ISAI 14:2 - Mara Bible RV (BSI)

² Phopizy ta Izarei pathlazy cha a chhipa ta, ama y nawpa su tlôkhei aw ei ta, Izarei pathlazy ta âmo cha seichapawzy nata seichanôzy ta Abeipa râh liata ama hnei aw. Sei ta âmo a vaw patu tyhpazy kha, Izarei pathlazy ta sei ta patu aw ei ta, âmo a vaw tlybai tyhpazy chô liata ryu ama reih aw.

ISAI 14:2 ပူးပေါင်းရင်းမြစ်များ

EZRÂ 2:65

Chazy thota ama seichapaw nata seichanô 7,337 a hlao ei ta, hlasathaipa chanô nata chapaw 200 amâ hlao.

HLAZY 68:18

Hy Zehôvâh Khazohpa, Chô lâ na kia nota, Patupazy cha sei ta a chhi chi ta; Cha liata na pahrâ thei nawpa ta, Chyhsazy tawhta hmopiepazy daopa ta, Dyuhtuhpazy tawhta chhao na daopa kha.

ISAI 18:7

Cha daihti liata, Phopi doh sâhpa nata mitlaohpa, Lâhnia lâhla ta ama chipa phopi, Râh thatlôpa nata pahnietuhpa, Chavahzy ta ama râh a pachhaihpa tawhta, Pheisaihzy Abeipa lâ kuhria vaw cheih aw ei ta, Pheisaihzy Abeipa moh yna su, Zaio Tlâh lâ kuhria ama vaw cheih aw.

ISAI 31:8

“Asuria cha a pao aw, Chyhsapa zaozi ta deikua châ leipa aw ta, Chyhsapa zaozi a châ leipa zaozi ta a palâ aw. Zaozi tawhta a râ aw ta, A satliazy cha raihriatuhpazy ta taopa ama châ aw.

ISAI 45:14

Abeipa ta hetana heta a tah: “Izi hneirôna nata Kusi sôdaohna zy nâ lâ a vy aw ei ta, Sâbia doh seihpazy nâ lâ amâ vy aw; Na eih châ aw ei ta, Nâ ama cha pazi aw. Bâlia chhaota nâ lâ a vy aw ei ta, Na hmiakô liata amâ bôh aw. ‘Khazohpa cha na hnohta y tlai ta, Khazoh hropa y veih ei, Nâ leipa ta Khazohpa hropa rai y veih ei,’ Tah aw ei ta, Ngiachhiena ama châ haw aw.”

ISAI 49:22

Abeipa Zehôvâh ta hetana heta a tah: “Pachâ teh u, râhzy lâta ei ku pazawh aw na ta, Phopizy lâta keima ngiana poh ei chaluah aw. Na sawchapawzy ama kalachhôh liata a pyhpa ta, Nâ lâ a vaw chhi aw ei ta; Na sawchanôzy chhao ama ngiatlâh liata vaw khaihpa ta, Nâ lâ amâ vaw chhi aw.

ISAI 49:23

Beizy cha châ mohôhtuhpa na pawzy châ aw ei ta, Beinôzy chhao sâhpi ta châ chhytuhpa na nôzy ama châ aw. Ama hmia alei lâ a khupa ta, Na hmiakô liata a bôh aw ei ta; Na phei dohlei ama cha paliepa aw. Chatanachata kei he Abeipa ei châ tahpa pahno aw chi ta, Keima nâ hâtuhpazy cha ama hnabeidy aw vei.”

ISAI 49:25

Abeipa ta hetana heta a tah: “Pasaipha seizy chhupa châ aw ei ta, Pahnietuhpa hraona sôhzy la pakhuapa a châ aw. Châ dyuhtuhpazy a dyuh aw ei na ta, Na sawzy ei pachha aw ei.

ISAI 54:3

Chachâh lâ nata chavei lâta hiepatlapa ta y aw chi ta, Na chipathlazy ta râhzy la aw ei ta ama hnei aw; Roryhrapa ta a y hapa khihpizy liata, Chyhsa ama pahrâsa heih aw.

ISAI 60:14

Pasa châ pataosatuhpa sawchapawzy cha, A bôhpa ta nâ lâ a vy aw ei ta; Châ mohnaotuhpa zydua chhao, Na phei thaby liata amâ bôh aw. “Abeipa Khihpi” cha tah aw ei ta, “Izarei Mo Pathaihpa Zaio Khihpi” ama cha tah aw.

ISAI 60:4

Na chheipâh zydua mohmia pasaih la, moh tua, Na chyhsa zydua a hmaoh ei ta nâ lâ amâ vy. Na sawchapawzy lâhlapi tawhta a vy aw ei ta, Na sawchanôzy chhao vaw pi aw ei ta, Ama vaw tlô hra aw.

ISAI 61:5

Hmia pahno leipazy ta nama sahroh zawzy a duapâ aw ei ta, Ama lao ama pabâsa aw; Chihropazy ta nama leizy palie aw ei ta, Nama kre sadôzy ama mohôh aw.

