ISAI 14:29 - Mara Bible RV (BSI)

²⁹ Hy Philistinâ râh zydua saih u, Nâmo châ tupa chôchahrei a tlie hapa vâta a ly hlei khuh vy; Vâzi thari tawhta chyuphao vaw thao aw ta, A thei cha vâzi mei a zawtheipa a châ aw.

ISAI 14:29 ပူးပေါင်းရင်းမြစ်များ

2 ABEIZY 18:8

Philistinâ mo a dyuh ta, Kâza khih nata a râh zydua, riahvaina o nata thokhy hneipa khihpizy taih a pahnie khai haw.

2 THÂTIHZYRONA 26:6

Philistinâ mo a dyuh awpa ta pua ta, Kâthâ thokhy, Zabane thokhy nata Asadô thokhy zy pacho ta. Asadô râh nata Philistinâ mo hry liata khihpizy padua ta.

2 THÂTIHZYRONA 28:18

Philistinâ mo chhao ta Sephelâ nata Zudâh Neke râhzy vaw chho ei ta, Beseme, Aizalô, Kederaw, Sôkô nata a khichapeihzy, Timnah nata a khichapeihzy, Kimzô nata a khichapeihzy la ei ta, cha suzy liata ama pahrâ haw.

BIESOZY 24:17

Na chariahpa a pao nota a ly leipa la, Â chapia nota na palôh thapha khah sy.

ISAI 11:14

Epharai nata Zudâh cha, Notla lâta Philistinâ mo ngiatlâh liata a zâ zaw aw ei ta; Hmaohkha ta nochhi sawzy ama hrao aw. Edômâ nata Môabâ chô liata ama ku hy aw ei ta, Amawri mo ta ama rei amâ ngiah aw.

ISAI 11:8

Hawti sâhpi a pazypa cha, Chyuphao khaoh chô liata palao aw ta; Hawti sâhpi a pathleih hapa chhao, Vâzi khaoh liata a ku a chahraoh aw.

ISAI 14:31

Hy thokhy chhikao y, thata cha la, Hy khihpi y, awh teh; Hy Philistinâ râh zydua saih u, Nama zydua ta chipa ta zao khai teh u! Maw lâ tawhta meikhuh za pua ta, A pheisaih hry liata hnôh a khawpa rai y veih ei.

ISAI 2:6

Na phopi hry liata nochhi chyhsa ziehchhôhpa hmozy ta bie ta, Philistinâ mo hawhta pachaopadâhpazy tao ei ta, Chihropazy nata azaona ama taopa vâta, Na phopi cha siesai chi ta, Zakaw pathlazy cha na siesai ha ei.

ISAI 30:6

He he Neke râhsazy kyh chhochhieliena bie a châ: Neke cha nôpona nata thlazohna râh a châ; Chakeibarôhneipa panô puana râh châ ta, Chakeibarôhneipa tôhpa puana râh a châ; Vâzi puana râh châ ta, Parih a zaw theipa puana râh a châ. Cha râh tawhna chata, Ama châta phahnaina a hnei leipa phopi pie awpa ta, Ama hneirônazy cha, Alâzy paphaosa ei ta; Ama ryusôhpazy cha, Râraoseihpazy ky byuhpa liata ama paphaosa.

ZEREMIAH 47:1

He he Phiraoh ta Kâza a pahnie hlâta, Philistinâ mo kyh liata hrohsopa Zere­miah hnohta Abeipa bie a vaw tlôpa a châ.

CHAPHÔHTUNA 2:17

Abeipa ta â chhuahpa tao ha ta, A bie a patlô haw; Hlâno tawhta parao awpa ta a vaw rao hapa cha, Ngiachhiena hnei leipa ta a parao haw; Chariahpa a ly awpa ta cha parao ta, Na khakhaipazy ki a pasisa.

EZEKIA 25:15

“Abeipa Zehôvâh ta hetana heta a tah: Philistinâ mo cha phuh lanazie ta a pielyu ei ta, palôh chhiepa phaopa ta, akhakhaina chhâ thai khao leipa ta Zudâh a khakhai ei ta, Zudâh cha pahleipadia amâ chhuahpa vâta,

EZEKIA 26:2

“Chyhsa sawchapawpa y, Tyre ta Zerusale kyh liata, ‘A pha kaw dia, phopizy chhikao rao ha ta, ei châta â pahy haw. Tahmâ cha khih rypa châ ha ta, chavâta ei dôhkhâh ha aw,’ a tahpa vâta,

EZEKIA 35:15

Izarei pathlazy ryuto roryhrapa ta a ypa nâ lypa hawhna khata, na chô liata ei tao aw. Hy Seirâ Tlâh, roryhrapa ta na y aw. Edômâ cha tlokhuh roryhrapa ta a y aw. Chatanachata Abeipa ei châ tahpa ama pahno aw.”

