ISAI 13:21 - Mara Bible RV (BSI)

²¹ Râhsazy ta cha liata tlao a byu aw ei ta, Ama ozy cha vakuzy ta a bie aw. Cha liata pavawpizy pahrâ aw ei ta, Sathawhzy châki ama zoh aw.

ISAI 13:21 ပူးပေါင်းရင်းမြစ်များ

ISAI 14:23

“Babylaw cha sawku pahrâna ta tao aw na ta, Chiatlao lâta palie aw na ta, Paraona ophi ta ei phi pathlah ha aw,” Pheisaihzy Abeipa ta a tah.

ISAI 23:13

Moh tua u, Kaldia mo râh hih! Phopi a lei hapa râh châ ta, Asuria ta râhsazy pahrâ nawpa ta a tao haw. Khihpi dôhna o sâhpazy padua thlupa ta, thokhyzy parao ei ta, khih rypa ta ama tao haw.

ISAI 25:2

Khihpi cha alô pathluna ta tao chi ta, Thokhy khihpi cha khih rypa ta na tao haw; Chihropazy thokhy khihpi chhao, Khihpi châ khao leipa ta, Khatita hmah paduapathipa châ khao aw vei.

ISAI 32:14

Abei o cha siesaipa châ aw ta, Chyhsa hluhpi pahrâna khihpi chhao puasaipa a châ aw. Tlâhthlôh nata riahvaina o sâhpa zy chhao, Lôpuzy lâta chhâzaw ta amâ lie aw. Lyurâhpa alâzy alyna châ aw ei ta, Mietakuzy tlaihna ama châ aw.

ZEREMIAH 50:39

“Chavâta Babylaw râh cha, Sahrâhpa nata changiezy pahrâna châ aw ta, Pavawpizy pahrâna a châ aw. A chhôh liata chyhsa pahrâ beih khao leipa aw ei ta, Chhâ zydua ta a pahrâpa y khao aw veih ei.

THEIHTHAINA 11:16

vawpô, valâtla, nârâ seihhaohpa, pahmôh chyhpa chi to,

MIKÂ 1:8

Cha vâna chata chapa ta ei rôh aw; Chysia pahluh aw na ta, Thluahruapa ta ei y aw; Changie hawhta chaphôhtu aw na ta, Pavawpi hawhta mâchhie ei sa aw.

ZEPHANIA 2:14

Sahroh zawzy a chhôh liata a byu aw ei ta, Râhsa tozy ta amâ byu aw. A otôh lakizy liata vaku nata raawhzy a rie aw ei ta, Ama sâpa pyu ta ochhizy a khaipahlie aw; Chhikao thabyzy cha o keina ta bie aw ta, Sidy thozy â thyvawh hôlô aw.

BIEPHUAH 18:2

Vâlyuhchâpa chata ao thatlô ngaitapa ta, “A pao haw, Babylaw rônahpa a pao haw! Ahripazy pahrâna, Thlahpa puapa to ahrâhna, Pavaw puapa to pahrâna, Hmo puapa nata pasichhihpa to atohna Khihpi lâta â lie haw.