ISAI 13:9 - Mara Bible RV (BSI)

⁹ “Moh teh u, Abeipa noh a vaw tlô hai, Ngiachhiena a hnei leipa noh châ ta, Pathiiana nata hiehâhna ru ngaitapa noh a châ. Râh cha roryhrapa ta paysa aw ta, A chhôh liata moleipazy a pahleipadia khai aw ei.

ISAI 13:9 ပူးပေါင်းရင်းမြစ်များ

HLAZY 104:35

Moleipazy cha alei tawhta pahleipadiapa châ ei sala, Hmoparaopazy cha y khao khah ei sy! Hy ei thlahpa, Abeipa cha reithai mah y! Abeipa cha reithai teh u!

BIESOZY 2:22

Hmoparaopazy deikua cha râh tawhta chhawh pathlahpa châ aw ei ta, Piehpiepazy cha râh tawhta phiapa ama châ aw.

ISAI 13:6

“A rôh teh u, Abeipa noh a hnia ha ta, Atotaotheipa ta a pahleipadia nawpa noh â hnia haw.

ISAI 2:12

A palaipa nata a khotlâhpa nata a pasâhsapa zy cha, Ama chô liata chhiena a patlôsa nawpa noh Pheisaihzy Abeipa ta hnei ta, Panawhpa ama châ aw.

ISAI 34:8

Abeipa ta phuh lana noh hnei ta, Zaio kyh liata viarithôna kô a hnei.

ISAI 63:4

Viarithôna noh ei palôh liata y ta, Ei chatlaina kô a vaw tlô haw.

ISAI 66:17

“Sadôzy liata a ngia awpa ta âmosasyh ta a hlâpa ta a pathaisa ei ta, vao sa nata pazu sa nata hmo pathaih leipa a niepazy hry liatapa a pazituhpazy cha, ama pazipa chyhsa nata â raohpa ta ama chhâ khoh aw,” Abeipa ta a tah.

ISAI 9:19

Pheisaihzy Abeipa hiehâhna vâta, Râh cha kâ khai aw ta; Izarei phopi cha, Mei liata ti awpa thothu hawhta ama châ aw; A pachâ tlâ khao aw veih ei.

EZEKIA 13:5

Abeipa noh adyuhna liata Izarei pathlazy amâ dua thei nawpa ta, thokhy pyuna suzy liata vaih leipa ei chi ta, thokhy a rao hapa taopathi hra veih ei chi.

EZEKIA 30:3

Noh a hnia ha tlôh ta, Abeipa noh â hnia haw; Meihdo zohna noh châ aw ta, Phopizy châta raona noh a châ aw.

ZÔELA 1:15

Abeipa Noh a hnia ha ta, Atotaotheipa tawhta chhiena a vaw tlô; Cha noh cha a rarôh y ngaita kaw dia!

ZÔELA 2:1

Zaio liata chiahmie tô u la, Ei tlâh pathaihpa liata Zikyurâna dawh paro teh u. Râhsaw zydua a chalyu mawh ei sy; Abeipa noh cha vaw tlô hai ta, Cha noh cha â hnia haw.

ZÔELA 2:31

Abeipa noh rônahpa nata rarôh ypa a vaw tlô hlâta, Noh cha zohna lâta a lie aw ta, Thlâpâ chhao thisaih lâta â lie aw.

NÂHU 1:2

Abeipa cha hiatlia a pasapa Khazohpa châ ta, Phuh a lapa Khazohpa a châ; Abeipa cha phuh lana nata pathiiana ta a biepa châ ta, Abeipa cha a khakhaipazy chô liata phuh la ta, A chariahpazy châta pathiiana a pachôtuhpa a châ.

NÂHU 1:6

A ruchhôna ahy ma a dao thei aw? A hiehâhna rupa ahy ma a tao thei aw? A pathiiana cha mei hawhta patlaipa châ ta, Lôpanôzy a patlaw khai haw.

NÂHU 1:8

Châhrasala tisaih patlôsa aw ta, A khakhaipazy a pahleipadia khai aw; A chariahpazy chhao, Zohna lâ a chadaipai khai aw ei.

ZEPHANIA 1:15

Cha noh cha hiehâhna noh châ aw ta, Nôpona nata pachârôhna noh a châ aw; Raona nata roryhrana noh châ aw ta, Zohna nata thohna noh a châ aw; Meihdo achhohna noh châ aw ta, Zoh kaluhna noh a châ aw.

ZEKARIA 14:1

Moh teh u, ama cha hraona hmozy nama hry liata amâ rai nawpa daihti Abeipa noh cha a vaw tlô hai.

MALAKHAI 4:1

“Moh teh u, noh cha a vaw tlô hai; patina mei hawhta a kâ aw. Apalaipazy nata moleina a taopazy cha sawphao châ aw ei ta, cha noh a vaw tlô haipa chata kâ aw ei ta, buchâh lâta a palie ha aw ei; a thari nata a chiah miakha dâhdei chhao pahlôhpa châ aw vei,” Pheisaihzy Abeipa ta a tah.

BIEPHUAH 18:8

Chavâta noh kha chhôh tlai ta, Potlanazy ta a vaw tlô thlu aw; Thina nata mâchhiesana chakâhna vaw tlô thlu aw ta, Mei ta pakâ khaipa a châ aw; Ano a pachiatuhpa Abeipa cha, Khazohpa thatlôpa châ tlôh ta,” tah ta.