ISAI 14:1 - Mara Bible RV (BSI)

¹ Abeipa ta Zakaw ngiachhiepa ta, Izarei a tlyh heih aw ta, ama râh tlai liata a paysa heih aw ei. Chihropazy ta âmo cha a bai aw ei ta, Zakaw pathlazy cha amâ pazao aw.

ISAI 14:1 ပူးပေါင်းရင်းမြစ်များ

ESTHERI 8:17

Abei biepiepa nata abei châpapuapa tlôna râh to nata khihpi to liata Zuzy cha thaphana nata alyna ta ama bie. Kyhchhizy taopa ta, apahâna nohzy phuah ei ta. Cha râh liata a ypa phopizy hry tawhta chyhsa hluhpi cha, Zuzy china ta a tla thlupa vâ ei ta, Zu chyhsa lâta amâ palie hôlô.

HLAZY 102:13

Thyu aw chi ta, Zaio cha zawh nâ ngiah aw; He he Zaio khokheina daihti châ ta, Daihti raopa a vaw tlô haw.

HLAZY 102:14

Châ chakaotuhpazy ta Zaio lôzy pasô ei ta, A dohlei chhao ama ngiachhie ngaita.

HLAZY 143:12

Ei chô liata na kyhpachâna tleih beih leipa vâta, Ei chariahpazy chhawh pathlah khai la; Ei khakhaipa zydua pahleipadia khai mah y; Châ chakaotuhpa ei châ hih!

HLAZY 98:3

A kyhpachâna tleih beih leipa nata a ngâchhihna cha, Izarei phopi châta a thei thlâh ha ta; Eima Khazohpa pachhana cha, Khizaw kaokih zydua ta ama hmô haw.

ISAI 19:18

Cha noh liata, Kâna reih cheih ta, Pheisaihzy Abeipa pazi awpa ta bie â taih hapa khihpi miapangawh Izi râh liata y aw ta, chazy hry liata khihpi miakha cha Raona Khihpi bipa a châ aw.

ISAI 21:1

He he tilaipi kiah râhchawhpa kyh chhochhieliena bie a châ: Khisô ta Neke a chanaohpa hawhta, Chariahpa cha râhchawhpa tawhta a vy ta, Râh chichhihpa tawhta â vy.

ISAI 27:6

Noh a vaw tlô awpazy liata, Zakaw cha thari thla aw ta, Izarei cha a chhyh thaopa ta a paw pawh aw ta, Khizaw zydua he a thei ta a pabie aw.

ISAI 41:8

Nâ deikua cha, Hy Izarei, Nâ chakaotuhpa na châ; Hy Zakaw, ei tlyhpa châ chi ta, Ei viasapa Abarahâ chipathla na châ.

ISAI 41:9

Alei chhâna tawhta cha la na ta, Alei ki chhâna tawhta ei cha aw; Na hnohta, “Nâ chakaotuhpa châ chi ta, Châ tlyh ha na ta, Cha thy pathlah aw va na,” Ei tahpa na châ.

ISAI 44:1

“Tahmâ deikua cha, Hy nâ chakaotuhpa Zakaw y, nathlie la, Ei tlyhpa Izarei y, thei mah y!

ISAI 45:14

Abeipa ta hetana heta a tah: “Izi hneirôna nata Kusi sôdaohna zy nâ lâ a vy aw ei ta, Sâbia doh seihpazy nâ lâ amâ vy aw; Na eih châ aw ei ta, Nâ ama cha pazi aw. Bâlia chhaota nâ lâ a vy aw ei ta, Na hmiakô liata amâ bôh aw. ‘Khazohpa cha na hnohta y tlai ta, Khazoh hropa y veih ei, Nâ leipa ta Khazohpa hropa rai y veih ei,’ Tah aw ei ta, Ngiachhiena ama châ haw aw.”

