhao ta a ry liata amâ bôh tyh.

BIESOZY 21:30

Kheihawhpa sona, novâhna nata ryhraothaina hmahta Abeipa cha pahnie aw vei.

BIESOZY 28:15

Phopi dyhchhiepa chô liata ryureihtuh chhiepa cha, Chakeibarôhneipa a rôhpa hawhta châ ta, Chavyh a thyupa hawhta a châ.

ISAI 10:14

Phopizy sôh nata thihzy cha, Pavaw bu lapa hawhta ei ku ta la ta; A panô thyusaipa pavaw tihzy lapa hawhta, Râh zydua ei la khai haw. Mathlaw a chakhyhpa y khao leipa ei ta, A pakah a âpa y khao hra leipa ei ta, A sâhpa chhao y khao veih ei,” tah ta.

ISAI 14:5

Abeipa ta moleipazy sômasi cha thlie ta, Ryureituhpazy ryureina chôchahrei a thlie haw.

ISAI 33:1

Nâ, a pahleipadiatuhpa y, Pahleipadiapa châ mâh vei hra la, Na hu a po na! Nâ, a paphasaituhpa y, A paphasaipa châ mâh vei hra la, Na hu a po na! Chyhsa na pahleipadiapa tawhta nâ chalih tita, Pahleipadiapa châ hra aw chi ta; Nâ paphasaipa na patlô tita, Ama châ paphasai hra aw.

ZEREMIAH 25:26

maw lâta bei zydua, lâhla nata lâhnia a pazi lymâpa ta, hiehâhna nyu cha padosapa châ ei ta, alei chô liata a ypa khizaw khinarâh zydua chhao padosapa ama châ. Âmo khai tawhta Babylaw bei ta a doh awpa a châ.

ZEREMIAH 25:9

pachâ teh u, maw lâta chipho zydua bieta aw ei na ta, na chakaotuhpa Babylaw bei Nebukaneza chhao bieta aw na ta, âmo cha he râh nata a chhôh liata a pahrâpazy nata he chheipâh liata phopi zydua a dyuh awpa ta ei vaw chhi aw ei. Tlokhuh pahleipadia khai aw ei na ta, rarôh ypa nata hmaotô chiepa nata roryhrapa ta chhâzaw ta y awpa ta ei tao aw ei,” Abeipa ta a tah.

ZEREMIAH 48:17

A chheipâh liata a ypazy ta taokhei u la, A moh a pahnopa zydua ta taokhei teh u; “Kheihta ma chôchahrei thatlôpa tlie thei ta, Sômasi rônahpa a tlie thei tly,” tah teh u.

ZEREMIAH 50:31

“Hy nâ, chyhsa a palaipa, ei châ dyuh; Na noh vaw tlô ha ta, Ei cha hrie nawpa daihti a vaw tlô haw,” Pheisaihzy Abeipa Zehôvâh ta a tah.

CHAPHÔHTUNA 1:21

“Ei hrôpa thei ei ta, Châhrasala thlah nâ palôhtuhpa y veih ei. Ei chariahpa zydua ta ei nôpona thâtih thei ei ta, Cha hawhta eina paysapa chi cha amâ ly kaw. Noh na raopa vaw patlôsa ha chi ta, Âmo chhao kei hawhta châ hra mawh ei sy.

DÂNIAH 4:35

Lei chyhsa zydua cha, Hraoleipa ta pachâpa châ ei ta; A khozie hawhta vâmozy hry liata tao ta, Lei chyhsazy hry liata chhao a tao tyh; A ku a chalihsa theipa y leipa ei ta, “Khâpa hmo ma na tao haw?” A tah theipa y hra veih ei.

HABAKU 1:17

Cha hawhta a châ khiahta cha, A sao cha paruapa ta Chôh chanei lymâ aw ta ma, Ngiachhiena rai hnei leipa ta, Phopizy khâ a thie aw ei?

HABAKU 2:5

Kresawhti cha dôveituhpa châ ta, Akhotlâh kaw ta, A pahâ beih leipa a châ. Athihkhih tlu ta a karâ hneina kawh ta, Thina hawhta â daih a tah beih leipa a châ. Ano lâta râh zydua awpakhy ta, Ano lâta phopi zydua a pahmaoh ei.”

ZÂMIE 2:13

Zawngiahna a hnei leipa chyhsa cha, pachiana ta ano cha zawh a ngiah hra aw vei. Zawngiahna cha pachiana hlâta a rônah via.