ISAI 13:19 - Mara Bible RV (BSI)

¹⁹ “Khazohpa ta a parao ti ei ta cha, Khinarâhzy lôsôhpa Babylaw cha, Sawdawmâ nata Kawmawrâ hawh ta châ aw ta; Kaldia mo rônahna nata apalaina chhao, Sawdawmâ nata Kawmawrâ hawhta a châ aw.

ISAI 13:19 ပူးပေါင်းရင်းမြစ်များ

ÂTHAONA 19:24

Abeipa ta Sawdawmâ nata Kawmawrâ chô liata vârâh tawhta mei nata kaih pasuasa ta. Vârâh liata a ypa Abeipa tawh tlai ta a zâ suahpa a châ.

ÂTHAONA 19:25

Cha khihpizy nata bypi zydua pahleipadia khai ta, khihpi liata a pahrâpa zydua nata chhaohlei liata a pyuhpazy chhao a pahleipadia khai haw.

ISAI 13:1

He bie he Amôza sawchapawpa Isai ta Babylaw kyh liata aluahna a hmôpa a châ.

ISAI 21:9

Pachâ teh, arâ a kiahpazy a vy ei ta, Arâ pheisaihzy a bao bao ta amâ vy,” tah ta. Riahvaituhpa lilaw chata, “A pao haw, Babylaw cha a pao haw, A khazoh nothlahpa zydua cha, Alei liata a taichheih khai haw,” Tahpa ta a chhy ta.

ISAI 47:5

Hy Kaldia zuahnô y, A chalihpa ta a tyuh la, Zohna liata a ngia teh; Abeinarâhzy abeinô cha tah khao aw veih ei.

ISAI 48:14

Nama zydua ta a hmaoh u la, Nathlie teh u! Ama hry liata ahy kha ma He hmozy he a reih beih tly? Abeipa ta Kôresâ cha kyhpachâ ta, A khopa cha Babylaw chô liata tao aw ta, Kaldia mo chô liata a bâh a hy aw.

ZEREMIAH 25:12

Kô sysari a tloh nahta, Babylaw bei nata a râh, Kaldia mo râh cha, ama moleina vâta hrie aw na ta, râh cha chhâzaw ta roryhrapa­ta ei paysa aw.

ZEREMIAH 49:18

Sawdawmâ nata Kawmawrâ nata a chheipâh liata khihpizy paraopa ta a ypa hawhna khata, cha liata ahy hmah pahrâ khao leipa aw ei ta, ahy hmahta cha lâ a paih khao aw veih ei,” Abeipa ta a tah.

ZEREMIAH 50:40

Khazohpa ta Sawdawmâ nata Kawmawrâ parao ta, A chheipâh khihpizy a parao khai hapa hawhna khata, Cha liata ahy hmah pahrâ khao leipa aw ei ta, Cha lâ a paihpa chyhsa saw ahy hmah y aw veih ei,” Abeipa ta a tah.

ZEREMIAH 51:26

“A ki lô châta Nâ tawhta alô lapa châ khao leipa aw ta; Abôna lô châta chhao, Nâ tawhta lapa châ khao aw vei; Chhâzaw ta roryhrapa ta na y aw,” Abeipa ta a tah.

ZEREMIAH 51:29

“Babylaw râh cha roryhrapa ta taopa ta, Chyhsa pahrâ leina râh ta tao awpa ta, Abeipa hmochhuahpa cha a vaw tlô hapa vâta, Babylaw râh cha pasataopa ta â chalyu.

ZEREMIAH 51:41

“Kheihta ma Sesâ cha lapa châ ta, Khizaw zydua ta reithaipa cha, Patupa a châ tly! Kheihta ma Babylaw cha, Phopizy hry liata Roryhrapa ta a y tly!

ZEREMIAH 51:62

‘Hy Abeipa y, he su kyh liata, chhawh pathlahpa châ aw ta, chyhsapa tlyma râhsa tlyma, khâpa hmahta pahrâ khao leipa ta, chhâzaw ta roryhrapa ta a y awpa kyh na rei hapa kha a châ,’ tah mah y.

DÂNIAH 4:30

abei cha patuapalua ta, hetana heta tah ta, “He Babylaw rônahpa he keima hmotaotheina nata thatlôna tlai ta abei pahrâna o châta nata ei beina rônahna châta ei paduapa châ vei mâ?” tah ta.

AMÔSÂ 4:11

“Sawdawmâ nata Kawmawrâ khihpizy Khazohpa ta a paraopa hawhta, Nama hry liata thokha cha parao ei na ta, Mei tawhta thothu a daopa hawhta nama vaw châ haw; Chatanachôta kei lâ vaw kua veih ei chi,” Abeipa ta a tah.

ZEPHANIA 2:9

Chavâta ei hrona reipa ta ei reih,” Pheisaihzy Abeipa, Izarei Khazohpa ta a tah. “Môabâ cha Sawdawmâ hawhta châ aw ta, Amawna mo cha Kawmawrâ hawhta ama châ aw; Sipopa su nata alôh khaoh lâta a lie aw ei ta, Chhâzaw ta roryhrapa ta ama y aw. Ei phopi laibâhpazy ta âmo cha hrao aw ei ta, Ei râh liata a hroh tlakaihpazy ta Ama râh cha ryu ta ama to aw.

RAWMA 9:29

Isai pyly ta, “Pheisaihzy Abeipa ta Chi pathla miah pahlôhpa vei mawh sala, Sawdawmâ hawhna khata châ aw pi ta, Kawmawrâ hawhna khata eima y aw,” tahpa ta a vaw rei chhielie haw.

RYHPACHANEINA 29:23

A râh pôhpalôhpa cha, kaih nata alôh nata kârypa, khâpa chi hmah cheih leina, khâpa hmah pyu leina, sibiepazy chhao thao leina, Abeipa ta hiehâhpa nata pathi iapa ta a paraopa Sawdawmâ nata Kawmawrâ nata Adamâ nata Zebaw râhzy hawhta paraopa a châ aw.

BIEPHUAH 18:11

Lei liata sôhpalietuhpazy cha, ahy hmah ama hmo ama chalei khao leipa vâta, Babylaw cha chakheipa ta mâchhiesa ei ta.

BIEPHUAH 18:19

Ama luh liata buchadoh a mia ei ta, awh ei ta, hetana heta chapa ta mâchhie ama sâ: “Cha rimâ cha! Cha rimâ cha! Khihpi rônahpa, A hneirôna hmâpa ta, Tilaipi balyh hneituhpazy A pahneirôhsapa khihpi! Dawh kha chhôh ta, A lei khai ha he zaw!