ISAI 13:18 - Mara Bible RV (BSI)

¹⁸ Ama libawzy ta satliazy hriechheih aw ta, Chhi thei chô liata zawngiahna hnei leipa aw ei ta, Ama mo ta hawtizy ngiachhie hra aw vei.

ISAI 13:18 ပူးပေါင်းရင်းမြစ်များ

2 ABEIZY 8:12

Hâze ta, “Ei zibeipa cha khazia ma a cha tly?” tah ta. Khazohpa chyhsa ta a chhy ta, “Izarei sawzy chô liata hmo pha leipa na tao awpa ei pahnopa vâta a châ. Ama thokhyzy rao aw chi ta, ama satliazy zaozi ta thie aw chi ta, ama hawtizy taichheih aw chi ta, saw phaohpa ama chanôzy py na pahy aw,” tah ta.

2 THÂTIHZYRONA 36:17

Chavâta âmo a dyuh awpa ta, Abeipa ta Kaldia bei pathyusa ta, ano ta ama satliazy ama supathaihpa o liata zaozi ta thie ta, satlia nata laihsa, machâpa nata pawpi nôpipazy chhao ngiachhiena rai hnei leipa ta thie lymâ ta. Abeipa ta Zerusale khihsawzy cha Kaldia bei ku liata a hlâ khai ha ei.

HLAZY 127:3

Sawzy he Abeipa tawhta eima ryuto châ ei ta, Sathei he a lymâ miah a piepa a châ.

ISAI 13:16

Ama hawsaihzy taichheihpa châ aw ei ta, Ama mohmô lia tlai ta taichheihpa ama châ aw; Ama ozy hraopa châ aw ta, Ama lapinôzy patupakhipa ama châ aw.

ISAI 47:9

He hmo mianopazy heta, Movi hlâta cha vaw tlô thlu aw ta, Noh kha chhôh ta a cha vaw tlô thlu aw: Dyu hluhpi hmâpa ta, Pachaona hmotaothei ngaitapazy ta pachao hra la, Sawzy pahleina nata nôhmeina zy ta Rarôh ypa ta a cha vaw tlô thlu aw.

ISAI 5:28

Ama châtaizy tiah kaw ta, Ama libaw zydua a kei chiehpa ta y ta, Ama arâ chakiezy cha pachielô lyu ta, Ama talailih tiakizy cha khisô a lyu.

ZEREMIAH 18:21

Chavâta ama sawzy cha chakâhna lâ hlâ la, Zaozi hmotaotheina lâ hlâ mah y. Ama lapinôzy saw leipa ta y ei sala, Nôhmeipa ta y mawh ei sy. Ama pawhrâhpazy hri ta thi ei sala, Ama satliazy adyuhna liata zaozi ta thi mawh ei sy.

ZEREMIAH 5:16

“Ama châtai byh cha chhi a pahypa châ ta, Ama zydua ta pasaipha sai ama châ.

ZEREMIAH 50:30

Chavâta a satliazy cha, A tlyliahzy liata pao aw ei ta; A pheisaih zydua chhao, Cha noh liata pahleipadia khaipa ama châ aw,” Abeipa ta a tah.

ZEREMIAH 50:42

Libaw nata asei a chaba ei ta, Zawngiahna a hnei leipa Nôchhiepazy ama châ. Ama pyu cha tilaipi a aohpa pyu lyu ta, Arâ kiah ei ta, Adyuhna châta pheisaih a patlâhpa hawhta amâ patlâh; Hy Babylaw sawchanô y, Hrâ ama cha vaw siehnao huh.

ZEREMIAH 51:22

Nâma hmâpa ta chanô nata chapaw chaphie ei na ta, Nâma hmâpa ta hawti nata machâ ei chaphie ha ei. Nâma hmâpa ta satlia nata laihsa chaphie ei na ta,

ZEREMIAH 6:23

Libaw nata asei a chaba ei ta, Zawngiahna a hnei leipa nôchhiepazy ama châ. Ama pyu cha tilaipi a aohpa pyu lyu ta, Arâ kiah ei ta, Adyuhna châta pheisaih a patlâhpa hawhta a patlâh ei ta, Hy Zaio sawchanô y, hrâ ama cha vaw siehnao huh!”

EZEKIA 9:10

Chavâta kei chhao ta pahlôh leipa aw ei na ta, ngiachhie aw veih ei na. Ama hmotaopazy ama luh chô liata ei vaw patlôsa aw,” tah ta.

DÂNIAH 7:5

Sahrâhpa mianona cha chavyh lyu ta. Kârakha ta a duah ta, a pakah chhôh a hâhzy likawh liata kâru miathôh y ta, a hnohta, ‘Thyu la, sa thata nie teh,’ tahpa ta chhopa a châ.

HÔSIA 13:16

Samâri cha a Khazohpa â dyuhpa vâta, A thaileichâna a phaoh aw. Zaozi ta thi aw ei ta, Ama hawsaihzy taichheihpa ama châ aw; Ama chanô sawphaohpazy taihta Hriechheihpa ama châ aw.

NÂHU 2:1

Hy Ninivâ, papaituhpa ta a cha vaw siehnao. Na thokhyzy liata chyhsa soh la, Lâpi vaih teh; Na chai a saih la, Na tha zydua pachhi teh.

NÂHU 3:10

Chatanachôta Thebe cha papaipa châ ta, Seichâna lâ a siepa kha; Khiliah su to liata A hawsaihzy taichheihpa châ ei ta, A chyhsa zachhihpazy cha, Nuby a daopa ta amâ rai; A chyhsa rônahpazy chhao, Bâliazy ta ama chahry.