ISAI 66:12

Abeipa ta he hetana heta a tah: “Moh teh u, Zerusale chô liata Chavah hawhta thlalôhna palosa aw na ta; Vahtie kao a khô ngâpa hawhta, A chô liata râh rônahna ei palosa aw. A sâhpiti pazy aw ei chi ta, A chakhai ta cha phaoh aw ei ta, A pakhu liata pasuapalipa ta nama y aw.

ZEREMIAH 30:16

Chavâta châ palâtuhpa zydua cha palâpa châ aw ei ta, Na chariahpa zydua sei ta ama sie aw; Châ hraotuhpazy hraopa châ aw ei ta, Hraona sôh ta châ hmâhtuhpazy chhao, Hraona sôh ta ei tao aw ei.

ZEREMIAH 49:2

Chavâta moh teh u, Amawna mo yna Râbâ khihpi a dyuh awpa ta, Apahôpahâna pyu thei awpa ta Ri tao nawpa nohzy a vaw tlô hai,” Abeipa ta a tah. “Râbâ khihpi cha, Raona apathluna khihpi châ aw ta; A khichapeihzy chhao, Mei ta raopa a châ aw; Ano a photuhpazy cha, Izarei ta a pho aw ei,” Abeipa ta a tah.

EZEKIA 39:10

Adyuhna chhaichhizy cha, mei tho châta ama hmâh awpa vâta, lyurâhpa tho ama phao awpa byuh khao leipa aw ta, râhmâhpa tho thlu awpa byuh khao hra aw vei. Âmo a hraotuhpazy hraona sôh chhu aw ei ta, âmo hmo a parutuhpazy hmo ama parupa aw, Abeipa Zehôvâh ta a tah.

DÂNIAH 7:18

Châhrasala Chônôchaipa mopathaihpazy ta khinarâh cha chhâzaw ta to aw ei ta, chhâzaw nata tlyzaw ta ama hnei aw.’

ZÔELA 3:8

Nama sawchapawzy nata nama sawchanôzy cha Zudâh chyhsazy ku liata zuah aw ei na ta, âmo ta lâhlapi liata a ypa phopi, Sabia mo hnohta ama zua pachhuah aw,” Abeipa ta a tah.

THEIHTHAINA 25:44

Seichapaw nata seichanôzy nama hnei khoh khiahta cha, nama chheipâh râhzy tawhta nama chalei awpa a châ.

ÔBADIA 1:17

“Zaio tlâh liata deikua cha, Pachhapazy ta pahrâ aw ei ta, Su pathaihpa a châ aw; Zakaw pathlazy cha, Ama ryuto râh ama hnei aw.

ZEKARIA 2:13

Chyhsapa zydua saih u, Abeipa cha a pahrâna su pathaihpa tawhta kaw thyu ha ta, chavâta a hmiakô liata sidiapa ta y muh vy.

ZEKARIA 2:9

Pachâ teh u, ama chô liata ei ku hy aw na ta, âmo seizy tlai ta ama hrao aw. Chatanachata Pheisaihzy Abeipa ta eina tuah tahpa nama pahno aw.

LUKA 12:45

Chakaotuhpa ta a palôh liata, ‘Ei zibeipa charâ ta a vy bao aw vei,’ tahpa ta, chakaotuhpa hropazy cha a chanô chapaw ta tu sala, niedopa ta a pari khiahta deikua cha,

RAWMA 15:27

Cha cha a ly kawpa ta ama taopa a châ. Hmeiseih ta la, tao awpa amâ bâhpa rai a châ. Zenitaizy ta thlahpa kyh liata Zuzy amâ hlykhei khiahta cha, khizaw hmozy ta Zuzy ama deichhy hra awpa cha a byuhpa tlai a châ.

2 KAWRINI 10:5

Aeichhiana nata pachâna sâhpa hmâpa ta Khazohpa pahnona pakhâ achhuahnazy parao pi ta, pachâna to rai Krista reingiahna lâta eimâ chhi tyh.

KALATIA 5:13

Unawh saih u, khotalaina hnei awpa ta awpa nama châ. Châhrasala nama khotalaina cha sapa ryhpaohna châta hmâh leipa u la, kyhpachâna ta tlao a chakao raihrie teh u.

EPHESI 4:8

Chavâta, “Chô lâ a khy nota, Seichâna cha sei ta a chhi ta, Chyhsazy hnohta Hmosaipiepazy a pie ei,” tahpa a châ.

BIEPHUAH 3:9

Moh teh, Sâtâ pakhyna o liata chyhsazy, Zu chyhsa hmeiseihpa châ tlôh leipa ta, haipa ta Zu chyhsa â tahpazy cha na phei thaby liata vaw pabôhsa aw ei na ta, kyh ei cha pachâ tahpa ama pahno aw.