ISAI 14:12 - Mara Bible RV (BSI)

¹² “Hy Deiva Awhsi, My khihdei sawchapawpa, Avâ tawhta dia na za tla haw! Hy râhzy a panawhtuhpa, Alei taihta chhawh pathlapa ta dia na y haw!

ISAI 14:12 ပူးပေါင်းရင်းမြစ်များ

ISAI 13:10

Vâ awhsizy ta ama khaihna papua leipa aw ei ta, Awhsi hlaozy ta ama khaihna papua aw veih ei; Noh a vaw chhipa nahta thlai pazohsapa châ aw ta, Thlâpâ chhao a khaihna papua khao aw vei.

ISAI 34:4

Avâ liata a ypa zydua thuzao khai aw ei ta, Avâ khi châbu chatypa hawhta chatypa a châ aw; Kre zôh tawhta kre hna zôpa hawhta, Avâ liata a ypa zydua khi tla aw ei ta; Theiku kô tawhta theiku hna zôpa hawhta, Avâ liata a ypa zydua ama tla aw.

ZEREMIAH 50:23

Khizaw pôhpalôhpa syulô cha, Tlie ta a kei thlâh ha dia! Kheihtazieta ma Babylaw cha, Phopizy hry liata su chichhihpa lâta a pua haw!

ZEREMIAH 51:53

“Babylaw cha avâ daihpa ta, Thokhy sâhpa a tu hra sala, Ei tuapa paraotuhpa ta a siehnao pyly aw,” Abeipa ta a tah.

CHAPHÔHTUNA 2:1

Abeipa ta a pathiiana ta Zaio sawchanô cha meihdo ta a khu ha he zaw! Izarei chhithaina chhao, Avâ tawhta alei lâ a za thy ha hih; A hiehâhna noh liata la, A pheitlyna chhao a thei khao vei.

EZEKIA 26:17

Chaphôh cha tupa aw ei ta, hetana heta ama cha tah aw: “‘Hy Khihpi moh pathâhpa, Tilaipi chyhsazy pahrâna khihpi, Tilaipi chô liata thatlôpa ta a ypa khihpi y, Tyre nata a khihsawzy cha, Râhsawzy ta ama chi thlâ bao na ta, Na raona cha a rarôh y kaw dia!

ÔBADIA 1:4

“Pahmôhpi hawhta â sâh pi ta a zawpa ta, Awhsizy hry liata na bu tu hra la, Cha tawhna chata ei châ daophi pathlah aw,” Abeipa ta a tah.

LUKA 10:18

Zisu ta ama hnohta, “Dôhla pathliepa hawhta Sâtâ avâ tawhta a za tlapa ei hmô.

2 PITY 1:19

Hrohsona bie a i via pachaipa hnei pi ta, khih vaw deih ta deiva awhsi nama palôh liata a vaw pua hlâlei zohna liata meiôh a khaih chypa hawhta, cha hrohsona biezy cha nama pachâ khiahta cha, nama châta a pha aw.

2 PITY 2:4

Vâlyuhchâpazy moleina hmo ama tao nona kha, Khazohpa ta âmo cha pahlôh leipa ta, hriena su liata thy ta, pachiana daihti a tlô hlâlei khaohtlô zohpa liata a khô chy ei.

BIEPHUAH 2:28

Deiva awhsi cha ano ei pie aw.

BIEPHUAH 22:16

“Kei, Zisu ta, he biezy he Awnanopazy pahnosa awpa ta ei vâlyuhchâpa nâmo lâ ei vaw tuah. Dâvi thari nata a pathla, deiva awhsi khaih ngaitapa ei châ,” tah ta.

BIEPHUAH 8:10

Vâlyuhchâpa pathôhna ta a chiahmie vaw tô ta, meirei hawhta a iapa awhsi laipa avâ tawhta za tla ta, chavahzy su thôh su kha nata tihnawhzy vi ta.

BIEPHUAH 9:1

Chatawhcha vâlyuhchâpa papangawhna ta a chiahmie vaw tô ta, awhsi avâ tawhta alei lâ a tlapa hmô na ta, leichiepa khaohtlô pahyna châhbi a hnohta piepa châ ta.