ISAI 14:24 - Mara Bible RV (BSI)

²⁴ Pheisaihzy Abeipa ta, “Ei pachhuahpanohpa hawh tlai ta vaw tlô aw ta, Ei chhuahpa hawhta a vaw tlô aw.

ISAI 14:24 ပူးပေါင်းရင်းမြစ်များ

ÂTHAONA 41:32

Phiraoh hnohta yzie a lyupa mâ ei no tlai piepa a châpa heta, Khazohpa ta a tao awpa liahsa pathlu ha ta, a tao patoh awpa a châzie a pa-i.

ZAWBÂ 23:13

Ano cha anano beih leipa châ ta, Ahy ma a palôh a pakuasa thei aw tly? A khopa cha a tao lymâ.

HLAZY 110:4

“Melkizade theihthaina yzie hawhta, Tlyzaw ta theihthaipa na châ aw,” tahpa ta, Abeipa ta bie châ taih ha ta, A palôh panano aw vei.

HLAZY 33:10

Abeipa ta râhzy ryhraona cha hraoleipa ta pachâsa ta, Phopizy achhuahna a parao tyh.

HLAZY 92:5

Hy Abeipa, na hmotaopazy cha rônah ta, Na pachânazy â thu kaw dia!

PUASAINA 17:16

Mawsi ta, “Amale cha Abeipa beidyuchhai chô liata a ku a hypa vâta, chhâ a vaw y lymâ awpa zydua liata Abeipa ta â dyuh lymâ aw,” tah ta.

BIESOZY 19:21

Chyhsapa palôh liata achhuahna hluhpi y ta, Châhrasala a duah awpa cha Abeipa ryhraopa a châ tyh.

BIESOZY 21:30

Kheihawhpa sona, novâhna nata ryhraothaina hmahta Abeipa cha pahnie aw vei.

ISAI 10:5

Asuria cha a hu a po na! Ano cha ei pathiiana sômasi châ ta, A ku liata ei hiehâhna chôchahrei a y.

ISAI 19:12

Cha hawhpa khiah, Khataih liata ma na chyhsa sopazy cha ama y haw? Pheisaihzy Abeipa ta Izi chô liata tao â chhuahpa cha, Cha chho ei sala cha pahnosa bao ei sa.

ISAI 19:17

Zudâh râh cha Izi mo châta chichhihpa a châ aw. Pheisaihzy Abeipa ta Izi chô liata hmo a tlô awpa a pachhuahpanoh hapa vâta, Zudâh moh ama reipa a theipa Izi chyhsa maihta ama chi ngaita aw.

ISAI 55:8

Ei pachâpazy cha, Nama pachâpazy châ leipa ta; Nama hroziezy chhao, Ei hroziezy châ vei,” Abeipa ta a tah.

ISAI 55:9

“Avâzy khi alei hlâta â sâh viapa hawhta, Ei hroziezy cha nâmo hroziezy hlâta a sâh via ta, Ei pachâpazy chhao nama pachâ­pazy hlâta â sâh via.

ZEREMIAH 23:20

A palôh ta â chhuahpazy tao aw ta, A patlô hlâlei cha, Abeipa hiehâhna cha kua aw vei. Cha cha noh hnôhlâzy liata Nama pahnopasia aw.

ZEREMIAH 29:11

Nâmo châta achhuahna ei hneipa ei pahno thlâh haw. Nama chhie nawpa châ leipa ta, nama pha nawpa châta achhuahna hnei na ta, hmialâ daihti phapa nata hnabeiseihna cha pie awpa ei ta achhuahna ei hnei, Abeipa ta a tah.

ZEREMIAH 44:26

“Chavâta nâmo Izi râh liata a pahrâpa Zudâh mo zydua saih u, Abeipa bie he thei teh u: Pachâ teh u, ei moh rônahpa ta bie ei taih haw. Izi râh liata a ypa Zudâh chyhsa ahy pakah ta hmahta, ‘Ei Abeipa Zehôvâh hrona reipa ta ei reih,’ tahpa ta ei moh reih beih khao aw veih ei, Abeipa ta a tah.

ZEREMIAH 49:20

Chavâta Edômâ chô liata Abeipa ta tao â chhuahpa he nathlie u la, Temâ mo chô liata tao â chhuahpazy he nathlie teh u: Sahroh zaw tawzy taihta a daophipa châ aw ei ta, ama hmo a tyhpa cha ama tlaihna sibiepa suzy taihta rarôh y ama tah aw.

ZEREMIAH 50:45

Chavâta Babylaw chô liata Abeipa ta tao â chhuahpa he nathlie u la, Kaldia râh chô liata tao â chhuahpazy he nathlie teh u: Ama sahroh zaw tawzy a daophipa châ aw ei ta, ama hmo a tyhpa cha ama tlaihna sibiepa suzy taihta rarôh y ama tah aw.

CHAPHÔHTUNA 3:37

Abeipa ta bie a pie leipa khiahta cha, Ahy ma a bie reipa a patlôsa thei tly?

EZEKIA 12:25

Kei he Abeipa châ na ta, ei bie rei awpa cha reih aw na ta, taopa a châ aw. Hy saw chhorupazy saih u, hawh khao leipa aw na ta, nama hro chhôh tlai ta bie reih aw na ta, ei tao aw, Abeipa Zehôvâh ta a tah,” tah ta.

EZEKIA 39:4

Izarei tlâhpizy chô liata pao aw chi ta, nâ nata na pheisaih zydua nata na hnohta a ypa phopizy nama pao khai aw. Nama rizy cha sa hei a niepa pavaw to nata râh sahrâhpa to nie awpa ta ei pie aw.

AMÔSÂ 3:6

Khihpi liata chiahmie tô ei sala, Zawpi chi leipa ta ama y aw ma? Abeipa ta a patlôsa leipa ta, Khihpi liata chhiena a vaw tlô aw ma?”

AMÔSÂ 8:7

Abeipa ta Zakaw rônahna reipa ta, Hetana heta bie â taih haw: “Ama hmotaopa maih my beih aw va na.

MATHAI 11:25

Cha daihti liata Zisu ta, “Hy ei Paw, lei nata vâ Beipa, nâ ta he hmozy he chyhsa sopa nata novâhpazy liata nyu chi ta, hawti chyhpazy hnohta na phuahpa vâta ei châ ly ngaita.

HMOTAOPAZY 4:28

Na ku nata nâ chhuahna ta hmo a vaw tlô awpa na rao chhieliepazy tao awpa ta amâ hmaohpakhypa a châ.

EPHESI 1:9

A hmochhuahpa bienyupa cha, â chhuahpa hawh tlai ta Krista liata a vaw patlôsapa kyh miah a pahnosa haw.

HEBRAI 4:3

Keimo, ngiapâ hapazy pi he, cha apahâna liata a ngiapazy cha eima châ. Leilô bô tua no tawhta raizy paloh hapa a châ tarawpa ta, hetana heta a tah: “Hiehâpa ta bie ei taih hapa hawhta, ‘Ei pahâna liata a ngia aw veih.’”

ZAWSUA 11:20

Abeipa ta Mawsi bie a piepa hawhta, Zawsua ta âmo cha zawngiahna hnei leipa ta, tlokhuh pahleipadia ta a pamua khai nawpa ei ta, Abeipa ta ama palôh kuh pachhasa ta, Izarei a padyuhsapa ei.