ISAI 13:20 - Mara Bible RV (BSI)

²⁰ Khati ta hmahta, Cha liata chyhsa pahrâ khao leipa aw ei ta; Chhâ zydua ta, A chhôh liata chyhsa y khao aw veih ei. Arabia chyhsazy ta, Cha liata ama poh o parai khao leipa aw ei ta; Mietaku vaituhpa ta, Cha liata ama mietaku zawzy pabyusa khao aw veih ei.

ISAI 13:20 ပူးပေါင်းရင်းမြစ်များ

2 THÂTIHZYRONA 17:11

Philistinâ mo thokhazy ta Zehôsaphâ cha kuhria nata râhpaw châta tâkâ zy vaw pie ei ta. Arabia mo chhao ta mietaku tôhpa 7,700 nata mie 7,700 ama vaw phaopa hra.

ZAWBÂ 3:7

Moh teh u, cha zâ cha zâ chohpa châ sala, Thaphana pyu rai theipa châ khah sy.

HLAZY HLA 1:7

Nâ ei palôh ta a khopaw y, na chho teh, Khataih liata ma na mietaku zaw pasa chi ta, Khataih liata ma nohchhô ta na pabyusa tyh ei? Khazia ma pohluh a khupa chanô hawhta, Na viasazy mietaku zaw kiah liata ei y aw?

ISAI 14:23

“Babylaw cha sawku pahrâna ta tao aw na ta, Chiatlao lâta palie aw na ta, Paraona ophi ta ei phi pathlah ha aw,” Pheisaihzy Abeipa ta a tah.

ISAI 21:1

He he tilaipi kiah râhchawhpa kyh chhochhieliena bie a châ: Khisô ta Neke a chanaohpa hawhta, Chariahpa cha râhchawhpa tawhta a vy ta, Râh chichhihpa tawhta â vy.

ISAI 25:2

Khihpi cha alô pathluna ta tao chi ta, Thokhy khihpi cha khih rypa ta na tao haw; Chihropazy thokhy khihpi chhao, Khihpi châ khao leipa ta, Khatita hmah paduapathipa châ khao aw vei.

ISAI 34:17

Âmo châta nuby a dao ha ta, A ku ta chaori thlie ta, Ama tovyuh râh a pie chyu ei; Chhâzaw ta hnei aw ei ta, Chhâ zydua ta cha liata ama pahrâ aw.

ZEREMIAH 49:33

“Hâzaw cha changiezy tlaihna su châ aw ta, Chhâzaw ta roryhrapa ta a y aw; Cha liata chyhsa pahrâ khao leipa aw ei ta, Cha lâ a paihpa y khao aw veih ei,” Abeipa ta a tah.

ZEREMIAH 50:13

Abeipa hiehâhna vâta râh cha, Pahrâpa châ khao leipa aw ta; Tlokhuh roryhrapa ta y aw ta, Babylaw a chapiapa maihta rarôh y ama tah aw; A hmah zydua vâta Ama hmao ama tô chie aw.

ZEREMIAH 50:21

“Merâthai râh siehnao u la, Pekô mo siehnao teh u. Âmo cha thiepa ta tlokhuh pahleipadia u la, Bie ei cha piepa zydua ei kha tao khai teh u,” Abeipa ta a tah.

ZEREMIAH 50:3

“Maw lâta phopi ta za siehnao aw ta, A râh roryhrapa ta a tao aw; Chyhsapa nata râhsa zydua a râ khai aw ei ta, Râh liata a pahrâpa y khao aw veih ei.

ZEREMIAH 50:39

“Chavâta Babylaw râh cha, Sahrâhpa nata changiezy pahrâna châ aw ta, Pavawpizy pahrâna a châ aw. A chhôh liata chyhsa pahrâ beih khao leipa aw ei ta, Chhâ zydua ta a pahrâpa y khao aw veih ei.

ZEREMIAH 50:45

Chavâta Babylaw chô liata Abeipa ta tao â chhuahpa he nathlie u la, Kaldia râh chô liata tao â chhuahpazy he nathlie teh u: Ama sahroh zaw tawzy a daophipa châ aw ei ta, ama hmo a tyhpa cha ama tlaihna sibiepa suzy taihta rarôh y ama tah aw.

ZEREMIAH 51:25

“Hy khizaw zydua a paraotuhpa tlâhpi, Moh teh, ei châ dyuh hih; Na chô liata ei ku hypa ta, Lôkâh sâhpa tawhta cha pahluah aw na ta, Tlâh kâupa ta ei cha tao aw” Abeipa ta a tah.

ZEREMIAH 51:29

“Babylaw râh cha roryhrapa ta taopa ta, Chyhsa pahrâ leina râh ta tao awpa ta, Abeipa hmochhuahpa cha a vaw tlô hapa vâta, Babylaw râh cha pasataopa ta â chalyu.

ZEREMIAH 51:37

Babylaw cha raona apathlupa châ aw ta, Changiezy tlaihna a châ aw; Su chichhihpa nata hmaotô chiepa châ aw ta, Chyhsa pahrâ leina khihpi a châ aw.

ZEREMIAH 51:43

A khihpizy roryhra khai ha ta, Râh raohpa nata râhchawhpa lâta amâ lie haw; Chyhsa pahrâ leina râh châ ha ta, Chyhsa saw chapia leipa râh lâta â lie haw.