HÔSIA 9:1

Hy Izarei, a ly leipa la, Phopi hropazy hawhta na thapha khah sy. Sihryhpa ta na Khazohpa a pheisai chi ta, Sawhrihmo to liata Âzuahnô ty na tlaichhai tyh.

ZÔELA 3:4

“Nâmo, Tyre, Sidaw nata Philistinâ râhzy saih u, ei châta khâpa ma nama châ tly? Ei hmotaopa kheihawhpa vâta ma viari eina thô ei chi tly? Viari eina thô khiah ei chi ta cha, nama viarithôna cha nâmo luh chô lia tlai ta a chatliepa nata a parapa ta ei vaw pakuasa aw.

AMÔSÂ 1:6

Abeipa ta heta na heta a tah: “Kâza moleina miathôh vâta, Âh, miapalih vâ chhao rai ta, Hriena chalihsa aw va na; Phopi pôhpalôhpa a chhi ei ta, Edômâ lâ sei ta ama hlâpa vâta.

AMÔSÂ 1:8

Asadô râhsawzy chhawh pathlah aw ei na ta, Askelaw ryureituhpazy ei chhawh pathlah aw ei; Ekaraw chô lia ei ku hy aw na ta, Philistinâ laibâhpazy ama leidia aw,” Abeipa Zehôvâh ta a tah.

ÔBADIA 1:12

Na unawhpa chhiena â tyh noh kha, Kheihta ma a lypa ta moh thei chi ta, Zudâh pathla raona amâ tyh noh kha, Kheihta ma thaphapa ta na sai thei tly! Ama pachârôhna noh liata, Kheihta ma na pakah a kawh chie thei tly!

MIKÂ 7:8

Hy ei chariahpa y, Na palôh nâ eih khah y; Ei paopa chhao ta, Ei thyu heih aw; Zohna lia ei tyupa chhao ta, Abeipa cha ei khaihna a châ aw.

ZEPHANIA 2:4

Kâza cha siesaipa châ aw ta, Askelaw roryhrapa ta a y aw; Asadô khihsawzy cha nohchhô sawhvaw ta papuapa châ aw ei ta, Ekaraw cha phia pathlahpa a châ aw.

ZEPHANIA 2:5

Nâmo, tilaipi kiah liata a pahrâpa Khere phopi y, Nama hu a po na! Nâ, Kâna, Philistinâ râh y, Abeipa bie ta a châ dyuh; Râh liata a pahrâpa pakha hmah y khao leina taihta Ei cha pahleipadia aw.

ZEPHANIA 3:11

“Cha noh liata cha, Ei chô liata moleina hmo taopa ta, Einâ dyuhnazy vâ chi ta, Maophyuhpa ta paysapa châ khao aw va chi. Thaphapa ta namâ palaikhei kaw tyhpazy cha, Nama hry tawhta la aw na ta, Ei tlâh pathaihpa liata Akhotlâhpa ta y heih khao aw veih ei chi.

ZEKARIA 9:5

Askelaw ta cha cha hmô aw ta, A chi kaw aw; Kâza chhao ta hmô aw ta, Pasa tah ngaitapa ta â taikalô aw; Ekaraw chhao â taikalô hra aw, A hnabeiseihna a lei hapa vâta. Kâza cha abeina pahlei aw ta, Askelaw liata chyhsa pahrâ khao aw veih ei.

MALUHREINA 21:8

Abeipa ta Mawsi hnohta, “Parih châmaih thatlôpa nothlahpa tao la, atôh liata chaluah mah y. Parih pachupa maihta cha cha ama mo khiahta cha, ama hroh aw,” tah ta.

ZAWSUA 13:3

Izi râh kiapâh liata a ypa Sihaw tawhta maw lâta Ekaraw râhri taihta, Ekaraw cha Kâna râh hawhta pachâpa a châ; Philistinâ bei papangawh ryureina Kâza, Asadô, Askelaw, Kiti nata Ekaraw râhzy nata chho lâta Avimi râh;