ISAI 13:6 - Mara Bible RV (BSI)

⁶ “A rôh teh u, Abeipa noh a hnia ha ta, Atotaotheipa ta a pahleipadia nawpa noh â hnia haw.

ISAI 13:6 ပူးပေါင်းရင်းမြစ်များ

ZAWBÂ 31:23

Khazohpa tawhta chhiena a vaw tlôpa vâta chipa ta y na ta, A rônahna vâta cha hawhpa hmozy cha tao ngâh va na.

ISAI 10:25

Bohpi leipa liata ei pathiiana pai aw ta, ei hiehâhna cha âmo pahleipadiana lâ â heih bâ aw.

ISAI 10:3

Lâhlapi tawhta chhiena vaw tlôna noh, Hriena noh liata khâpa ma nama tao aw? Baona hia awpa ta ahy lâ namâ râ aw? Khataih liata ma nama sôh nata thih nama siesai aw?

ISAI 13:9

“Moh teh u, Abeipa noh a vaw tlô hai, Ngiachhiena a hnei leipa noh châ ta, Pathiiana nata hiehâhna ru ngaitapa noh a châ. Râh cha roryhrapa ta paysa aw ta, A chhôh liata moleipazy a pahleipadia khai aw ei.

ISAI 14:23

“Babylaw cha sawku pahrâna ta tao aw na ta, Chiatlao lâta palie aw na ta, Paraona ophi ta ei phi pathlah ha aw,” Pheisaihzy Abeipa ta a tah.

ISAI 14:31

Hy thokhy chhikao y, thata cha la, Hy khihpi y, awh teh; Hy Philistinâ râh zydua saih u, Nama zydua ta chipa ta zao khai teh u! Maw lâ tawhta meikhuh za pua ta, A pheisaih hry liata hnôh a khawpa rai y veih ei.

ISAI 2:12

A palaipa nata a khotlâhpa nata a pasâhsapa zy cha, Ama chô liata chhiena a patlôsa nawpa noh Pheisaihzy Abeipa ta hnei ta, Panawhpa ama châ aw.

ISAI 23:1

He he Tyre kyh chhochhieliena bie a châ: Hy Tâsi balyhzy saih u, Thata cha teh u; Tyre cha paraopa châ ha ta, Olyu nata balyh apahâna zy chhao y khao vei. Cha cha Kiti râh tawhta ama vaw siena lâta Ama hnohta palâsapa a châ.

ISAI 34:2

Abeipa cha râh zydua chô liata a ru thata chhô ta, Ama pheisaih zydua chô liata a hie a hâh ngaita; Chavâta âmo cha, Tlokhuh pahleipadia awpa ta hlâ ha ta, Thie awpa ta a hlâ ha ei.

ISAI 34:8

Abeipa ta phuh lana noh hnei ta, Zaio kyh liata viarithôna kô a hnei.

ISAI 47:11

Châhrasala na chô liata hmo pha leipa vaw tlô aw ta, Pachaona hmâpa ta papai nawpazie pahno aw va chi; Chhiena cha tla thlu aw ta, A chatlai thei aw va chi; Eikhapi ta raona cha vaw tlô thlu aw ta, Pahno chhielie aw va chi.

ISAI 52:5

Chavâta tahmâ Babylaw liana he khâpa ei hnei khao tly?” Abeipa ta a tah. “Ei phopi cha a ty leipa ta siekheipa châ ei ta, Ama chô liata ryureituhpazy ta amâ hrâhhnao tyh,” Abeipa ta a tah. “Noh y ta ei moh reipachhie ei ta, Â zaopa ta ei moh ama reipachhie.

ISAI 61:2

Abeipa palôhtlâhna kô phuah awpa ta na tuah ta, Eima Kha­zohpa phuh lana noh phuahpa ta, Mâchhie a sapa zydua thlapalôh awpa ta eina tuah.

ISAI 63:4

Viarithôna noh ei palôh liata y ta, Ei chatlaina kô a vaw tlô haw.

ISAI 65:14

Nâ chakaotuhpazy cha palôh tlâhna hla sa aw ei ta, Nâmo deikua cha palôh pasapa ta cha aw ei chi ta, Thlahpa rietheipa ta namâ hrô aw.

ZEREMIAH 25:34

“Nâmo, mietaku vaituhpazy saih u, Sâh u la, cha teh u; Nâmo, mietaku zaw zibeipazy saih u, Buchâh liata a hluah teh u; Thiepa ta nama y nawpa nohzy vaw tlô ha ta, Nama paipatla nawpa nohzy a vaw tlô haw; Hmobaoh sôhpa hawhta nama pao aw.

ZEREMIAH 49:3

“Hy Hesbaw, sâh teh, Ai khihpi paraopa ta a y ha hih! Râbâ sawchanôzy saih u, cha teh u! Mikô cha seichâna lâ a sie aw, A theihthaipazy nata a beimachâzy chhaota. Chavâta latho poh a bupa ta chaphôh tu u la, Thokhyzy chhôh liata a râhreih teh u!