ISAI 47:1

Hy Babylaw zuah kônô y, Za chô la dohlei liata a zâ tyuh teh; Hy Kaldia zuahnô y, Beidyuchhai leipa ta alei liata a tyuh teh! Nônai nôtlyhnô cha tah khao aw veih ei.

ISAI 49:10

Ama nodi leipa aw ta, Ama dâh phi aw vei; Thlih lalôhpa ta âmo cha pathli thlu leipa aw ta, Noh lopa ta âmo vawh aw vei. Âmo ngiachhietuhpa ta chhihtha aw ei ta, Tihnawh kiapâh liata â chhi laih aw ei.

ISAI 49:13

Hy avâzy saih u, thaphapa ta hla sa u la, Hy leilô y, a lypa ta y mah y. Hy tlâhpizy saih u, Lyna hla paryh teh u! Abeipa ta a phopi thlah palôh ha ta, A chyhsa pasa a taopazy a ngiachhie aw ei.

ISAI 49:15

“Chanô ta a saw sâhpi a ngiehpa a my thei aw ma? A chhi tawhta a puapa ngiachhie leipa ta a y aw ma? Chanôzy ta la ama sawzy ama my ngyu na, Kei deikua ta la cha my aw va na.

ISAI 49:25

Abeipa ta hetana heta a tah: “Pasaipha seizy chhupa châ aw ei ta, Pahnietuhpa hraona sôhzy la pakhuapa a châ aw. Châ dyuhtuhpazy a dyuh aw ei na ta, Na sawzy ei pachha aw ei.

ISAI 49:7

Mohnao ngaitapa nata Babylaw râh ta a pasi kawpa, Ryureituhpazy chakaotuhpa Izarei phopi hnohta, Abeipa, Izarei Chatlaituhpa ta hetana heta tah ta, Izarei Mo Pathaihpa ta hetana heta a tah: “Abeipa ngâchhihpa vâta, Châ tlyhtuhpa Izarei Mo Pathaihpa vâta, Beizy ta a cha hmô ti ei ta a duah aw ei ta, Beimachâzy na hmiakô liata amâ bôh aw.”

ISAI 54:3

Chachâh lâ nata chavei lâta hiepatlapa ta y aw chi ta, Na chipathlazy ta râhzy la aw ei ta ama hnei aw; Roryhrapa ta a y hapa khihpizy liata, Chyhsa ama pahrâsa heih aw.

ISAI 55:7

Moleipa ta a hrozie siesai sala, Sialeipa ta a pachânazy pathleih sala, Abeipa lâ kua heih mawh sy, Abeipa ta a vaw ngiachhie aw; Eima Khazohpa lâ kua heih mawh sy, Khazohpa ta tlokhuh â ngiahthai aw.

ISAI 56:3

Abeipa a pazaopa chihropa ta, “Abeipa ta a phopi nata eina panano thlyu aw,” Tah leipa sala; Hrilyupa ta, “Moh teh u, tho raohpa ei châ hih,” Tah khah sy.

ISAI 60:10

Chihropazy ta na thokhyzy paduapathi aw ei ta, Ama beizy ta ama cha chakao aw. Ei hiehâhpa ta cha tu ei na ta, Châhrasala ei khokheina ta ei cha ngiachhie heih ei.

ISAI 60:14

Pasa châ pataosatuhpa sawchapawzy cha, A bôhpa ta nâ lâ a vy aw ei ta; Châ mohnaotuhpa zydua chhao, Na phei thaby liata amâ bôh aw. “Abeipa Khihpi” cha tah aw ei ta, “Izarei Mo Pathaihpa Zaio Khihpi” ama cha tah aw.

ISAI 66:20

Nama unawhpa zydua cha, Abeipa lâta hmohlâpa châta râh to tawhta a vaw chhi aw ei ta, arâzy, talailihzy, asynazy, sabaituzy, râraoseihpazy kiapa ta ei tlâh pathaihpa Zerusale lâ amâ vaw chhi aw,” Abeipa ta a tah. “Izarei sawzy ta hmobaoh pathaihpa ta Abeipa o lâ niepa hlâna ama vaw cheipa hawhta, nama unawhzy cha Abeipa lâta hmohlâpa châta amâ vaw chhi aw.

