ISAI 13:14 - Mara Bible RV (BSI)

¹⁴ Sakhih amâ chadaipa hawhta, Chyhsa to ama chiheihzy lâ a heih aw ei ta, Pahmaohtuhpa a hnei leipa mietaku hawhta, Chyhsa to ama râh chyu lâta amâ râpai aw.

ISAI 13:14 ပူးပေါင်းရင်းမြစ်များ

1 ABEIZY 22:17

Mikai ta, “Izarei zydua cha vaituhpa a hnei leipa mietakuzy hawhta, tlâhzy liata viavipa ta ama ypa hmô na ta, Abeipa ta, ‘He sahlaozy he hyutuhpa hnei khao veih ei, chyhsa to ama o chyu lâta thlalôhpa ta a di mawh ei sy,’ a tah,” tah ta.

1 ABEIZY 22:36

Noh tla chy ta pheisaihzy lâta, “Chyhsa to âmo khih chyu lâta sie ei sala, chyhsa to âmo râh chyu lâta sie mawh ei sy!” tahpa ta awh ei ta.

ISAI 17:13

Râhzy ta tisaih hawhta a aoh hra ei sala, Abeipa ta âmo cha ra aw ta, Lâhlapi lâ a râ aw ei ta, Tlâh liata saviah thlih ta a phaopa hawhta, Chadai paipa châ aw ei ta; Khisô ta dohlei a phaopa hawhta, Chadai paipa ama châ aw.

ISAI 21:15

Zaozizy tawhta a râpazy châ ei ta, Zaozi phia hapa tawhta a râpazy ama châ khawh. Libaw a kei chiehpa tawhta a râpazy châ ei ta, Adyuhna rupa tawhta a râpazy ama châ khawh.

ISAI 47:15

Na rie nâ vaw pathei tyhna hmozy cha, Cha hawhna chata na châta châ aw ei ta, Na hawtita tawhta sôh na palie lâhpazy chhao, Cha hawhna chata na châta ama châ hra aw. Âmo lâpi chyu liata viavi ei ta, Châ pachha thei awpa ahy hmahta y veih ei.

ZEREMIAH 25:12

Kô sysari a tloh nahta, Babylaw bei nata a râh, Kaldia mo râh cha, ama moleina vâta hrie aw na ta, râh cha chhâzaw ta roryhrapa­ta ei paysa aw.

ZEREMIAH 50:16

Chi hietuhpa cha, Babylaw tawhta chhawh pathlah u la; Savâ ta sâh a hria tyhpa chhao, Chhawh pathlah teh u. Tlybaituhpa zaozi vâta, Chyhsa to âmo phopi chyu pangai ei sala, Âmo râh chyu lâta a râ mawh ei sy.

ZEREMIAH 51:9

Babylaw cha patlâh a chhuah pi ta, Châhrasala tlâh thei vei. Chavâta ano cha siesai sih la, Eima râh chyu lâta sie ei suh u; Ano hrie nawpa kyh vârâh tlô ha ta, Avâ taihta chalopa a châ ha hih.

NÂHU 3:18

Hy Asuria bei, Na mietaku vaituhpazy a mô ei ta, Na beimachâzy amâ môkua haw. Na phopi cha tlâhpizy liata viavi ei ta, A pakhy awpa y veih ei.

MATHAI 9:36

Zawpizy a hmô nahta, vaituhpa hnei leipa mietakuzy hawhta, nôpopa nata baotuhpa hnei leipa ta ama ypa vâta, âmo cha a thapasa ngaita ta.

MÂKA 6:34

Zisu cha ngiahkâ lâ a pua nahta, zawpi hluhpi hmô ta, vaituhpa hnei leipa mietaku hawhta ama châpa vâta, âmo cha a tha pasa ngaita ta. Âmo cha hmo hluhpi pachu ta.

1 PITY 2:25

Mietakuzy hawhta lâpi pavia ei chi ta, tahmâ deikua cha nama thlahpa Chhituhpa nata Mietaku Vaituhpa lâ nama kua ha hih.