ZEREMIAH 51:8

Babylaw cha eikhapi ta pao ta, A keichheih haw; Chakhei u la, A hmah liata thohna hniapa teh u, A tlâh thei ngyu aw.

EZEKIA 13:5

Abeipa noh adyuhna liata Izarei pathlazy amâ dua thei nawpa ta, thokhy pyuna suzy liata vaih leipa ei chi ta, thokhy a rao hapa taopathi hra veih ei chi.

EZEKIA 21:12

Cha hmo cha ei phopi chô liata a tlô awpa a châpa vâta, Hy chyhsa sawchapawpa y, awh la, thata sâh mah y. Izarei beimachâzy chô liata chhao tlô aw ta, ei phopi chhaota hmaohkha ta zaozi liata hlâpa ama châ aw. Chavâta na chakhai a chabaih teh.

DÂNIAH 5:26

He he a chhopasiana a châ: MENE, Khazohpa ta na khinarâh nohzy reipati ha ta, a chhâna a patlôsa haw.

DÂNIAH 5:9

Chavâta Bei Belsâza cha a pachârôh ngaita ta, a hmia hlâh khai ha ta, a beimachâzy chhao ama nôpo ngaita ta.

ZÔELA 1:11

Hy lyutaopazy saih u, Nozapa ta y u la; Kre sadô mohôhtuhpazy saih u, A hrô teh u; Âtâ nata bâli sâhzy y khao leipa ta, Lyu kôvei a lei khai ha hih.

ZÔELA 1:13

Nâmo, theihthaipazy saih u, Latho poh a bupa ta chaphôh tu u la, Nâmo, maisâh chakaotuhpazy saih u, A hrô teh u. Hy ei Khazohpa chakaotuhpazy saih u, A vy u la, latho poh a bupa ta Azozâkhihdei a zia teh u! Niepa hlâna nata dopa hlânazy Nama Khazohpa o liata pachhâsapa a châ ha hih.

ZÔELA 1:15

Abeipa Noh a hnia ha ta, Atotaotheipa tawhta chhiena a vaw tlô; Cha noh cha a rarôh y ngaita kaw dia!

ZÔELA 1:5

Nâmo, a paripazy saih u, Thyu u la, cha teh u; Kresawhti a dohpazy saih u, Kresawhti thlôhpa vâpa ta a hrô teh u; Nama pakah tawhta la hapa a châ hih.

ZÔELA 2:1

Zaio liata chiahmie tô u la, Ei tlâh pathaihpa liata Zikyurâna dawh paro teh u. Râhsaw zydua a chalyu mawh ei sy; Abeipa noh cha vaw tlô hai ta, Cha noh cha â hnia haw.

ZÔELA 2:11

Abeipa cha a pheisaihzy hmiakô liata ao papua ta, A riehmo a lai ngaita; Ano cha hmotaotheipa châ ta, A bie a patlôpa a châ. Abeipa noh cha rônah ta, A rarôh y ngaita; Cha noh cha ahy ma a tao thei aw?

ZÔELA 2:31

Abeipa noh rônahpa nata rarôh ypa a vaw tlô hlâta, Noh cha zohna lâta a lie aw ta, Thlâpâ chhao thisaih lâta â lie aw.

AMÔSÂ 5:18

Nâmo, Abeipa noh a vâpazy saih u, Nama hu a po na! Khâpa châta ma Abeipa noh cha nama vâ tly? Cha noh cha khaihna châ leipa ta, Zohna mah tlao a châ tâh.

ZEPHANIA 1:14

Abeipa noh rônahpa cha â hnia haw, A hnia ha ta, a vaw tlô daihmâ. Abeipa noh pyu rarôh yzie awpa cha, Pasaipha hmahta thata a sâh aw.

ZEPHANIA 1:7

Zehôvâh Khazohpa hmiakô liata a chalih teh u, Abeipa noh â hnia haw; Abeipa ta atheihna a chhuanoh ha ta, A hruapazy a pathaisa haw.

ZEKARIA 14:1

Moh teh u, ama cha hraona hmozy nama hry liata amâ rai nawpa daihti Abeipa noh cha a vaw tlô hai.

MALAKHAI 4:5

Moh teh u, Abeipa noh rônahpa nata rarôh y ngaitapa a vaw tlô hlâta hrohsopa Elaizâh ei cha za tuapa tua aw ei.

ZÂMIE 5:1

Nâmo, hneirôhpa saih u, a vy u la, nama chô liata rietheina vaw tlô haipazy vâta cha u la, thata sâh teh u.

BIEPHUAH 18:10

A pasataona chipa ta, lâhlapi ta a duah aw ei ta, hetana heta ama tah aw: “Cha rimâ cha! Cha rimâ cha! Nâ, khihpi rônahpa, Nâ, khihpi thatlôpa, Hy Babylaw khihpi! Dawh kha chhôh ta, Na rao khai ha he zaw.”