ISAI 14:31 - Mara Bible RV (BSI)

³¹ Hy thokhy chhikao y, thata cha la, Hy khihpi y, awh teh; Hy Philistinâ râh zydua saih u, Nama zydua ta chipa ta zao khai teh u! Maw lâ tawhta meikhuh za pua ta, A pheisaih hry liata hnôh a khawpa rai y veih ei.

ISAI 14:31 ပူးပေါင်းရင်းမြစ်များ

ISAI 13:6

“A rôh teh u, Abeipa noh a hnia ha ta, Atotaotheipa ta a pahleipadia nawpa noh â hnia haw.

ISAI 14:29

Hy Philistinâ râh zydua saih u, Nâmo châ tupa chôchahrei a tlie hapa vâta a ly hlei khuh vy; Vâzi thari tawhta chyuphao vaw thao aw ta, A thei cha vâzi mei a zawtheipa a châ aw.

ISAI 16:7

Chavâta Môabâ cha Môabâ châta cha sala, Mo to ta cha mawh ei sy. Kiaherese kre chawhpa viahchhâzy châta, Mâchhiesapa ta y u la, Pachârôh ngaitapa ta y muh vy.

ISAI 20:1

Asuria bei Sâkô tuapa pheisaih hyutuh chaipa Asadô khihpi lâ a vy ta, a dyuh ta, khihpi cha a la kô ta,

ISAI 24:12

Khihpi liata roryhrana siesaipa châ ta, Thokhy chhikaozy paraopa a châ.

ISAI 26:1

Cha noh liata, he hla he Zudâh râh liata ama sa aw: “Khihpi thatlôpa hnei pi ta, Cha khihpi pachha nawpa ta, Khazohpa ta khihpi cha, Thokhyzy nata diahsuazy ta a chhôh.

ISAI 3:26

A thokhy chhikaozy cha, Chaphôhtupa ta mâchhiesa aw ei ta; Ziahzirohpa ta alei liata â tyuh aw.

ISAI 34:16

Abeipa châbu liata tlua u la, reih teh u: Chazy hry liata pô kha hmahta a ki leipa y leipa aw ta, Kaolâh a hnei leipa pô kha hmah y aw vei. Abeipa pakah ta biepie ha ta, A Thlahpa ta a pahmaoh ha ei.

ISAI 45:2

Na hmia lâta sie aw na ta, Tlâh byuhpazy ei paraih aw; Dawh ochhizy pakeichheih aw na ta, Ochhi hraina thuatlaizy ei tai pachhô khai aw.

ZEREMIAH 1:14

Abeipa ta ei hnohta, “Râh liata a pahrâpa zydua chô liata maw lâ tawhta chhiena a vaw tlô aw.

ZEREMIAH 47:2

“Abeipa ta hetana heta a tah: Moh teh u, maw lâ tawhta ti vaw lai ta, A kao bie aw ta a khô aw; Râh nata a chhôh liata a ypa zydua vao khai aw ta, Khihpi nata a chhôh liata a pahrâpazy a vao khai aw; Chyhsazy awhsâh aw ei ta, Râhsaw to ama cha aw.

ZEREMIAH 47:4

Philistinâ mo zydua pahleipadiana noh vaw tlô hai ta, Baotuhpa a y tlakaihpazy chhao, Tyre nata Sidaw tawhta chhawh pathlahna noh a vaw tlô haipa vâta, Cha hawhpa hmo cha a vaw ypa a châ. Abeipa ta Philistinâ mo pahleipadia hai ta, Tilaipi kiah Kâftaw râh liata laibâhpazy chhao, A pahleipadia hai ei.