ZEREMIAH 16:15

Izarei sawzy cha âmo pathlatuhpazy hnohta ei piepa âmo râh lâ ei chhi pakhua heih awpa vâ ei ta, ‘Izarei sawzy Maw lâ râh tawhta nata âmo a chadai paina râh zydua tawhta a vaw chhi papuatuhpa Abeipa hrona reipa ta ei reih,’ ama tah tyh bâ aw.

ZEREMIAH 29:14

Eina hmô aw ei chi,” Abeipa ta a tah. “Vânoh cha patosa heih aw ei na ta, ei cha pasiesana phopi to nata su to tawhta cha pakhy aw ei na ta, sei ta ei cha patusana su lâ tlai kha ei châ chhi pakhua heih aw ei, Abeipa ta a tah.

ZEREMIAH 30:8

“Chatawhcha hetana heta a vaw châ aw. Cha noh liata ama raopaky thlie pachhô aw na ta, ama rao tawhta ei pahluh aw. Ama bâliazy chhao chhie aw na ta, chihropazy ta sei ta tao khao aw veih ei.

ZEREMIAH 31:4

Hy Izarei laihsa kôpa! Cha padua pathi heih aw na ta, Â ipa ta paduapa na châ aw. Khohzy ta a tobi heih aw chi ta, Thaphana noh lâna suzy liata nâ hlao aw.

ZEREMIAH 50:33

“Pheisaihzy Abeipa ta hetana heta a tah: Izarei sawzy tlybaipa ta y ei ta, Zudâh sawzy chhao âmo hnohta tlybaipa ama châ. Sei ta âmo a chhituhpa zydua ta Khâchâ patu ha ei ta, Pathlie khoh veih ei.

ZEREMIAH 51:51

‘Chi hropazy vaw tlô ei ta, Abeipa o su pathaihpazy liata amâ ngiapa vâta, Reipachhiena biezy eima thei; Nozapa ta y pi ta, Nohzaona ta eima hmia a khu haw.’

EZEKIA 16:60

Chatahrasala na thyutlia daihti liata na hnohta biehrai ei taopa kha a thei aw na ta, na hnohta chhâzaw biehrai ei tao aw.

EZEKIA 47:22

Râh cha Izarei sawzy ta nama ryuto râh ta a rai aw ei chi ta, nama hry liata chihropa a pahrâpa, nama hry liata saw a hnei hapazy chhao nama rai hra aw. Âmo cha Izarei saw ta a pihpa hawhta châ aw ei ta, Izarei chizy hry liata, nâmo hawhta ryuto râh ama hnei hra awpa a châ.

ZEKARIA 1:17

‘Kei awh via heih teh, Pheisaihzy Abeipa ta hetana heta a tah: Ei khihpizy cha sivâphana ta khô pathlah heih aw ta, Abeipa ta Zaio cha thlah palôh heih aw ta, Zerusale â tlyh heih aw.’”

MALAKHAI 1:11

“Noh chhina tawhta noh tlana taihta phopizy hry liata ei moh palyupalihpa ta y aw ta, su to liata ropahâhpa nata hmohlâpa pathaihpazy ei moh ta ama hlâ tyh aw. Phopizy hry liata ei moh palyupalihpa ta a y aw,” Pheisaihzy Abeipa ta a tah.

LUKA 1:54

A zawngiahna atheithlâhna châta, A chakaotuhpa Izarei cha bao ta,

LUKA 2:32

Zenitaizy hnohta aluahna châta khaihna châ aw ta, Na phopi Izarei rônahna a châ aw,” tahpa ta Khazohpa reithai ta.